'ಟಗರು ಪಲ್ಯಾ'ಗೆ ರೆಡಿಯಾದ ನೆನಪಿರಲಿ ಪ್ರೇಮ್ ಪುತ್ರಿ; ಫೋಟೋ ವೈರಲ್
ನೆನಪಿರಲಿ ಪ್ರೇಮ್ ಮಗಳು ಅಮೃತಾ ಪ್ರೇಮ್ ಸಿನಿಮಾರಂಗಕ್ಕೆ ಎಂಟ್ರಿ ಕೊಟ್ಟಿದ್ದಾರೆ. ಟಗರು ಪಲ್ಯಾ ಸಿನಿಮಾ ಮೂಲಕ ಅಮೃತಾ ಅಭಿಮಾನಿಗಳ ಮುಂದೆ ಬರಲು ಸಜ್ಜಾಗಿದ್ದಾರೆ.
ನೆನಪಿರಲಿ ಪ್ರೇಮ್ ಸ್ಯಾಂಡಲ್ ವುಡ್ ನ ಸುರದ್ರೂಪಿ ನಟ. ಕನ್ನಡ ಚಿತ್ರರಂಗದಲ್ಲಿ ಪ್ರೇಮ್ ಪ್ರೀತಿಯ ಪಲ್ಲಕ್ಕಿ ಹೊತ್ತು ಎಲ್ಲರ ಜೊತೆ ಜೊತೆಯಲ್ಲೇ ಸಾಗುತ್ತಿದ್ದಾರೆ. ಕ್ಯೂಟ್ ಲವ್ ಸ್ಟೋರಿ ಸಿನಿಮಾಗಳ ಸರದಾರ ಈ ಗುಣವಂತ ಪ್ರೇಮ್. ಪ್ರೇಮ್ ಅಂದ್ರೆ ಹಲವಾರು ಸವಿ ಸವಿ ನೆನಪುಗಳು ಸಿನಿಮಾಗಳು ಕಣ್ಣುಂದೆ ಬರುತ್ತೆ. ಚಿತ್ರರಂಗದಲ್ಲಿ ಅಂತಹ ಬಿಗ್ ಹಿಟ್ ಕೊಟ್ಟಿರೋ ಸ್ಯಾಂಡಲ್ ವುಡ್ ಈ ಜೊತೆಗಾರ ಇದೀಗ ತನ್ನ ಗೊಂಬೆಯಂತಾ ಮಗಳನ್ನ ಚಿತ್ರರಂಗಕ್ಕೆ ಪರಿಚಯಿಸುತ್ತಿದ್ದಾರೆ. ಪ್ರೇಮ್ ಮಗಳ ಎಂಟ್ರಿ ಹೇಗಿದೆ ಅಂದ್ರೆ ಅಪ್ಪನನ್ನೇ ಮೀರಿಸೋ ಮಟ್ಟಕ್ಕಿದೆ. ಪ್ರೇಮ್ ಪುತ್ರಿಗೆ ಈಗ 20 ವರ್ಷ. ದಂತದ ಗೊಂಬೆಯಂತೆ ಕಾಣಿಸೋ ಅಮೃತಾ ಪ್ರೇಮ್ ತನ್ನ ಮೊದಲ ನೋಟದಲ್ಲೇ ಎಲ್ಲರಾ ಗಮನ ಸೆಳೆದಿದ್ದಾರೆ. ಡಾಲಿ ಧನಂಜಯ್ ಅವರ ಟಗರು ಪಲ್ಯಾ ಸಿನಿಮಾದ ಮೂಲಕ ಅಮೃತಾ ಎಂಟ್ರಿ ಕೊಡುತ್ತಿದ್ದಾರೆ.
