Bengaluru: ಹೊಸ ವರ್ಷಾಚರಣೆಗೆ ಭರ್ಜರಿ ಸಿದ್ಧತೆ: ಪೊಲೀಸರಿಂದ 5000 ಸಿಸಿಟಿವಿ ಅಳವಡಿಕೆ

ಬೆಂಗಳೂರು (ಡಿ.23): 2022ಕ್ಕೆ ಗುಡ್‌ಬೈ ಹೇಳಿ 2023ಕ್ಕೆ ಸ್ವಾಗತಿಸೋಕೆ ಇಡೀ ರಾಜ್ಯ ಸಜ್ಜಾಗಿದ್ದು, ಇಯರ್ ಎಂಡ್ ಜೊತೆಗೆ ವೀಕೆಂಡ್‌ ಬಂದಿರುವುದರಿಂದ ಜನತೆ ಫುಲ್ ಖುಷ್ ಆಗಿದೆ. ಭರ್ಜರಿ ಪಾರ್ಟಿ ಮಾಡುವವರ ಮೇಲೆ ಪೊಲೀಸ್ ಇಲಾಖೆ ಕಣ್ಣಿಟ್ಟಿದ್ದು, ಕಳೆದ ಬಾರಿಗಿಂತ ಈ ಬಾರಿ ಜೋರಾಗಿರಲಿದೆ ನ್ಯೂ ಇಯರ್ ಸೆಲೆಬ್ರೇಷನ್. ಜೊತೆಗೆ ಬೆಂಗಳೂರಿನ ಸೂಕ್ಷ್ಮ ಪ್ರದೇಶಗಳು ಇದೀಗ ಪೊಲೀಸ್ ಕಣ್ಗಾವಲಿನಲ್ಲಿದೆ. ಇನ್ನು ಸಿಟಿ ಪೊಲೀಸರು ನಗರದ ಮುಖ್ಯ ಪಾರ್ಟಿ ಸ್ಪಾಟ್‌ಗಳನ್ನು ಪಟ್ಟಿ ಮಾಡಿದ್ದು, ನಗರದಾದ್ಯಂತ 5000ಕ್ಕೂ ಹೆಚ್ಚು ಸಿಸಿಟಿವಿಯನ್ನು ಅಳವಡಿಸಿದೆ. ಹೆಚ್ಚುವರಿ ಪೊಲೀಸ್ ಸಿಬ್ಬಂದಿ, ಬೌನ್ಸರ್‌ಗಳ ಮೂಲಕ ಕಟ್ಟೆಚರವನ್ನು ವಹಿಸಲಾಗುತ್ತಿದ್ದು, ಮುಖ್ಯವಾಗಿ ಬೆಂಗಳೂರಿನಾದ್ಯಂತ 20ಕ್ಕೂ ಹೆಚ್ಚು ಡ್ರೋಣ್ ಕ್ಯಾಮೆರಾಗಳು ಹಾರಾಡಲಿವೆ. ಈ ಬಾರಿ ಬಹಳ ಅದ್ದೂರಿಯಾಗಿ ಹೊಸ ವರ್ಷವನ್ನು ಸ್ವಾಗತಿಸಲು ಜನತೆ ಆತುರದಿಂದ ಕಾಯುತ್ತಿದ್ದು, ಅದಕ್ಕೆ ಬೇಕಾದ ಭದ್ರತಾ ವ್ಯವಸ್ಥೆಯು ಸಾಗುತ್ತಿದೆ.