50% Occupancy: ಎಲ್ಲಾ ಕ್ಷೇತ್ರಗಳಿಗೆ 100 % ಅವಕಾಶ, ಥಿಯೇಟರ್ಗ್ಯಾಕಿಲ್ಲ, ಮಾಲಿಕರ ಅಸಮಾಧಾನ
ಸಿನಿಮಾ, ಮಲ್ಟಿಪ್ಲೆಕ್ಸ್, ರಂಗಮಂದಿರಗಳು, ಸಭಾಂಗಣಗಳಿಗೆ ವಿಧಿಸಿದ್ದ ಶೇ.50 ರಷ್ಟುಮಿತಿಯನ್ನು ಸರ್ಕಾರ ಮುಂದುವರೆಸಿದೆ. ಈ ಬಗ್ಗೆ ಚಲನಚಿತ್ರ ರಂಗದ ಪ್ರಮುಖರು ಅಸಮಾಧಾನ ವಕ್ತಪಡಿಸಿದ್ದಾರೆ.
ಬೆಂಗಳೂರು (ಜ. 31): ಸಿನಿಮಾ, ಮಲ್ಟಿಪ್ಲೆಕ್ಸ್, ರಂಗಮಂದಿರಗಳು, ಸಭಾಂಗಣಗಳಿಗೆ ವಿಧಿಸಿದ್ದ ಶೇ.50 ರಷ್ಟುಮಿತಿಯನ್ನು ಸರ್ಕಾರ ಮುಂದುವರೆಸಿದೆ. ಈ ಬಗ್ಗೆ ಚಲನಚಿತ್ರ ರಂಗದ ಪ್ರಮುಖರು ಅಸಮಾಧಾನ ವಕ್ತಪಡಿಸಿದ್ದಾರೆ. ಈ ಬಗ್ಗೆ ಪ್ರತಿಕ್ರಿಯಿಸಿದ ಮುಖ್ಯಮಂತ್ರಿಬಸವರಾಜ ಬೊಮ್ಮಾಯಿ (Basavaraj Bommai) ಸಿನಿಮಾ ರಂಗದ ನಿಯೋಗದವರು ಇಂದು ಭೇಟಿ ಮಾಡಲಿದ್ದಾರೆ. ಸಭೆ ನಡೆಸಿದ ಬಳಿಕ ಅಂತಿಮ ನಿರ್ಧಾರ ಪ್ರಕಟಿಸಲಾಗುವುದು ಎಂದಿದ್ದಾರೆ.
'ಎಲ್ಲಾ ಕ್ಷೇತ್ರಗಳಿಗೆ 100 % ಅನುಮತಿ ಕೊಡಲಾಗಿದೆ. ಚಿತ್ರರಂಗದವರಿಗೆ ಯಾಕೆ ಈ ನಿರ್ಬಂಧ..? ನಾವು ಮುಖ್ಯಮಂತ್ರಿಗಳಿಗೆ ಮನವಿ ಸಲ್ಲಿಸಿದ್ದೇವೆ. ಇಂದಿನ ಸಭೆಯಲ್ಲಿ ನಿರ್ಧಾರ ಮಾಡುತ್ತೇವೆ ಎಂದಿದ್ದಾರೆ. ಮುಖ್ಯಮಂತ್ರಿಗಳ ನಿರ್ಧಾರದ ಮೇಲೆ ನಮಗೆ ಭರವಸೆ ಇದೆ' ಎಂದು ವಾಣಿಜ್ಯ ಮಂಡಳಿ ಉಪಾಧ್ಯಕ್ಷ ಉಮೇಶ್ ಭಣಕಾರ್ ಹೇಳದ್ದಾರೆ.