ಹೊಂಬಾಳೆ + ಪ್ರಭಾಸ್.. 3 ಸಿನಿಮಾ ಅನೌನ್ಸ್: ಡಾರ್ಲಿಂಗ್ ಜೊತೆ ಬಿಗ್ ಡೀಲ್!
ಹೊಂಬಾಳೆ ಫಿಲಮ್ಸ್ ಇತ್ತೀಚೆಗೆ ಯಾವ ಹೊಸ ಸಿನಿಮಾವನ್ನೂ ಘೋಷಿಸಿರಲಿಲ್ಲ. ಇದೀಗ ದೊಡ್ಡ ಸಂದೇಶ ನೀಡಿರುವ ಹೊಂಬಾಳೆ ಫಿಲಮ್ಸ್ ಪ್ರಭಾಸ್ ಜೊತೆ ಮೂರು ಪ್ಯಾನ್ ಇಂಡಿಯಾ ಸಿನಿಮಾಗಳನ್ನು ಮಾಡುವುದಾಗಿ ಘೋಷಿಸಿದೆ.
ಹೊಂಬಾಳೆ ಫಿಲಮ್ಸ್ ಇತ್ತೀಚೆಗೆ ಯಾವ ಹೊಸ ಸಿನಿಮಾವನ್ನೂ ಘೋಷಿಸಿರಲಿಲ್ಲ. ಇದೀಗ ದೊಡ್ಡ ಸಂದೇಶ ನೀಡಿರುವ ಹೊಂಬಾಳೆ ಫಿಲಮ್ಸ್ ಪ್ರಭಾಸ್ ಜೊತೆ ಮೂರು ಪ್ಯಾನ್ ಇಂಡಿಯಾ ಸಿನಿಮಾಗಳನ್ನು ಮಾಡುವುದಾಗಿ ಘೋಷಿಸಿದೆ. 2026, 2027 ಮತ್ತು 2028ರಲ್ಲಿ ಈ ಸಿನಿಮಾಗಳನ್ನು ಬಿಡುಗಡೆ ಮಾಡುವುದಾಗಿ ಸಂಸ್ಥೆ ತಿಳಿಸಿದೆ. ಮೂರು ಸಿನಿಮಾಗಳ ಪೈಕಿ ಒಂದು ಸಿನಿಮಾ ಪ್ರಶಾಂತ್ ನೀಲ್ ನಿರ್ದೇಶನದ ‘ಸಲಾರ್ 2’ ಆಗಿದ್ದು, ಈ ಚಿತ್ರ 2026ರಲ್ಲಿ ಬರಲಿದೆ. ಉಳಿದೆರಡು ಚಿತ್ರಗಳ ನಿರ್ದೇಶಕರ ಹೆಸರು ಘೋಷಣೆ ಆಗಿಲ್ಲ. ಈ ಸಿನಿಮಾ ಘೋಷಣೆ ಕುರಿತು ವಿಜಯ ಕಿರಗಂದೂರು, ‘ನಟ ಪ್ರಭಾಸ್ ಪಾಲುದಾರಿಕೆಯಲ್ಲಿ ಮೂರು ಚಿತ್ರಗಳನ್ನು ನಿರ್ಮಿಸುತ್ತಿರುವುದು ನಮಗೆ ಹೆಮ್ಮೆಯ ಸಂಗತಿ. ಭಾರತೀಯ ಸಿನಿಮಾ ಜಗತ್ತಿಗೆ ಬಹು ದೊಡ್ಡ ಸಿನಿಮಾಗಳನ್ನು ಕೊಡಬೇಕೆಂಬ ಗುರಿ ಹೊಂದಿರುವ ಹೊಂಬಾಳೆ ಫಿಲಮ್ಸ್, ‘ಸಲಾರ್’ ಚಿತ್ರದಿಂದ ಪ್ರಭಾಸ್ ಜತೆಗೆ ಪ್ರಯಾಣ ಶುರು ಮಾಡಿತ್ತು. ಈಗ ‘ಸಲಾರ್ 2’ ಜತೆಗೆ ಪ್ರಭಾಸ್ ಅವರೊಂದಿಗೆ ಮತ್ತೆರಡು ಚಿತ್ರಗಳನ್ನು ನಿರ್ಮಿಸುತ್ತಿದ್ದೇವೆ’ ಎಂದು ಹೇಳಿದ್ದಾರೆ.
