"ಡಿಸಿಎಂ ಬೇಡ.. ನಮ್ಮ ಟಾರ್ಗೆಟ್ ಸಿಎಂ ಕುರ್ಚಿ" ಎಂದ ಶಾಮನೂರು..!

ಕಾವೇರಿ ಜಲ ಸಂಘರ್ಷದ ಚಕ್ರವ್ಯೂಹದಲ್ಲಿ ಸಿಲುಕಿರೋ ಕಾಂಗ್ರೆಸ್ (Congress) ಸರ್ಕಾರಕ್ಕೆ ಮತ್ತೊಂದು ಚಕ್ರವ್ಯೂಹ. ಇದು ಪಕ್ಕಾ ಪೊಲಿಟಿಕಲ್ ಚಕ್ರವ್ಯೂಹ. ಸರ್ಕಾರದ ಬುಡದಲ್ಲೇ ಎದ್ದು ನಿಂತಿರೋ ಲಿಂಗಾಯತ(Lingayat) ಚಕ್ರವ್ಯೂಹ. ಆ ವ್ಯೂಹದ ಗುರಿ ಸಿಎಂ ಪಟ್ಟ. ವೀರಶೈವ-ಲಿಂಗಾಯತರಿಗೆ ಮುಖ್ಯಮಂತ್ರಿ ಪಟ್ಟ ಕೊಡ್ಬೇಕು ಅಂತ ಕಾಂಗ್ರೆಸ್‌ನ ಹಿರಿಯ ಶಾಸಕ ಶಾಮನೂರು ಶಿವಶಂಕರಪ್ಪ(Shamanur Shivashankarappa) ಹೇಳಿದ್ದಾರೆ. ಅಷ್ಟೇ ಅಲ್ಲ, ಈ ಸರ್ಕಾರದಲ್ಲಿ ಲಿಂಗಾಯತ ಸಮುದಾಯದ ಅಧಿಕಾರಿಗಳಿಗೆ ಅನ್ಯಾಯವಾಗ್ತಿದೆ ಅಂದಿದ್ದಾರೆ. ಡಿಸಿಎಂ ದಂಗಲ್ ಆಯ್ತು..ಈಗ ಸಿಎಂ ಪಟ್ಟಕ್ಕೇ ಫೈಟ್. ಕಾಂಗ್ರೆಸ್ ಸರ್ಕಾರದಲ್ಲಿ ದಿನಕ್ಕೊಂದು ರಗಳೆ, ಸಿದ್ದರಾಮಯ್ಯನವರಿಗೆ ದಿನಕ್ಕೊಂದು ಟೆನ್ಷನ್. ತ್ರಿವಳಿ ಡಿಸಿಎಂ ಹುದ್ದೆಗಾಗಿ ಕೂಗು ಎದ್ದು ಆ ಬಿಸಿ ತಣ್ಣಗಾದ ಬೆನ್ನಲ್ಲೇ ಈಗ ಅಂತರ್ಯುದ್ಧದ ನೇರ ಟಾರ್ಗೆಟ್ ಮುಖ್ಯಮಂತ್ರಿ ಪಟ್ಟ. ರಾಜ್ಯ ಕಾಂಗ್ರೆಸ್‌ಗೆ ಅಂತರ್ಯುದ್ಧ ಹೊಸತೂ ಅಲ್ಲ, ಅದ್ಕೆ ಕೊನೆಯೂ ಇಲ್ಲ. ಅಂತರ್ಯುದ್ಧ, ಅಂತಃಕಲಹ ಅಂತ ಬಂದ್ರೆ ಕಾಂಗ್ರೆಸ್‌ನಲ್ಲಿ ಅದಕ್ಕೊಂದು ದೊಡ್ಡ ಚರಿತ್ರೆಯೇ ಇದೆ. ಕಾಲ ಕಾಲಕ್ಕೆ ಕಾಂಗ್ರೆಸ್‌ನಲ್ಲಿ ಈ ಆಂತರಿಕ ಗುದ್ದಾಟ, ಕಚ್ಚಾಟ, ಕಾಲೆಳೆಯುವ ಪರಿಪಾಠ ಮುಂದುವರಿದುಕೊಂಡೇ ಬಂದಿದೆ. ನಾವಿವತ್ತು ಹೇಳ್ತಾ ಇರೋದು ಅದರ ಮುಂದುವರಿದ ಅಧ್ಯಾಯ. ಮೊನ್ನೆ ಮೊನ್ನೆಯಷ್ಟೇ ಸಿದ್ದರಾಮಯ್ಯ ಸರ್ಕಾರದಲ್ಲಿ ಡಿಸಿಎಂ ದಂಗಲ್ ದೊಡ್ಡ ಸದ್ದು ಮಾಡಿತ್ತು. ಆ ದಂಗಲ್"ಗೆ ಕಾಂಗ್ರೆಸ್ ಹೈಕಮಾಂಡ್ ಬ್ರೇಕ್ ಹಾಕಿದ ಬೆನ್ನಲ್ಲೇ ಈಗ ಸಿಎಂ ಪಟ್ಟದ ದಂಗಲ್ ಶುರುವಾಗಿದೆ. 

ಇದನ್ನೂ ವೀಕ್ಷಿಸಿ:  ಬರ್ಲಿನ್ ಕನ್ನಡ ಬಳಗದಿಂದ ಜರ್ಮನಿಯಲ್ಲಿ ಕನ್ನಡಿಗರ ಕ್ರೀಡಾ ಸ್ಪೂರ್ತಿ !