ಮಾರುತಿ ಬರೆದ ಡೆತ್‌ನೋಟ್‌ನಲ್ಲಿ ಏನಿತ್ತು ? ಪೊಲೀಸರೂ ಅವನ ವಿರುದ್ಧ ನಿಂತುಬಿಟ್ಟಿದ್ರಾ..?

ಆತ ಕೂಲಿ ಮಾಡುತ್ತಾ, ಪತ್ನಿ ಹಾಗೂ ಇಬ್ಬರು ಮಕ್ಕಳ ಜತೆ ಸುಖೀ ಸಂಸಾರ ನಡೆಸುತ್ತಾ ದಿನದೂಡುತ್ತಿದ್ದ ಯುವಕ. ಸುಮಾರು ಒಂದೂವರೆ ತಿಂಗಳ ಹಿಂದೆ ಹಿಂದೂ ದೇವತೆಗಳನ್ನು ನಿಂದಿಸಿದ್ದ ದಲಿತ ಮುಖಂಡನ ವಿಡಿಯೋ ರೆಕಾರ್ಡ್ ಮಾಡಿ, ಆತನ ಬಂಡವಾಳ ಬಯಲು ಮಾಡಿದ್ದ. ಆದರೆ, ಹೀಗೆ ಹಿಂದುತ್ವ(Hindutva) ಅಂತ ಹೆಳ್ಕೊಂಡು ಬೀದಿಗಿಳಿದಿದ್ದ ಆ ಯುವಕ ಇವತ್ತು ಸಾವಿಗೆ ಶರಣಾಗಿದ್ದಾನೆ. ಆದ್ರೆ ಆತನ ಸಾವು ಸಾಕಷ್ಟು ಗುಮಾನಿಗಳನ್ನು ಹುಟ್ಟುಹಾಕಿದೆ. ಆದರೆ, ಈ ಯುವಕನ‌ ಪತ್ನಿಗೆ ಮರುದಿ‌ನ ಸಿಕ್ಕಿದ ಡೆತ್ ನೋಟ್(Death Note) ಯುವಕನ ಸಾವಿನ ಸೀಕ್ರೆಟ್ ಬಯಲು ಮಾಡಿದೆ. ಹೀಗೊಂದು ಡೆತ್‌ನೋಟ್‌ ಬರೆದಿಟ್ಟು ಪ್ರಾಣ ಬಿಟ್ಟಿದ್ದ ಮಾರುತಿ, ಇನ್ನೂ ಆತ ಬರೆದಿಟ್ಟಿದ್ದ ಡೆತ್ ನೋಟ್ ಹಲವು ಅನುಮಾನಗಳಿಗೆ ದಾರಿ ಮಾಡಿಕೊಟ್ಟಿದ್ದು. ಡೆತ್‌ನೋಟ್‌ನಲ್ಲಿದ್ದ ಪೊಲೀಸರ(Police) ಹೆಸರುಗಳು ಎಫ್.ಐ.ಆರ್‌ನಲ್ಲಿ ಮಾಯವಾಗಿದೆ. ಯಾವಾಗ ದಲಿತ ಮುಖಂಡನ(Dalit Leader) ಬಂಡವಾಳವನ್ನು ಮಾರುತಿ ನಾಯ್ಕ್ ಬಯಲು ಮಾಡಿದ್ನೋ ಅಂದಿನಿಂದ ಪೊಲೀಸರು ಹಾಗೂ ದಲಿತ ಮುಖಂಡನ ಕುಟುಂಬಸ್ಥರು ಮಾರುತಿಯನ್ನ ಹಿಂಸಿಸೋದಕ್ಕೆ ಶುರು ಮಾಡಿದ್ರು. ಮಾನಸಿಕವಾಗಿ ಅವನನ್ನ ಕಾಡಲಾರಂಭಿಸಿದ್ರು. ಪ್ರತೀ ನಿತ್ಯ ಕಿರುಕುಳ ಜೀವ ಬೆದರಿಕೆ. ಇದರ ಬಗ್ಗೆ ಹೋಗಿ ಪೊಲೀಸರಿಗೆ ದೂರು ನೀಡೋಣ ಅಂದ್ರೆ ಅವರೇ ಇವನ ವಿರುದ್ಧ ನಿಂತಿದ್ದಾರೆ. ಇದೆಲ್ಲದ್ರಿಂದ ಬೇಸತ್ತ ಮಾರುತಿ ಸಾವಿಗೆ ಶರಣಾಗಿದ್ದಾನೆ. ಇನ್ನೂ ಇದೇ ಸೂಸೈಡ್ ಕೇಸ್ನ ತನಿಖೆ ನಡೆಸಿದ ಪೊಲೀಸರು ಕೆಲ ಎಡವಟ್ಟುಗಳನ್ನ ಮಾಡಿದ್ದಾರೆ ಅನ್ನೋ ಮಾತುಗಳು ಕೇಳಿ ಬತೀವೆ. ಕಾರಣ ಮಾರುತಿಯ ಡೆತ್ನೋಟ್ನಲ್ಲಿದ್ದ ಪೊಲೀಸರ ಹೆಸರುಗಳು ಎಫ್.ಐ.ಆರ್‌ನಲ್ಲಿ ಮಾಯಾವಾಗಿವೆ.

ಇದನ್ನೂ ವೀಕ್ಷಿಸಿ:  ಹಮಾಸ್ ಬುಡಕ್ಕೆ ಪೆಟ್ಟು ಕೊಟ್ಟವನು ಹೇಳಿದ್ದೇನು..? ಸನ್ ಆಫ್ ಹಮಾಸ್.. ರಹಸ್ಯಗಳೆಲ್ಲಾ ಬಯಲು!