ನಿಗೂಢವಾಗೇ ಉಳಿದ ಮಹಾಲಕ್ಷ್ಮಿ ಮರ್ಡರ್ ಕೇಸ್! ಹಂತಕ ಪೊಲೀಸರನ್ನ ಹೇಗೆಲ್ಲಾ ದಿಕ್ಕು ತಪ್ಪಿಸಿದ್ದ ಗೊತ್ತಾ?
ಮಹಾಲಕ್ಷ್ಮಿ ಕೊಲೆ ಹಂತಕನ ಹಿಂದೆ ಬಿದ್ದಿರೋ ಪೊಲೀಸರು ನಾನಾ ಆ್ಯಂಗಲ್ನಲ್ಲಿ ತನಿಖೆ ನಡೆಸುತ್ತಿದ್ದಾರೆ. ಆದ್ರೆ ಇದೂವರೆಗೂ ಒಂದೇ ಒಂದು ಸುಳಿವು ಸಿಕ್ಕಿಲ್ಲ. ಕುಟುಂಬಸ್ಥರು ಕೆಲವರ ಮೇಲೆ ಅನುಮಾನ ಪಟ್ಟರು. ಅವರನ್ನ ಕರೆಸಿ ವಿಚಾರಣೆ ಮಾಡಿದ್ದೂ ಆಯ್ತು. ಆದ್ರೂ ಯಾವುದೇ ಪ್ರಯೋಜನವಾಗಿಲ್ಲ.
Followಬೆಂಗಳೂರು: ಅವಳು ನೇಪಾಳದ ಸುಂದರಿ. ಬೆಂಗಳೂರಿನ ಮಾಲ್ನಲ್ಲಿ ಕೆಲಸ ಮಾಡಿಕೊಂಡು ಒಂಟಿ ಜೀವನ ನಡೆಸುತ್ತಿದ್ದಳು. ಆದ್ರೆ ಈಕೆ ಬೆಂಗಳೂರಿನಲ್ಲಿ ಮರ್ಡರ್ ಆಗಿದ್ದಾಳೆ. ಅದೂ ಕ್ರೂರಾತಿ ಕ್ರೂರವಾಗಿ. ಯಸ್. ನಾವು ಮಾತನ್ನಾಡ್ತಿರೋದು ಇದೀಗ ದೇಶವನ್ನೇ ಥಂಡಾ ಹೊಡೆಯುವಂತೆ ಮಾಡಿದ ಮಹಾಲಕ್ಷ್ಮಿ ಮರ್ಡರ್ ಕೇಸ್. ಮಹಾಲಕ್ಷ್ಮಿಯ ತುಂಡು ತುಂಡು ದೇಹ ಫ್ರಿಡ್ಜ್ನಲ್ಲಿ ಸಿಕ್ಕಿ 3 ದಿನಗಳಾಗುತ್ತಾ ಬರುತ್ತಿದೆ. ಆದ್ರೆ ಇದುವರೆಗೂ ಕೊಲೆಯ ಹಂತಕ ಮಾತ್ರ ಪತ್ತೆಯಾಗಿಲ್ಲ.
ಅವಳನ್ನ ಕೊಂದಿದ್ಯಾರು? ಯಾಕಾಗಿ ಕೊಂದ? ಹಂತಕನ ಪ್ಲಾನ್ ಏನಿತ್ತು? ಇದ್ಯಾವುದೂ ಕೂಡ ಇನ್ನೂ ಸಹ ಪೊಲೀಸರಿಗೆ ಗೊತ್ತಾಗಿಲ್ಲ.. ಹಾಗಾದ್ರೆ ಈ ಕೇಸ್ನಲ್ಲಿ ಪೊಲೀಸರ ತನಿಖೆ ಹೇಗೆ ನಡೆಯುತ್ತಿದೆ. ಸದ್ಯ ಸಿಕ್ಕಿರುವ ಸುಳಿವುಗಳೇನು? ಮಹಾಲಕ್ಷ್ಮಿ ಮರ್ಡರ್ ಕೇಸ್ನ ಕಂಪ್ಲೀಟ್ ಡಿಟೇಲ್ಸ್ ಇಲ್ಲಿದೆ ನೋಡಿ.
