ಫಸ್ಟ್ ಡೇ ಹ್ಯಾಟ್ರಿಕ್ ಬಾರಿಸಿದ ಡಂಕಿ..! ಶಾರುಖ್ ಖಾನ್ ನೋಡಿ ಫಿದಾ ಆದ ಪ್ರೇಕ್ಷಕ..!
2023 ವರ್ಷದಲ್ಲಿ ಬ್ಯಾಕ್ ಟು ಬ್ಯಾಕ್ ಸಕ್ಸಸ್ ಮೂವಿಸ್ ಕೊಟ್ಟ ಶಾರುಖ್ ಖಾನ್ ಅವರ ಮತ್ತೊಂದು ಸಿನಿಮಾ ತೆರೆಗೆ ಬಂದಪ್ಪಳಿಸಿದೆ. ಅದುವೇ ಡಂಕಿ.. ಹೌದು, ಬಹುನಿರೀಕ್ಷಿತ ಡಂಕಿ ಸಿನಿಮಾ ವಿಶ್ವಾದ್ಯಂತ ರಿಲೀಸ್ ಆಗಿದೆ. ವಿಶ್ವಾದ್ಯಂತ ಇರುವ ಶಾರುಖ್ ಖಾನ್ ಅಭಿಮಾನಿಗಳು ಈ ಡಂಕಿ ಸಿನಿಮಾಗಾಗಿ ಕಾಯುತ್ತಿದ್ದರು.
ನ್ಯೂಜಿಲೆಂಡ್ನಲ್ಲಿ ಫಸ್ಟ್ ಶೋ ನಡೆದಿದ್ದು ಅಲ್ಲಿನ ಸಿನಿಮಾ ಪ್ರೇಕ್ಷಕರು ಟ್ವಿಟರ್ ಮೂಲಕ ತಮ್ಮ ಪ್ರತಿಕ್ರಿಯೆ ಕೊಟ್ಟರು. ಸಿನಿಮಾ ಪ್ರಿಯರು ಶಾರುಖ್( Shah Rukh Khan ) ಹಾಗೂ ರಾಜ್ಕುಮಾರ್ ಹೀರಾನಿ(Rajkumar Hirani ) ಅವರನ್ನು ಹೊಗಳಿದ್ದಾರೆ. ಡಂಕಿ(Dunki) ಮೂಲಕ ಒಂದು ದೇಶಭಕ್ತಿ ಸಿನಿಮಾ ಕೊಟ್ಟಿದ್ದಕ್ಕೆ ಚಪ್ಪಾಳೆ ತಟ್ಟಿದ್ದಾರೆ. ವಿಕ್ಕಿ ಕೌಶಲ್ ಅಂತೂ ತಮ್ಮ ಅಭಿನಯದಿಂದ ಪ್ರೇಕ್ಷಕರನ್ನು ಮೋಡಿ ಮಾಡುತ್ತಾರೆ ಎನ್ನಲಾಗಿದೆ. ಮೊದಲ ದಿನವೇ ಡಂಕಿ ಸಿನಿಮಾ ನೋಡಲು ಪ್ರೇಕ್ಷಕರ ತುಂಬಾ ಉತ್ಸುಕರಾಗಿದ್ದಾರೆ. ಚಿತ್ರ ವೀಕ್ಷಣೆಗೆ ಮುಂಗಡ ಟಿಕೆಟ್(Ticket) ಬುಕ್ಕಿಂಗ್ ಕೂಡ ಜೋರಾಗಿದೆ. ಇಂಡಸ್ಟ್ರಿ ಟ್ರ್ಯಾಕರ್ ಸ್ಯಾಕ್ನಿಲ್ಕ್ನ ವರದಿಗಳ ಪ್ರಕಾರ, ಮೊದಲ ದಿನ ಡಂಕಿ ಸುಮಾರು 25 ರಿಂದ 30 ಕೋಟಿ ರೂಪಾಯಿ ಗಳಿಸುವ ಸಾಧ್ಯತೆ ಹೆಚ್ಚಿದೆ. ಭಾರತದಲ್ಲಿ ಡಂಕಿ ಸರಿಸುಮಾರು 4,000 ಚಿತ್ರಮಂದಿಗಳಲ್ಲಿ ಬಿಡುಗಡೆಯಾಗಿದ್ದು, ಮೊದಲ ದಿನವೇ 15,000 ಪ್ರದರ್ಶನಗಳು ಕಾಣಲಿವೆ. ಆರಂಭದ ದಿನವೇ ಡಂಕಿ ನಿರೀಕ್ಷೆಗೂ ಮೀರಿ ಭರ್ಜರಿ ಕಲೆಕ್ಷನ್ ಮಾಡುವ ಸಾಧ್ಯತೆಯಿದೆ. PK ಸಿನಿಮಾ ಆರಂಭಿಕ ದಿನದಲ್ಲಿ 26 ಕೋಟಿ ರೂ. ಗಳಿಸಿತ್ತು. ಡಂಕಿ ಚಿತ್ರದ ಕಲೆಕ್ಷನ್ ದಾಖಲೆಯನ್ನು ಮುರಿಯಲಿದ್ದು, ಮೊದಲ ದಿನವೇ 34.25 ಕೋಟಿ ರೂ. ಹೆಚ್ಚು ಗಳಿಕೆ ಮಾಡಲಿದೆ ಎಂದು ಅಂದಾಜು ಮಾಡಲಾಗಿದೆ. ಡಂಕಿ ಚಿತ್ರಕ್ಕಾಗಿ ಮುಂಗಡ ಟಿಕೆಟ್ ಬುಕ್ಕಿಂಗ್ ಪ್ರಾರಂಭವಾಗಿದ್ದು, ಮೊದಲ ದಿನವೇ 5,58,766 ಟಿಕೆಟ್ಗಳು ಬುಕ್ ಆಗಿವೆ. PVR, ಐನಾಕ್ಸ್ ಮತ್ತು ಸಿನೆಪೊಲಿಸ್ನಿಂದ ಟಿಕೆಟ್ಗಳು ಮಾರಾಟವಾಗಿವೆ. ಮುಂಗಡ ಬುಕ್ಕಿಂಗ್ಗಳ ವಿಷಯದಲ್ಲಿ ಶಾರುಖ್ ಖಾನ್ ಚಲನಚಿತ್ರವು ಹವಾ ಸೃಷ್ಟಿ ಮಾಡಿದೆ. ಡಂಕಿ ಚಿತ್ರವು ಮುಂಗಡ ಬುಕಿಂಗ್ನಿಂದ ಒಟ್ಟು 15.41 ಕೋಟಿ ರೂ. ಗಳಿಕೆ ಮಾಡಿದೆ.
ಇದನ್ನೂ ವೀಕ್ಷಿಸಿ: ‘ಸಲಾರ್’ ಅಬ್ಬರಕ್ಕೆ ಬ್ರೇಕ್ ಹಾಕೋದಕ್ಕೆ ‘ಡಂಕಿ’ ಮಾಸ್ಟರ್ ಪ್ಲಾನ್..? ಹೊಂಬಾಳೆ ಫಿಲ್ಮ್ಸ್ಗೆ ಆಗ್ತಿದೆಯಾ ಅನ್ಯಾಯ..!
