ಯಶ್ ಜೊತೆ ಮತ್ತೆ ಪೈಪೋಟಿಗೆ ಇಳಿದ ಅಲ್ಲು ಅರ್ಜುನ್! ಕೆಜಿಎಫ್2 ದಾಖಲೆ ಮುರಿಯಲು ಪುಷ್ಪ2 ದೊಡ್ಡ ಪ್ಲ್ಯಾನ್!
ಅದ್ಯಾಕೋ ಗೊತ್ತಿಲ ನಮ್ಮ ಸ್ಯಾಂಡಲ್ವುಡ್ ನಟ ನ್ಯಾಷನಲ್ ಸ್ಟಾರ್ ಯಶ್ ಜೊತೆ ಟಾಲಿವುಡ್ನ ಪುಷ್ಪರಾಜ್ ಅಲಿಯಾಸ್ ಅಲ್ಲು ಅರ್ಜುನ್ ಪೈಪೋಟಿಗೆ ಇಳಿದಿದ್ದಾರೆ. ಯಾಶ್ ಮಾಡಿರೋ ದಾಖಲೆಗಳನ್ನೆಲ್ಲಾ ನಾನೇ ಪುಡಿಗಟ್ಟಬೇಕು ಅಂತ ಹಠ ಹಿಡಿದಿದ್ದಾರಂತೆ.
ಸಾಮಾನ್ಯವಾಗಿ ಪ್ಯಾನ್ ಇಂಡಿಯಾ ಸಿನಿಮಾಗಳನ್ನು ಏಕಕಾಲಕ್ಕೆ 5 ಭಾಷೆಗಳಲ್ಲಿ ತೆರೆಗೆ ತರಲಾಗುತ್ತಿದೆ. ಬಳಿಕ ಡಿಮ್ಯಾಂಡ್ಗೆ ತಕ್ಕಂತೆ ಮತ್ತಷ್ಟು ಭಾಷೆಗಳಿಗೆ ಡಬ್ ಮಾಡಲಾಗುತ್ತಿದೆ. ಆದರೆ 'ಪುಷ್ಪ'-2 (Pushpa 2 Movie) ಬೆಂಗಾಲಿ ಸೇರಿ 6 ಭಾಷೆಗಳಿಗೆ ಡಬ್ ಮಾಡಿ ರಿಲೀಸ್ ಮಾಡುತ್ತಿದ್ದಾರೆ. ಆ ಲೆಕ್ಕದಲ್ಲಿ 'KGF'-2 ಚಿತ್ರಕ್ಕಿಂತ 'ಪುಷ್ಪ'-2 ಒಂದು ಹೆಜ್ಜೆ ಮುಂದೆ ಹೋಗಿದೆ. ಮೊದ್ಲೇ 'ಪುಷ್ಪ' ಸರಣಿಯನ್ನು ಕನ್ನಡದ 'KGF' ಸರಣಿಗೆ ಹೋಲಿಕೆ ಮಾಡಲಾಗುತ್ತಿದೆ. 'ಪುಷ್ಪ' ದಿ ರೈಸ್ ಸಿನಿಮಾ ಬಿಡುಗಡೆ ಆದಾಗಲೇ ಕೆಲವರು ಸಿನಿಮಾ ಕಥೆಯನ್ನ 'KGF' ಚಿತ್ರಕ್ಕೆ ಹೋಲಿಸಿದ್ರು. ಅದಕ್ಕೂ ಮುನ್ನ ಪುಷ್ಪ ಸಿನಿಮಾ ನಿರ್ದೇಶಕ ಸುಕುಮಾರ್ ಶಿಷ್ಯ ಬುಚ್ಚಿಬಾಬು ಎರಡೂ ಸಿನಿಮಾಗಳನ್ನು ಹೋಲಿಸಿ ಒಂದು ಹೇಳಿಕೆ ಕೊಟ್ಟಿದ್ದರು. 'ಪುಷ್ಪ' ಸಿನಿಮಾ 10 'KGF' ಸಿನಿಮಾಗಳಿಗೆ ಸಮ ಎಂದಿದ್ರು. ಆದ್ರೆ ಪುಷ್ಪ ಸಿನಿಮಾ ಕೆಜಿಎಫ್ ಸಿನಿಮಾದ ದಾಖಲೆಯನ್ನೇ ಬ್ರೇಕ್ ಮಾಡೋಕೆ ಆಗದೆ ಒದ್ದಾಡಿತ್ತು. ಕೆಜಿಎಫ್ ಚಾಪ್ಟರ್ ಸಿನಿಮಾ ಬಂದಿದ್ದು 2018ರಲ್ಲಿ. 80 ಕೋಟಿಯಲ್ಲಿ ಸಿದ್ಧವಾಗಿದ್ದ ಈ ಸಿನಿಮಾ 250 ಕೋಟಿಗೂ ಹೆಚ್ಚು ಕಲೆಕ್ಷನ್ ಮಾಡಿತ್ತು. ಪುಷ್ಪ ಸಿನಿಮಾ ಸಿದ್ಧವಾಗಿದ್ದು 200 ಕೋಟಿಯಲ್ಲಿ ಆದ್ರೆ ಕಲೆಕ್ಷನ್ ಆಗಿದ್ದು 280 ಕೋಟಿ. ಅಲ್ಲಿಗೆ ಹೆಚ್ಚು ಲಾಭ ಪಡೆದ ಸಿನಿಮಾ ಕೆಜಿಎಫ್ ಆಗಿತ್ತು. ಈ ರೆಕಾರ್ಡ್ ನೋಡಿದ ಸಿನಿ ಪಡಸಾಲೆ ಮಂದಿ ಪುಷ್ಪನಿಂದ ರಾಕಿ(Yash) ರೆಕಾರ್ಡ್ ಬ್ರೇಕ್ ಮಾಡಲಾಗಲಿಲ್ಲ ಅಂತ ಅಲ್ಲು ಅರ್ಜುನ್ರನ್ನ(Allu Arjun) ಅಣಕಿಸಿದ್ರು.
ಇದನ್ನೂ ವೀಕ್ಷಿಸಿ: Baahubali: ಮತ್ತೆ ಶುರುವಾಯ್ತು ಬಾಹುಬಲಿಯ ರಾಜ್ಯಭಾರ! ಮಾಹಿಷ್ಮತಿ ಸಾಮ್ರಾಜ್ಯ ತೋರಿಸುತ್ತಾರೆ ಮೌಳಿ..!
