ತೆರೆಮೇಲೆ KGF 2 ಹಬ್ಬ, ರಾಕಿ ಭಾಯ್ ಫ್ಯಾನ್ಸ್‌ಗೆ ಭರ್ಜರಿ ಧಮಾಕ!
ಪ್ರಶಾಂತ್ ನೀಲ್ (Prashant Neel) ನಿರ್ದೇಶನ, ಯಶ್ (Yash) ನಟನೆಯ ಕೆಜಿಎಫ್ - 2 (KGF 2) ಹುಟ್ಟು ಹಾಕಿದ್ದ ನಿರೀಕ್ಷೆಯನ್ನು ಪೂರ್ಣಗೊಳಿಸುವಲ್ಲಿ ಯಶಸ್ವಿಯಾಗಿದೆ. ಪ್ರಶಾಂತ್ ನೀಲ್ ಈ ಬಾರಿ ಮೇಕಿಂಗ್‌ಮೇಲೆ ಹೆಚ್ಚು ನಿಗಾ ವಹಿಸಿದ್ದಾರೆ.
ಪ್ರಶಾಂತ್ ನೀಲ್ (Prashant Neel) ನಿರ್ದೇಶನ, ಯಶ್ (Yash) ನಟನೆಯ ಕೆಜಿಎಫ್ - 2 (KGF 2) ಹುಟ್ಟು ಹಾಕಿದ್ದ ನಿರೀಕ್ಷೆಯನ್ನು ಪೂರ್ಣಗೊಳಿಸುವಲ್ಲಿ ಯಶಸ್ವಿಯಾಗಿದೆ. ಆಕ್ಷನ್ ಧಮಾಕ, ಗುಂಡಿನ ಮೊರೆತ, ಡೈಲಾಗ್ ದರ್ಬಾರ್ ಅದಕ್ಕೆ ತಕ್ಕನಾದ ಬ್ಯಾಕ್‌ಗ್ರೌಂಡ್ ಮ್ಯೂಸಿಕ್, ಕಣ್ಣಿಗೆ ಕಂಡಿದ್ದೆಲ್ಲಾ ಕಣ್ಣರಳಿಸಿ ನೋಡುವಂತೆ ಮಾಡುವ ಅದ್ಧೂರಿ ಮೇಕಿಂಗ್, ಬಿಗ್ ಸ್ಟಾರ್ ಕಾಸ್ಟ್, ಪ್ರಶಾಂತ್ ನೀಲ್ ಕಟ್ಟಿಕೊಟ್ಟ ಸ್ಕ್ರೀನ್ ಪ್ಲೇ, ರಾಕಿಯ ಸ್ಟೈಲೀಶ್ ಮಾಸ್ ಅವತಾರ, ಅಧಿರ ಸಂಜಯ್ ದತ್ ಆರ್ಭಟ, ರಮಿಕಾ ಸೇನ್ ಆಗಿರೋ ರವೀನಾ ಟಂಟನ್ ದರ್ಬಾರ್, ಶ್ರೀನಿಧಿ ಶೆಟ್ಟಿ ಮಾಸ್ ಕ್ಯೂಟ್ನೆಸ್, ಅಷ್ಟೆ ಅಲ್ಲ ಸಿನಿಮಾದಲ್ಲಿ ಬರೋ ಪ್ರತಿಯೊಂದು ಪಾತ್ರಗಳು ಮನಸ್ಸಿನಾಳಕ್ಕೆ ಇಳಿದುಬಿಡೋ ಮಟ್ಟಕ್ಕೆ ಸಿನಿಮಾ ಕಟ್ಟಿಕೊಡಲಾಗಿದೆ.
ರಾಜ್ಯಾದ್ಯಂತ KGF 2 ಹವಾ: ಸಿನಿಮಾಗೆ ಸಿಕ್ಕ ಪ್ರಶಂಸೆ, ಪ್ರತಿಕ್ರಿಯೆ ಹೀಗಿತ್ತು
ಪ್ರಶಾಂತ್ ನೀಲ್ ಈ ಬಾರಿ ಮೇಕಿಂಗ್‌ಮೇಲೆ ಹೆಚ್ಚು ನಿಗಾ ವಹಿಸಿದ್ದಾರೆ. ನೀಲ್ ಇಮ್ಯಾಜಿನೇಷನ್‌ಗೆ ತಕ್ಕಂತೆ ಟ್ಯಾಲೆಂಟ್ ಬಳಸಿ ಛಾಯಗ್ರಾಹಕ ಭುವನ್ ಗೌಡ ಸಿನಿಮಾ ಚಿತ್ರೀಕರಿಸಿದ್ದು, ಹೊಸದೊಂದು ಲೋಕವನ್ನೇ ಸೃಷ್ಟಿಸಿದ್ದಾರೆ. ಮತ್ತೊಂದ್ ಕಡೆ ಆರ್ಟ್ ಡೈರೆಕ್ಟರ್ ಶಿವಕುಮಾರ್ ಕೆಲಸ ಪ್ರತಿ ದೃಶ್ಯದಲ್ಲೂ ಎದ್ದು ಕಾಣುತ್ತೆ.
ಕೆಜಿಎಫ್-2 ಸಿನಿಮಾ ಅಂತ ಬಂದಾಗ ಕತೆ ಎಷ್ಟು ಕುತೂಹಲ ಹುಟ್ಟಿಸುತ್ತೋ ಅಷ್ಟೇ ಎಕ್ಸೈಟ್ಮೆಂಟ್ ಕ್ರಿಯೆಟ್ ಮಾಡಿದ್ದು, ಸಂಜಯ್ ದತ್ ಅಧಿರ ಹಾಗು ರವೀನ ಟಂಡನ್ ರಮೀಕಾ ಸೇನ್ ಪಾತ್ರಗಳು. ಅಧಿರ ಹಾಗು ರಮೀಕಾ ಸೇನ್ ಬೆಳ್ಳಿತೆರೆ ಮೇಲೆ ಬರುತ್ತಿದ್ದಂತೆ ಎದೆಯಲ್ಲಿ ನಡುಕ ಹುಟ್ಟುತ್ತೆ. ಅಷ್ಟೊಂದು ಪವರ್ ಫುಲ್ ಆಗಿ ನಿಮ್ಮನ್ನ ರಂಜಿಸಿದ್ದಾರೆ. ವಿಜಯೇಂದ್ರ ಇಂಗಳಗಿ ಪಾತ್ರದಲ್ಲಿ ಪ್ರಕಾಶ್ ರಾಜ್ ಇಡೀ ಸಿನಿಮಾವನ್ನುಅದ್ಭುತವಾಗಿ ನಿರೂಪಿಸಿದ್ದಾರೆ. ಇನ್ನು ತೆಲುಗು ನಟ ರಾವ್ ರಮೇಶ್‌, ಅಚ್ಯುತ್‌ ಕುಮಾರ್, ಅಯ್ಯಪ್ಪ ಪಿ. ಶರ್ಮಾ, ಮಾಳವಿಕಾ ಅವಿನಾಶ್, ಈಶ್ವರಿ ರಾವ್, ತಾರಕ್ ಪೊನ್ನಪ್ಪ, ವಸಿಷ್ಠ ಸಿಂಹ, ತಮಗೆ ಸಿಕ್ಕ ಪಾತ್ರಗಳಿಂದ ಮನಸ್ಸಿನಲ್ಲಿ ಉಳಿಯುತ್ತಾರೆ.
