ದಾಖಲೆಯ ಮೊತ್ತಕ್ಕೆ ಕೆಜಿಎಫ್‌ 2 ಪ್ರಿ ರಿಲೀಸ್ ಟಿಕೆಟ್‌ ಮಾರಾಟ: ಯಶ್‌ ಅಬ್ಬರಕ್ಕೆ ದಂಗಾದ ಬಿಟೌನ್‌

ಎಲ್ಲೆಲ್ಲೂ ಕೆಜಿಎಫ್ ಚಾಪ್ಟರ್-2 ಅಬ್ಬರ, ಆರ್ಭಟ, ದರ್ಬಾರ್ ಸೌಂಡು, ಗುಂಗು, ಕಿಕ್ಕು ಎಲ್ಲವೂ ಇದೆ.  ಬೆಂಗಳೂರು, ಮುಂಬೈ, ಡೆಲ್ಲಿ, ಚೆನ್ನೈ, ಹೈದರಾಬಾದ್, ಕೇರಳ ಆಂಧ್ರ ಯಾವ್ ಕಡೆ ಹೋದ್ರು ಅಲ್ಲಿ ಕಾಣಿಸೋದು ಕೆಜಿಎಫ್-2 ಸಿನಿಮಾದ ಕಟೌಟ್‌ಗಳು.  ಹೀಗಾಗಿ ನಮ್ಮ ಕನ್ನಡಿಗ ರಾಕಿಂಗ್ ಸ್ಟಾರ್ ಯಶ್‌ರ ಅಬ್ಬರಕ್ಕೆ ಬಾಲಿವುಡ್‌ನ ಟಾಪ್ ಸ್ಟಾರ್ಸ್‌ಗಳ ಜಗತ್ತು ದಂಗಾಗುತ್ತಿದೆ. ಇದಕ್ಕೆ ಮತ್ತೊಂದು ಕಾರಣ ಕೆಜಿಎಫ್-2 ಸಿನಿಮಾದ ಟಿಕೆಟ್ ಬುಕ್ಕಿಂಗ್ ಅಬ್ಬರ. ಯಾಕಂದ್ರೆ ಬಾಲಿವುಟ್‌ನ ಕೆಜಿಎಫ್-2 ಸಿನಿಮಾದ ಟಿಕೇಟ್ಗಾಗಿ ಭಾರಿ ಬೇಡಿಕೆ ಬಂದಿದ್ದು, ಅಲ್ಲಿನ ಯಶ್ ಅಭಿಮಾನಿಗಳು ಮುಗಿಬಿದ್ದು ಟಿಕೆಟ್ ಬುಕ್ಕಿಂಗ್ ಮಾಡುತ್ತಿದ್ದಾರೆ. 

KGF 2 ಇಂಡಿಯನ್ ಸಿನಿಮಾ, ಒಂದು ಭಾಷೆಗೆ ಸೀಮಿತ ಮಾಡ್ಬೇಡಿ ಅಂದ್ರು ರಾಕಿಂಗ್ ಸ್ಟಾರ್ Yash

ಕೆಜಿಎಫ್-2 ಸಿನಿಮಾದ ಹಿಂದಿ ವರ್ಷನ್ ಟಿಕೆಟ್ ಬುಕ್ಕಿಂಗ್ ಆರಂಭ ಆಗಿ 24 ಗಂಟೆ ಕಳೆದಿದೆ. ಮುಂಬೈ ದೆಹಲಿ ಸೇರಿದಂತೆ ಉತ್ತರ ಭಾರತದಲ್ಲಿ ಕೆಜಿಎಫ್-2 ಟಿಕೆಟ್ ಬುಕ್ಕಿಂಗ್ ನಡೆಯುತ್ತಿದೆ. ವಿಶೇಷ ಅಂದ್ರೆ ಮುಂಬೈ ನಗರ ಒಂದರಲ್ಲೇ ಕೆಜಿಎಫ್-2 ಸಿನಿಮಾದ ಒಂದು ಲಕ್ಷಕ್ಕು ಅಧಿಕ ಟಿಕೆಟ್‌ಗಳು ಮಾರಾಟ ಆಗಿದೆ. ಈ ಮೂಲಕ ಬರೀ 12 ಗಂಟೆಯಲ್ಲಿ ಕೆಜಿಎಫ್-2 ಪ್ರೀ ರಿಲೀಸ್ ಟಿಕೆಟ್ ಬುಕ್ಕಿಂಗ್ನಲ್ಲಿ 3,50(ಮೂರುವರೆ ಕೋಟಿ)ಯನ್ನ ಕೆಜಿಎಫ್-2 ಸಿನಿಮಾ ಗಳಿಸಿದೆ. ಈ ಟಿಕೆಟ್ ಬುಕ್ಕಿಂಗ್ ಅಬ್ಬರ ಉತ್ತರ ಭಾರತದಾದ್ಯಂತ ಹಬ್ಬುತ್ತಿದ್ದು, ಕೆಜಿಎಫ್-2 ಸಿನಿಮಾ ಬಿಡುಗಡೆ ಆದ ಮೊದಲ ದಿನ ಹಿಂದಿ ಭಾಷೆಯಲ್ಲಿ ಬರೋಬ್ಬರಿ 25 ಕೋಟಿ ಕಲೆಕ್ಷನ್ ಮಾಡುತ್ತೆ ಅಂತ ಹೇಳಲಾಗ್ತಿದೆ.

ಮುಹೂರ್ತಕ್ಕೂ ಮುನ್ನವೇ ದಾಖಲೆ ಬರೆದ ದುನಿಯಾ ವಿಜಯ್ 'ಭೀಮ'

ದೇಶವ್ಯಾಪಿ ಕೆಜಿಎಪ್-2 ಸಿನಿಮಾದ ಜ್ವರ ಇದೆ. ಈಶಾನ್ಯ ರಾಜ್ಯ ಒಡಿಸ್ಸಾದಲ್ಲಿ ಕೆಜಿಎಫ್-2 ಸಿನಿಮಾದ ಐದು ದಿನದ ಟಿಕೆಟ್ಗಳು ಸೋಲ್ಡ್ ಆಗಿದೆ ಅಂತ ಅಲ್ಲಿನ ಯಶ್ ಅಭಿಮಾನಿಗಳು ಟ್ವೀಟ್ ಮಾಡಿ ಹೇಳುತ್ತಿದ್ದಾರೆ. ಮತ್ತೊಂದ್ ಕಡೆ ಉತ್ತರ ಭಾರತದಲ್ಲಿ ಕೆಜಿಎಫ್-2 ಸಿನಿಮಾದ ಟಿಕೆಟ್ ರೇಟ್ ಕೂಡ ಹೆಚ್ಚಾಗಿದ್ದು 600 ರೂಪಾಯಿಕೆ ಒಂದು ಟಿಕೆಟ್ ಮಾರಾಟ ಆಗ್ತಿದೆ. ಇದನ್ನೆಲ್ಲಾ ನೋಡುತ್ತಿದ್ರೆ ಕೆಜಿಎಫ್-2 ಹಿಂದಿಯಲ್ಲಿ 100 ಕೋಟಿ ಅಲ್ಲ 300 ಕೋಟಿ ಕ್ಲಬ್ ಸೇರುತ್ತೆ ಅಂತ ಹೇಳಲಾಗ್ತಿದೆ.