ರಿಲೀಸ್ ಆಯ್ತಾ ಕೆಜಿಎಫ್ 3 ಟ್ರೇಲರ್ ? ಹೆಚ್ಚಾಗ್ತಿದೆ ಅಭಿಮಾನಿಗಳ ಕ್ರೇಜ್..!

ಭಾರತೀಯ ಸಿನಿಮಾರಂಗದಲ್ಲಿ ಕೆಜಿಎಫ್ 1 ಹಾಗೂ 2 ಸಿನಿಮಾ ಮಾಡಿರೋ ಸಾಧನೆ ಒಂದಲ್ಲ ಎರಡಲ್ಲ, ದಾಖಲೆಗಳ ಮೇಲೆ ದಾಖಲೆ ಬರೆಯುತ್ತಾ ಹೊಸ ಇತಿಹಾಸವನ್ನೇ ಸೃಷ್ಟಿ ಮಾಡಿಬಿಟ್ಟಿದೆ. ಚಾಪ್ಟರ್ 2 (KGF 2) ನೋಡಿರೋ ಅಭಿಮಾನಿಗಳಿಗೆ ಈಗ ಚಾಪ್ಟರ್ 3 (KGF 3) ಬಗ್ಗೆ ಕ್ರೇಜ್ ಹೆಚ್ಚಾಗಿದೆ.

ಚಾಪ್ಟರ್ 2 ಕ್ಲೈಮ್ಯಾಕ್ಸ್ ನಲ್ಲಿ ಚಾಪ್ಟರ್ 3 ಬರುತ್ತೆ ಅನ್ನೋ ಸುಳಿವು ಸಿಕ್ಕಿತ್ತು. ಆದ್ರೆ ಆ ಸಿನಿಮಾ ಯಾವಾಗ ಬರುತ್ತೆ ಅನ್ನೋ ಕನ್ಫರ್ಮೆಷನ್ ಮಾತ್ರ ಸಿಕ್ಕಿಲ್ಲ..ಅದನ್ನ ಹೊಂಬಾಳೆ ಸಂಸ್ಥೆ ಅವ್ರೇ ಹೇಳಬೇಕು..ಆದ್ರೆ ಅದಕ್ಕೂ ಮುನ್ನ ಸೋಷಿಯಲ್ ಮಿಡಿಯಾದಲ್ಲಿ ಕೆಜಿಎಫ್ 3 ಟ್ರೇಲರ್ ಹರಿದಾಡುತ್ತಿದ್ದು ಲಕ್ಷಾಂತರ ಜನರಿಂದ ವೀಕ್ಷಣೆಯೂ ಆಗಿದೆ.

ಕೆಜಿಎಫ್ 3 ಬಗ್ಗೆ ಬಿಗ್‌ ನ್ಯೂಸ್ ಕೊಟ್ಟ ನಿರ್ಮಾಪಕ ವಿಜಯ್ ಕಿರಗಂದೂರು

ಕೆಜಿಎಫ್ 2 ನಲ್ಲಿ ಬಾಲಿವುಡ್ ನ ಬಿಗ್ ಸ್ಟಾರ್ ಗಳು ಎಂಟ್ರಿಕೊಟ್ಟಿದ್ರು. ಅದು ಸಿನಿಮಾಗೆ ಪ್ಲಸ್ ಕೂಡ ಆಯ್ತು...ಈಗ ಅದರಂತೆಯೇ ಕೆಜಿಎಫ್ ಚಾಪ್ಟರ್ 3 ನಲ್ಲಿ ಯಾರೆಲ್ಲಾ ಇರ್ತಾರೆ ಅನ್ನೋ ಗೆಸ್ ಶುರುವಾಗಿದ್ದು ಸದ್ಯ ಟ್ರೆಂಡಿಂಗ್ ನಲ್ಲಿರೋ ಕೆಜಿಎಫ್ 3 ಸ್ಟಾರ್ ಕಾಸ್ಟ್ ಲೀಸ್ಟ್ ಇಲ್ಲಿದೆ ನೋಡಿ.

ಸದ್ಯ ಹಬ್ಬಿರೋ ನ್ಯೂಸ್ ಪ್ರಕಾರ ಕೆಜಿಎಫ್ 3 ನಲ್ಲಿ ರಾಣಾ ವಿಲನ್ ಆಗಿ ರಾಕಿಂಗ್ ಸ್ಟಾರ್ ಮುಂದೆ ಅಬ್ಬರಿಸಲಿದ್ದಾರಂತೆ. ಈಗಾಗಲೇ ಪ್ಯಾನ್ ಇಂಡಿಯಾ ಲೆವೆಲ್ ನಲ್ಲಿ ಬಾರಿ ಸದ್ದು ಮಾಡಿರೋ ರಾಣಾ ಕೆಜಿಎಫ್ 3 ತಂಡ ಸೇರಿದ್ರೆ ಸಿನಿಮಾ ನೆಕ್ಸ್ಟ್ ಲೆವೆಲ್ ಗೆ ಹೋಗುತ್ತೆ ಅನ್ನೋದು ಸಿನಿಮಾಮಂದಿಯ ಲೆಕ್ಕಾಚಾರ. ಅದಷ್ಟೇ ಅಲ್ಲ ಬಾಲಿವುಡ್ ಅಂಗಳದಿಂದ ಹೃತಿಕ್ ರೋಷನ್ ಕೆಜಿಎಫ್ 3 ಮೂಲಕ ಸ್ಯಾಂಡಲ್ ವುಡ್ ಸಿನಿಮಾಗೆ ಎಂಟ್ರಿ ಕೊಡಲಿದ್ದಾರಂತೆ. ಇದು ಫ್ಯಾನ್ಸ್ ಗಳ ಆಸೆ.