Chikkanna: ಚಿಕ್ಕಣ್ಣನ ಉಪಾಧ್ಯಕ್ಷ ಯಾಕೆ ನೋಡಬೇಕು..? ಸಿನಿಮಾ ನೋಡಲು ಐದು ಕಾರಣಗಳು ಇಲ್ಲಿವೆ ನೋಡಿ..!
ನಟ ಚಿಕ್ಕಣ್ಣ ಕಂಡ ಕನಸು ನನಸಾಗೋ ಕ್ಷಣ ಬಂದಿದೆ. ಕಾಮಿಡಿ ನಟ ಆಗಿದ್ದ ಚಿಕ್ಕಣ್ಣ ಈಗ ಹೀರೋ ಆಗಿ ಬೆಳ್ಳಿತೆರೆ ಮೇಲೆ ಲಾಂಚ್ ಆಗುತ್ತಿದ್ದಾರೆ. ಆ ಸಿನಿಮಾವೇ ಉಪಾಧ್ಯಕ್ಷ. ಚಿಕ್ಕಣ್ಣ ನಾಯಕ ನಟನಾಗಿ ನಟಿಸುತ್ತಿರೋ ಉಪಾಧ್ಯಕ್ಷ ಸಿನಿಮಾ ಇದೇ ವಾರ ರಾಜ್ಯಾದ್ಯಂತ ತೆರೆ ಕಾಣುತ್ತಿದೆ.
ಚಿಕ್ಕಣ್ಣ ಈ ಹಿಂದೆಯೇ ಹೀರೋ ತರ ತೆರೆ ಮೇಲೆ ಮೆರೆದಾಡಿದ್ದಾರೆ. ಯಾಕಂದ್ರೆ ಕಿಚ್ಚ ಸುದೀಪ್, ಯಶ್, ಪುನೀತ್‌ರಂತಹ ಬಿಗ್ ಸ್ಟಾರ್‌ಗಳ ಜೊತೆ ಸಿನಿಮಾ ಪೂರ್ತಿ ಇರುತ್ತಿದ್ರು ಚಿಕ್ಕಣ್ಣ(Actor Chikkanna). ಒಂದ್ ರೀತಿ ಹೀರೋ ರೇಜ್‌ನಲ್ಲೇ ಇತ್ತು ಚಿಕ್ಕಣ್ಣನ ರೇಂಜ್. ಈಗ ಅದೇ ಕಾಮಿಡಿ ಟೈಮಿಂಗ್ ಬಳಸಿಕೊಂಡು ಉಪಾಧ್ಯಕ್ಷ ಸಿನಿಮಾದಲ್ಲಿ(Upadhyaksha movie) ನಾಯಕನಟನಾಗಿದ್ದಾರೆ. ಈ ಸಿನಿಮಾದ ಸ್ಯಾಂಪಲ್ಸ್‌ಗಳು ಸಿನಿ ಪ್ರೇಕ್ಷಕರಲ್ಲಿ ಹಲ್‌ಚಲ್‌ ಎಬ್ಬಿಸಿವೆ. ಉಪಾಧ್ಯಕ್ಷ ಸಿನಿಮಾ ಫುಲ್ ಮಿಲ್ಸ್ ಕಾಮಿಡಿ ಎಂಟರ್ಟೈನರ್. ಈ ಸಿನಿಮಾ ನೋಡೋಕೆ ಆ ಒಂದು ಕಾರಣ ಸಾಕ್ವಲ್ವಾ. ಇದರ ಜೊತೆ ಕಾಮಿಡಿಗೇ ಉಪಾಧ್ಯಕ್ಷನ ಹಾಗೆ ಇರೋ ಚಿಕ್ಕಣ್ಣ ಹೀರೋ ಆಗಿದ್ದಾರೆ ಅಂದ್ಮೇಲೆ ಈ ಉಪಾಧ್ಯಕ್ಷ ಸಿನಿಮಾದಲ್ಲಿ ಎಂಟರ್ಟೈನ್ಗೇನು ಕೊರತೆ ಇರಲ್ಲ ಅನ್ನೋದು ಮತ್ತೊಂದು ಕಾರಣ. 2014ರಲ್ಲಿ ಅಧ್ಯಕ್ಷ ಸಿನಿಮಾ ಬಂದಿತ್ತು. ಈ ಸಿನಿಮಾದಲ್ಲಿ ನಟ ಶರಣ್(Actor Sharan) ಹಾಗು ಚಿಕ್ಕಣ್ಣ ಸೇರಿ ಚಿಂತೆ ಇಲ್ಲದ ತುಂಡ್ ಹೈಕ್ಳ ಸಂಘ ಕಟ್ಟಿದ್ರು. ಈ ಸಂಘಕ್ಕೆ ಶರಣ್ ಅಧ್ಯಕ್ಷ ಆಗಿದ್ರೆ, ಚಿಕ್ಕಣ್ಣ ಉಪಾಧ್ಯಕ್ಷ ಆಗಿದ್ರು. ಈ ಅಧ್ಯಕ್ಷ ಸಿನಿಮಾ ಸೂಪರ್ ಡೂಪರ್ ಹಿಟ್ ಆಗಿತ್ತು. ಇದೀಗ ಇದೇ ಅಧ್ಯಕ್ಷ ಸಿನಿಮಾದ ಸೀಕ್ವೆಲ್ ಉಪಾಧ್ಯಕ್ಷ ಸಿನಿಮಾ ಬರುತ್ತಿದೆ. ಹೀಗಾಗಿ ಉಪಾಧ್ಯಕ್ಷ ಸಿನಿಮಾ ನೋಡೋಕೆ ಇದು ಕೂಡ ಒಂದು ಕಾರಣ.
ಇದನ್ನೂ ವೀಕ್ಷಿಸಿ: ಚಿತ್ರರಂಗದಲ್ಲಿ ಡೈರೆಕ್ಟರ್ ಆರ್. ಚಂದ್ರು ಹೊಸ ಸಾಹಸ..! RC ಸ್ಟುಡಿಯೋಸ್ ನಿರ್ಮಾಣ ಸಂಸ್ಥೆ ಆರಂಭ!
