ಅಂಬಾನಿ ಮನೆ ಮದ್ವೆಯಲ್ಲಿ ಸೌತ್ ಸ್ಟಾರ್ಸ್ ಮಿಂಚಿಂಗೋ ಮಿಂಚಿಂಗ್! ನಟ ರಜನಿಕಾಂತ್ ಮಸ್ತ್ ಡಾನ್ಸ್..!

ಅಂಬಾನಿ ಕುಟುಂಬದ ಮದುವೆ ಅಂದ್ರೆ ದೇಶದ ಪ್ರಸಿದ್ಧ ತಾರೆಯರು, ಕ್ರಿಕೆಟರ್ಸ್ ಆಗರ್ಭ ಶ್ರೀಮಂತರು ಹಾಜರಿರುತ್ತಾರೆ. ಅಷ್ಟೆ ಅಲ್ಲ ವಿದೇಶದ ಶ್ರೀಮಂತರು, ಸೆಲೆಬ್ರೆಟಿಗಳಿಗೂ ಆಹ್ವಾನ ಇರುತ್ತೆ. ಮುಖೇಶ್ ಅಂಬಾನಿ(Mukesh Ambani) ಕೊನೆ ಮಗನ ಮದುವೆಯಲ್ಲಿ ಅವರೆಲ್ಲಾ ಇದ್ರು. ಸ್ಯಾಂಡಲ್‌ವುಡ್‌ನಿಂದ ಹಿಡಿದು ಕಾಲಿವುಡ್, ಟಾಲಿವುಡ್, ಬಾಲಿವುಡ್, ಹಾಲಿವುಡ್ ಸೆಲೆಬ್ರಿಟಿಗಳ ಸಾಗರೇ ಅಲ್ಲಿ ಸೃಷ್ಟಿಯಾಗಿತ್ತು. ಅಂಬಾನಿ ಮನೆ ಮದುವೆ (Marriage) ಬಾಲಿವುಡ್ ಸ್ಟಾರ್ಸ್ಗೆ ಸ್ಪೆಷಲ್. ಅಂಬಾನಿ ಕುಟುಂಬದ ಮದುವೆಗಳಲ್ಲಿ ಬಿಟೌನ್ನ ತಾರೆಯರೇ ಹೆಚ್ಚು ಮಿಂಚುತ್ತಾರೆ. ಈ ಭಾರಿ ಕೂಡ ಹಾಗೆ ಇತ್ತು. ನಟ ಸಂಜಯ್ ದತ್, ಜನಿಲಿಯಾ, ರಿತೇಶ್ ದೇಶಮುಖ್, ವರುಣ್ ಧವನ್, ಐಶ್ವರ್ಯಾ ರೈ ಬಚ್ಚನ್ ಹಾಗೂ ಮಗಳು ಆರಾಧ್ಯಾ, ಅಮಿತಾಭ್ ಬಚ್ಚನ್, ಜಯಾ ಬಚ್ಚನ್, ಅಭಿಷೇಕ್ ಮದುವೆ ಹೈಲೆಟ್ ಆಗಿದ್ರು. ಅಷ್ಟೆ ಅಲ್ಲ ಅನಂತ್ ಅಂಬಾನಿ(Anant Ambani ) ಮದುವೆಯಲ್ಲಿ ಭಾಗಿಯಾದ ಬಾಲಿವುಡ್ ಸ್ಟಾರ್ಸ್ ಲೀಸ್ಟ್ ದೊಡ್ಡದಿದೆ. ಕೋಟ್ಯಾಧಿಪತಿ ಮಗನ ಮದುವೆಗೆ ಮುಂಬೈನಲ್ಲಿ(Mumbai) ಸ್ವರ್ಗವೇ ಧರೆಗಿಳಿದಿತ್ತು. ಬಾಲಿವುಡ್‌ನ ಕಿಂಗ್ ಖಾನ್ ಶಾರುಖ್ ಖಾನ್, ಗ್ಲೋಬಲ್ ಸ್ಟಾರ್ ಪ್ರಿಯಾಂಕ ಚೋಪ್ರಾ ದಂಪತಿ, ಸಲ್ಮಾನ್ ಖಾನ್, ಅಮೀರ್ ಖಾನ್, ರಣಬೀರ್ ಕಪೂರ್, ಆಲಿಯಾ ಭಟ್, ಅರ್ಜುನ್ ಕಪೂರ್, ಜಾನ್ವಿ ಕಪೂರ್ , ಸಿದ್ಧಾರ್ಥ್ ಮಲ್ಹೋತ್ರಾ, ಕಿಯಾರಾ ಅಡ್ವಾಣಿ, ಶಾಹಿದ್ ಕಪೂರ್, ವಿಕ್ಕಿ ಕೌಶಲ್ ಕತ್ರಿನಾ ಕೈಫ್ ಈ ಮದ್ವೆ ಸಮಾರಂಭದ ಮೆರಗು ಹೆಚ್ಚಿಸಿದ್ರು. ಮುಖೇಶ್ ಅಂಬಾನಿ ತನ್ನ ಮಗನ ಮದುವೆಗೆ ದೇಶವನ್ನೇ ಒಂದು ಮಾಡಿದ್ದಾರೆ.

Add Asianetnews Kannada as a Preferred Source

ಇದನ್ನೂ ವೀಕ್ಷಿಸಿ: ಕಳೆದೋಗಿದೆ ಪುರಿ ಜಗನ್ನಾಥ ರತ್ನಭಂಡಾರ ಕೀಲಿ ಕೈ.. ಆದ್ರೂ ಓಪನ್‌ ಆಗುತ್ತೆ ಬಾಗಿಲು ಹೇಗೆ ಗೊತ್ತಾ ?