ಬಿಗ್ಬಾಸ್11ರಲ್ಲಿ ಕಿಚ್ಚನಿಗಾದ ನೋವೇನು? ಶಾಕಿಂಗ್ ಸಂಗತಿ ಬಯಲು!
ಬಿಗ್ ಬಾಸ್ಗೆ ಗುಡ್ ಬೈ ಎಂದ ಬಾದ್ ಷಾ ಸುದೀಪ್, ಕಿಚ್ಚನ ಬಿಗ್ಬಾಸ್ ರಿಟೈರ್ಡ್ಮೆಂಟ್ಗೆ ಪ್ರೇಕ್ಷಕ ಶಾಕ್..!
ಕನ್ನಡಿಗರಿಗೆ ಬಿಗ್ಬಾಸ್ ಅಂದ್ರೆ ಸುದೀಪ್, ಸುದೀಪ್ ಅಂದ್ರೆ ಬಿಗ್ಬಾಸ್. ಇದರಲ್ಲಿ ದೂಸ್ರಾ ಮಾತಿಲ್ಲ. ಬಿಗ್ಬಾಸ್ ಎನ್ನುವುದು ಶೋ ಹೆಸರು. ಆದ್ರೆ ಅಲ್ಲಿ ಬರೋ ಧ್ವನಿ ಇಡೀ ಮನೆಯನ್ನು ನಿಯಂತ್ರಿಸುತ್ತೆ. ಆದರೆ ಎಷ್ಟೋ ಜನ ಕಿಚ್ಚನೇ ಬಿಗ್ಬಾಸ್ ಎಂದುಕೊಂಡಿದ್ದಾರೆ. ಅಷ್ಟರಮಟ್ಟಿಗೆ ಸುದೀಪ್ ಶೋವನ್ನು ಆವರಿಸಿಕೊಂಡಿದ್ದಾರೆ. ಈ ಬಾರಿ ಬಿಗ್ಬಾಸ್ 11 ಆರಂಭ ಆಗಿ ಎರಡೇ ವಾರಕ್ಕೆ ಸುದೀಪ್ ಶಾಕಿಂಗ್ ಸುದ್ದಿ ಕೊಟ್ಟಿದ್ದಾರೆ. ರಾತ್ರೋರಾತ್ರಿ ಟ್ವೀಟ್ ಮಾಡಿರೋ ಕಿಚ್ಚ ಇದೇ ನನ್ನ ಕೊನೆಯ ಬಿಗ್ಬಾಸ್ ಶೋ. ಇನ್ನು ಮುಂದೆ ನಿರೂಪಕನಾಗಿ ಮುಂದುವರೆಯಲ್ಲ ಎಂದು ಬಿಟ್ಟಿದ್ದಾರೆ.
ಹಿಂದಿಯಲ್ಲಿ ಸಕ್ಸಸ್ ಕಂಡ ಬಿಗ್ಬಾಸ್ ಶೋ ಬಳಿಕ ಕನ್ನಡದಲ್ಲಿ ಮಾಡಲು ತೀರ್ಮಾನಿಸಲಾಯ್ತು. 2013ರಕ್ಕೆ ಕನ್ನಡದಲ್ಲಿ ಬಿಗ್ಬಾಸ್ ಶೋ ಆರಂಭ ಆಯ್ತು. ಆಗ ಸಲ್ಮಾನ್ ಖಾನ್ ರೀತಿ ತನ್ನ ವಾಕ್ಚಾತುರ್ಯದಿಂದ ಶೋ ನಡೆಸುವ ಸ್ಟಾರ್ ಯಾರು ಅಂತ ಹುಡುಕಿದಾಗ ಕಂಚಿನ ಕಂಠದ ನಟ ಕಿಚ್ಚ ಸುದೀಪ್ ಎದುರಾದ್ರು. ನಿಜ ಹೇಳಬೇಕು ಅಂದ್ರೆ ಸುದೀಪ್ ತಮ್ಮ ನಿರೂಪಣೆಯಿಂದ ಸಲ್ಮಾನ್ ಖಾನ್ನ್ನೂ ಬೀಟ್ ಮಾಡಿದ್ರು. ಇಂದು ಕಿಚ್ಚನಿಲ್ಲದೇ ಬಿಗ್ಬಾಸ್ ಇಲ್ಲ ಅನ್ನೋ ಮಟ್ಟಕ್ಕೆ ಸುದೀಪ್ ಬಿಗ್ಬಾಸ್ ಆಗಿ ಆವರಿಸಿಕೊಂಡಿದ್ದಾರೆ. ಇಂತಹ ಸುದೀಪ್ ದಿಢೀರ್ ನೇ ಶೋ ಬಿಡ್ತಾರೆ ಅಂದ್ರೆ ಇದನ್ನ ವೀಕ್ಷಕರಿಗೆ ಅರಗಿಸಿಕೊಳ್ಳಲಾಗುತ್ತಿಲ್ಲ. ಆದ್ರೆ ಕಿಚ್ಚನ ಈ ದೊಡ್ಡ ನಿರ್ಧಾರಕ್ಕೆ ಕಾರಣ ದೊಡ್ಮನೆ ವೇದಿಕೆಯಲ್ಲಾದ ಅವಮಾನ ಅಂತ ಹೇಳಲಾಗ್ತಿದೆ.
