India Latest News Live: ವಿವಿಗಳಲ್ಲಿ ಬೆಂಗಳೂರಿನ ಐಐಎಸ್‌ಸಿ ನಂ.1, ಮಣಿಪಾಲ ನಂ.2!

ನವದೆಹಲಿ: ಐಐಆರ್‌ಸಿ ಇಂಡಿಯಾ (ವಿಶ್ವವಿದ್ಯಾಲಯ) ಶ್ರೇಯಾಂಕ-2026 ಬಿಡುಗಡೆಯಾಗಿದ್ದು, ಬೆಂಗಳೂರಿನ ಇಂಡಿಯನ್ ಇನ್‌ಸ್ಟಿಟ್ಯೂಟ್ ಆಫ್ ಸೈನ್ಸ್ (ಐಐಎಸ್‌ಸಿ ಬೆಂಗಳೂರು) ಅಗ್ರಸ್ಥಾನವನ್ನು ಪಡೆದುಕೊಂಡಿದೆ. ಮಣಿಪಾಲ ಉನ್ನತ ಶಿಕ್ಷಣ ಅಕಾಡೆಮಿ (ಮಾಹೆ) 2ನೇ ಸ್ಥಾನವನ್ನು ಗಳಿಸಿದೆ. ಐಐಆರ್‌ಸಿ ಇಂಡಿಯಾ ಪ್ರತಿ ವರ್ಷ ಶ್ರೇಯಾಂಕ ಬಿಡುಗಡೆ ಮಾಡುತ್ತದೆ. ಇದಕ್ಕೆ ಸಾಂಸ್ಥಿಕ ಬಲ, ಶೈಕ್ಷಣಿಕ ಸಾಮರ್ಥ್ಯ, ಆಡಳಿತ ಮತ್ತು ಆಡಳಿತ ಎಂಬ 3 ಮುಖ್ಯ ವಿಭಾಗಗಳನ್ನು ಪರಿಗಣಿಸಲಾಗುತ್ತದೆ. ಈ ವರ್ಷದ ಶ್ರೇಯಾಂಕದಲ್ಲಿ, ಐಎಸ್‌ಸಿ ಬೆಂಗಳೂರು 84.53 ಅಂಕಗಳೊಂದಿಗೆ ಪ್ರಥಮ ಸ್ಥಾನದಲ್ಲಿದೆ. 72.66 ಅಂಕಗಳೊಂದಿಗೆ ಮಾಹೆ 2ನೇ ಮತ್ತು 70.38 ಅಂಕಗಳೊಂದಿಗೆ ದೆಹಲಿಯ ಜೆಎನ್‌ಯು 3ನೇ ಸ್ಥಾನ ಪಡೆದುಕೊಂಡಿವೆ. ಮಾಹೆ ನಂ.1 ಡೀಮ್ಡ್-ಟು-ಬಿ ವಿವಿ ಖಾಸಗಿ ಶಿಕ್ಷಣ ಕ್ಷೇತ್ರದಲ್ಲಿ ಮುಂಚೂಣಿಯಲ್ಲಿರುವ ಮಾಹೆ, ಐಐಆರ್‌ಸಿ ಇಂಡಿಯಾ (ವಿಶ್ವವಿದ್ಯಾಲಯ) ಶ್ರೇಯಾಂಕ 2026ರಲ್ಲಿ ದೇಶದ ನಂ.1 ಖಾಸಗಿ ‘ಡೀಮ್ಡ್-ಟು-ಬಿ’ ವಿವಿಯಾಗಿ ಹೊರಹೊಮ್ಮಿದೆ.