- Home
- Life
- Food
- Fresh Mutton Tips: ಮಟನ್ ತರ್ತಾ ಇದ್ದೀರಾ? ಎಳೆ, ಫ್ರೆಶ್ ಮಟನ್ ಗುರುತಿಸೋದು ಹೇಗೆ? ಈ ಸಿಂಪಲ್ ಟಿಪ್ಸ್ ಗೊತ್ತಿದ್ರೆ ಸಾಕು
Fresh Mutton Tips: ಮಟನ್ ತರ್ತಾ ಇದ್ದೀರಾ? ಎಳೆ, ಫ್ರೆಶ್ ಮಟನ್ ಗುರುತಿಸೋದು ಹೇಗೆ? ಈ ಸಿಂಪಲ್ ಟಿಪ್ಸ್ ಗೊತ್ತಿದ್ರೆ ಸಾಕು
ಮಾರುಕಟ್ಟೆಯಲ್ಲಿ ಮಟನ್ ತಂದಾಗಲೆಲ್ಲಾ ಬಲ್ತಿರೋ ಮಾಂಸ ಸಿಗ್ತಾ ಇದೆಯಾ? ಈ ಸಿಂಪಲ್ ಟಿಪ್ಸ್ ಫಾಲೋ ಮಾಡಿದ್ರೆ ಸಾಕು, ನಿಮಗೆ ಮಟನ್ ಬಗ್ಗೆ ಐಡಿಯಾ ಇಲ್ಲದಿದ್ದರೂ ಪ್ರತಿ ಬಾರಿಯೂ ಫ್ರೆಶ್ ಮಾಂಸವನ್ನೇ ಮನೆಗೆ ತರಬಹುದು.
ಮಟನ್ ಖರೀದಿಸುವ ಮುನ್ನ ಈ ವಿಷಯ ನೆನಪಿರಲಿ
ವೀಕೆಂಡ್ ಬಂತು ಅಂದ್ರೆ ಸಾಕು, ಬಹುತೇಕರು ನಾನ್-ವೆಜ್ ತಿನ್ನಲು ಇಷ್ಟಪಡ್ತಾರೆ. ನಾನ್-ವೆಜ್ ಅಂದ ತಕ್ಷಣ ಮೊದಲು ನೆನಪಾಗೋದೇ ಮಟನ್. ಆದರೆ, ಒಳ್ಳೆ ಮಟನ್ ಖರೀದಿಸೋದು ಹಲವರಿಗೆ ದೊಡ್ಡ ಸವಾಲು. ಫ್ರೆಶ್ ಆಗಿರೋ ಮಟನ್ ಗುರುತಿಸೋದು ನಿಮಗೆ ಗೊತ್ತಿಲ್ವಾ? ಹಾಗಾದ್ರೆ ಈ ಸಿಂಪಲ್ ವಿಷಯಗಳನ್ನು ನೆನಪಿಟ್ಟುಕೊಳ್ಳಿ. ನೀವು ತರುವ ಮಟನ್ ಯಾವತ್ತೂ ಪರ್ಫೆಕ್ಟ್ ಆಗಿರುತ್ತೆ.
ತಾಜಾ ಮಟನ್ ಗುರುತಿಸಲು ಟಿಪ್ಸ್
ಬಣ್ಣದ ಪರೀಕ್ಷೆ: ಫ್ರೆಶ್ ಮಟನ್ ಯಾವಾಗಲೂ ಕಡು ಕೆಂಪು ಬಣ್ಣದಲ್ಲಿ ಹೊಳೆಯುತ್ತಿರುತ್ತದೆ. ಮಾಂಸದ ಬಣ್ಣ ಮಾಸಿದ್ದರೆ ಅಥವಾ ಬೂದು, ಕಪ್ಪು ಬಣ್ಣಕ್ಕೆ ತಿರುಗಿದ್ದರೆ ಅದನ್ನು ಖರೀದಿಸಬೇಡಿ. ಅದು ಹಳಸಿದ ಮಾಂಸ ಆಗಿರಬಹುದು.
ವಾಸನೆ: ತಾಜಾ ಮಟನ್ನಿಂದ ಸಹಜವಾದ ಮಾಂಸದ ವಾಸನೆ ಮಾತ್ರ ಬರುತ್ತದೆ. ಹುಳಿ ಅಥವಾ ಅಮೋನಿಯಾದಂತಹ ಘಾಟು ವಾಸನೆ ಬಂದರೆ ಅದು ಹಾಳಾಗಿದೆ ಎಂದರ್ಥ.
ಮುಟ್ಟಿ ನೋಡಿ:
ಮಟನ್ ಅನ್ನು ಬೆರಳಿನಿಂದ ಲಘುವಾಗಿ ಒತ್ತಿ. ಅದು ಮತ್ತೆ ಮೊದಲಿನ ಸ್ಥಿತಿಗೆ ಬಂದರೆ ಅದು ಫ್ರೆಶ್. ಗುಂಡಿ ಹಾಗೇ ಉಳಿದರೆ ಅಥವಾ ಅಂಟಂಟಾಗಿದ್ದರೆ ಅದು ಹಳೆಯ ಮಾಂಸ.
ಮೂಳೆಯ ಗಾತ್ರ: ಮಟನ್ ಬೇಗ ಬೇಯಬೇಕು ಅಂದ್ರೆ ಸಣ್ಣ ಮೇಕೆ ಅಥವಾ ಕುರಿ ಮಾಂಸ ಆರಿಸಿಕೊಳ್ಳಿ. ಸಣ್ಣ ಮತ್ತು ದುಂಡಗಿನ ಮೂಳೆಗಳಿದ್ದರೆ ಅದು ಎಳೆ ಮಟನ್. ದಪ್ಪ ಮೂಳೆಗಳಿದ್ದರೆ ಅದು ಬಲ್ತಿರೋ ಮಟನ್.
ನಂಬಿಕಸ್ಥ ಅಂಗಡಿ:
ಕೆಮಿಕಲ್, ಇಂಜೆಕ್ಷನ್ ಬಳಸದೆ ನೈಸರ್ಗಿಕವಾಗಿ ಬೆಳೆದ ಪ್ರಾಣಿಗಳ ಮಾಂಸ ಮಾರುವ ನಂಬಿಕಸ್ಥ ವ್ಯಾಪಾರಿಗಳ ಬಳಿ ಮಾತ್ರ ಮಟನ್ ಖರೀದಿಸಿ.
ನಾವು ಆರಿಸುವ ಪದಾರ್ಥಗಳ ಗುಣಮಟ್ಟದ ಮೇಲೆಯೇ ಅಡುಗೆಯ ರುಚಿ ನಿಂತಿರುತ್ತದೆ. ಈ ಸಣ್ಣಪುಟ್ಟ ಜಾಗ್ರತೆ ವಹಿಸಿದರೆ, ನೀವು ಮನೆಯಲ್ಲಿ ಮಾಡುವ ಮಟನ್ ಕರ್ರಿ ಅಥವಾ ಬಿರಿಯಾನಿ ರೆಸ್ಟೋರೆಂಟ್ಗಿಂತಲೂ ಅದ್ಭುತವಾಗಿ ಮೂಡಿಬರುತ್ತದೆ.
ಮಾಂಸ ಖರೀದಿಸುವಾಗ ಪಾಲಿಸಬೇಕಾದ ಹೆಲ್ತ್ ಟಿಪ್ಸ್
ಸ್ಕಿನ್ಲೆಸ್ ಬಳಸುವುದು ಉತ್ತಮ: ಮಾಂಸದ ಚರ್ಮದಲ್ಲಿ ಸ್ಯಾಚುರೇಟೆಡ್ ಕೊಬ್ಬು ಹೆಚ್ಚಿರುತ್ತದೆ. ಹೀಗಾಗಿ ಸ್ಕಿನ್ಲೆಸ್ ಮಟನ್ ಅಥವಾ ಚಿಕನ್ ಆರಿಸಿಕೊಳ್ಳುವುದು ಆರೋಗ್ಯಕ್ಕೆ ಒಳ್ಳೆಯದು.
FSSAI ಮಾರ್ಕ್ ಗಮನಿಸಿ: ಸೂಪರ್ ಮಾರ್ಕೆಟ್ಗಳಲ್ಲಿ ಪ್ಯಾಕ್ ಮಾಡಿದ ಮಾಂಸ ಖರೀದಿಸುವಾಗ FSSAI ಮುದ್ರೆ ಇದೆಯಾ ಅಂತ ಚೆಕ್ ಮಾಡಿ.
ಪ್ಯಾಕೇಜಿಂಗ್:
ವ್ಯಾಕ್ಯೂಮ್ ಪ್ಯಾಕ್ ಮಾಡಿದ ಮಾಂಸದಲ್ಲಿ ಬ್ಯಾಕ್ಟೀರಿಯಾ ಬೆಳೆಯುವುದಿಲ್ಲ. ಕವರ್ ಹರಿದಿದ್ದರೆ ಅಥವಾ ತೂತುಗಳಿದ್ದರೆ ಅಂಥ ಪ್ಯಾಕೆಟ್ ತೆಗೆದುಕೊಳ್ಳಬೇಡಿ.
ಕೊಬ್ಬಿನ ಬಣ್ಣ: ಮಟನ್ ಕೊಬ್ಬು ಬಿಳಿ ಅಥವಾ ಬೆಣ್ಣೆ ಬಣ್ಣದಲ್ಲಿರಬೇಕು. ಹಳದಿ ಬಣ್ಣಕ್ಕೆ ತಿರುಗಿದ್ದರೆ ಅದು ಬಲ್ತಿರೋ ಮಾಂಸ ಎಂದು ಗುರುತಿಸಿ.
ಆರೋಗ್ಯ, ಸೌಂದರ್ಯ, ಫಿಟ್ನೆಸ್, ಕಿಚನ್ ಟಿಪ್ಸ್, ಸಂಬಂಧ, ಫ್ಯಾಷನ್, ರೆಸಿಪಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.
