ಚಂದ್ರನ ಗೆದ್ದ ಭಾರತ ಸಾಧಿಸಿದ್ದೇನು..? ಚಂದ್ರಯಾನ-3ಕ್ಕೆ ಚಂದ್ರಯಾನ-2ರ ಕೊಡುಗೆ ಏನು..?

ಒಂದು ಸೋಲು, ಅದು ಹತಾಶೆಗೆ ಕಾರಣವಾಗ್ಬಾರ್ದು.. ಮುಂದಿನ ದೊಡ್ಡ ಗೆಲುವಿಗೆ ಸ್ಪೂರ್ತಿಯಾಗ್ಬೇಕು. ಸೋಲಿನಿಂದ ಕುಗ್ಗೋದರ ಬದಲು, ಅದರಿಂದ ಕಲಿತು ಮುನ್ನುಗ್ಬೇಕು.. ಇಂಥದ್ದೊಂದು ಪಾಠವನ್ನ ನಾವು ನಮ್ಮ ಇಸ್ರೋದ ಸಾಧನೆ ನೋಡಿ ಕಲಿಬೇಕು. ಕಳೆದ ಸಲ ಚಂದ್ರಯಾನ-2ರಲ್ಲಿ(Chandrayaan-2) ನಾವು ಯಶಸ್ಸು ಸಾಧಿಸೋ ಹಂತದಲ್ಲಿ ಸೋತಿದ್ವಿ.. ಆದ್ರೆ ಆ ಸೋಲಿನಿಂದ ಪಾಠ ಕಲಿತು, ಸಾಧನೆಯ ಉತ್ತುಂಗದಲ್ಲಿದ್ದೀವಿ. ನಮ್ಮ ಭಾರತ ಆಂತರಿಕ್ಷದಲ್ಲಿ ತ್ರಿವಿಕ್ರಮ ಸಾಧನೆ ಮಾಡಿದೆ. ಕಳೆದ ಜುಲೈ 14ರಂದು ಶ್ರೀಹರಿಕೋಟಾದಿಂದ ಉಡಾವಣೆಗೊಂಡಿದ್ದ ಇಸ್ರೋದ ಚಂದ್ರಯಾನ-3 ನೌಕೆಯ ಭಾಗವಾದ ವಿಕ್ರಂ ಲ್ಯಾಂಡರ್(Vikram lander) ಆಗಸ್ಟ್ 23, ಬುಧವಾರ ಸಂಜೆ 6 ಗಂಟೆ 4 ನಿಮಿಷಕ್ಕೆ ಚಂದ್ರನ ಮೇಲೆ ಲ್ಯಾಂಡ್ ಆಗಿದೆ.. ಇಡೀ ಭಾರತವೇ ಸಂಭ್ರಮಿಸಿದೆ.. ಇಡೀ ಜಗತ್ತೇ ಭಾರತಕ್ಕೆ ಜೈಹೋ ಅಂತಿದೆ. ಇವತ್ತು ಚಂದ್ರನ ಮೇಲೆ ನಡೆದಿದ್ದು, ಹೆಸರಿಗಷ್ಟೇ ಸಾಫ್ಟ್ ಲ್ಯಾಂಡಿಂಗ್. ಅದರ ಅಸಲಿ ವೇಗದ ಕಲ್ಪನೆ ಕೂಡ ಸಾಮಾನ್ಯರಿಗೆ ಮಾಡಿಕೊಳ್ಳೋದು ಕಷ್ಟವಾಗುತ್ತೆ. ಯಾಕಂದ್ರೆ, ಈ ಲ್ಯಾಂಡರ್ ಚಂದ್ರನ(Moon) ಮೇಲೆ ಇಳಿಬೇಕಾದ್ರೆ, ಸೆಕೆಂಡ್‌ಗೆ ಕನಿಷ್ಠ 2 ಮೀ ನಿಂದ, ಗರಿಷ್ಠ 3 ಮೀ ವೇಗದಲ್ಲಿರುತ್ತದೆ. ಅಂದರೆ, ಗಂಟೆಗೆ 7ವರೆಯಿಂದ ಹತ್ತಿರತ್ತಿರ 11 ಕಿ.ಮೀ ಸ್ಪೀಡ್‌ನಲ್ಲಿ ಲ್ಯಾಂಡ್ ಆಗಿತ್ತು. ಈ ಬಾರಿ ಭಾರತ ಈ ಸಾಧನೆಯ ಬಗ್ಗೆ ಅದೆಷ್ಟು ಕಾನ್ಫಿಡೆಂಟ್ ಆಗಿತ್ತು ಅಂದ್ರೆ, ತನ್ನ ಬಳಿ ಚಂದ್ರಯಾನ-3ರ ಮುಂದಿನ ನಡೆಯ ಬಗ್ಗೆ ಯಾವುದೇ ಪ್ಲಾನ್ ಬಿ ಇಲ್ಲ ಅಂತ ಎದೆಯುಬ್ಬಿಸಿಕೊಂಡು ಹೇಳಿದ್ರು ವಿಜ್ಞಾನಿಗಳು.. ಅದರರ್ಥ, ಭಾರತ ವಿಕ್ರಮ ಸಾಧನೆ ಮಾಡೋದ್ರಲ್ಲಿ ಅನುಮಾನವೇ ಇಲ್ಲ ಅಂತ.. ಈ ಆ ಆತ್ಮವಿಶ್ವಾಸದ ಮಟ್ಟ ಏನು ಅನ್ನೋದು ವಿಶ್ವಕ್ಕೇ ಸಾಬೀತಾಗಿದೆ..

ಇದನ್ನೂ ವೀಕ್ಷಿಸಿ:  ಚಂದ್ರಯಾನ 3 ಸಕ್ಸಸ್‌: ಇಸ್ರೋದ ಮುಂದಿನ ಪ್ಲ್ಯಾನ್‌ ಏನು ?