ಥಿಯೇಟರ್‌ನಲ್ಲಿ ಶುರುವಾಗ್ತಿದೆ 'ನಮೋ ಭೂತಾತ್ಮ2' ಕಾಟ: ಪ್ರೇಕ್ಷಕರಿಗೆ ಹಾರರ್ ಕಾಮಿಡಿ ಕಿಕ್ ಕೊಡ್ತಾರಾ ಕೋಮಲ್ ?
ಸ್ಯಾಂಡಲ್‌ವುಡ್ ಬೆಳ್ಳಿತೆರೆ ಮೇಲೆ ಕಾಮಿಡಿ ಕಿಂಗ್ ಕೋಮಲ್ ಕಮಾಲ್ ಮಾಡಿ ನಾಲ್ಕು ವರ್ಷ ಕಳೆದಿದೆ. ಕೆಂಪೇಗೌಡ 2 ಕೋಮಲ್ ನಟನೆಯ ಕೊನೆ ಸಿನಿಮಾ. ಇದೀಗ ಮತ್ತೆ ಥಿಯೇಟರ್ ಅಂಗಳಲ್ಲಿ ಕೋಮಲ್ ಕಾಮಿಡಿ ಕಿಕ್ ಕೊಡೋದಕ್ಕೆ ಬರ್ತಿದ್ದಾರೆ. ನಮೋ ಭೂತಾತ್ಮ2 ಸಿನಿಮಾ ಮೂಲಕ ಈ ಭಾರಿ ಹಾರರ್ ಕಮ್ ಕಾಮಿಡಿ ಥ್ರಿಲ್ ಕೊಡ್ತಿದ್ದಾರೆ ಕೋಮಲ್.
ಸ್ಯಾಂಡಲ್‌ವುಡ್‌ಗೆ ಗೆಲುವಿನ ಕಳೆ ತಂದುಕೊಟ್ಟ ಸಿನಿಮಾಗಳು ಕೌಸಲ್ಯಾ ಸುಪ್ರಜಾ ರಾಮ, ಹಾಸ್ಟೆಲ್ ಹುಡುಗರು ಮತ್ತು ಆಚಾರ್ಯ ಅ್ಯಂಡ್ ಕೋ. ಇದೀಗ ಆ ಸಿನಿಮಾಗಳ ಹಾಗೆ ಕೋಮಲ್(Komal Kamal) ಕೂಡ ನಮೋ ಭೂತಾತ್ಮ-2 ಸಿನಿಮಾದಿಂದ(Namo Bhootatma 2) ಸಕ್ಸಸ್‌ಫುಲ್ ಮನೋರಂಜನೆ ಕೊಡೋ ಎಲ್ಲಾ ಭರವಸೆ ಕೊಟ್ಟಿದ್ದಾರೆ. ಈ ಚಿತ್ರದ ಟ್ರೈಲರ್ ಟೀಸರ್ ಸಿನಿಮಾದ ಮೇಲೆ ನಿರೀಕ್ಷೆ ಹುಟ್ಟಿಸಿವೆ. ರಾಜ್ಯದ 170ಕ್ಕೂ ಹೆಚ್ಚಿನ ಚಿತ್ರಮಂದಿರಗಳಲ್ಲಿ ಇದೇ ಶುಭ ಶುಕ್ರವಾರ ನಮೋ ಭೂತಾತ್ಮ-2 ನಿಮ್ಮನ್ನ ಬೆಚ್ಚಿ ಬೀಳಿಸಲು ಬರ್ತಿದೆ. 2014ರಲ್ಲಿ ನಮೋ ಭೂತಾತ್ಮ ಸಿನಿಮಾ ಬಂದಿತ್ತು. ಅದರ ಮುಂದುವರೆದ ಭಾಗ ನಮೋ ಭೂತಾತ್ಮ2. ಡಾನ್ಸ್ ಮಾಸ್ಟರ್ ಮುರುಳಿ ಅವರ ಕಲ್ಪನೆಯಲ್ಲಿ ಈ ಸಿನಿಮಾ ಸಿದ್ಧವಾಗಿದೆ. ಇದೀಗ ಚಿತ್ರದ ಪ್ರಮೋಷನ್ ಸಾಂಗ್ ಒಂದು ರಿಲೀಸ್ ಆಗಿದ್ದು. ಈ ಹಾಡಿನಲ್ಲಿ ಇಡೀ ನಮೋ ಭೂತಾತ್ಮ2 ಚಿತ್ರತಂಡ ಡಾನ್ಸ್ ಮಾಡಿದ್ದಾರೆ.
ಇದನ್ನೂ ವೀಕ್ಷಿಸಿ: ತಲೈವಾ ಫ್ಯಾನ್ಸ್‌ಗೆ 10ನೇ ತಾರೀಖು ಹಬ್ಬ: ಹೇಗಿದೆ ಗೊತ್ತಾ ಜೈಲರ್‌ ಸಿನಿಮಾ ಟೀಸರ್..?
