ಅಪ್ಪು ನೆನೆದು ಶಿವಣ್ಣ ಕಣ್ಣೀರು; ಕರಳು ಹಿಂಡುತ್ತೆ ಆ ಮೂರು ದೃಶ್ಯ

ಅಪ್ಪು ಅಪ್ಪು ಅಪ್ಪು..ಕೋಟಿ ಕನ್ನಡಿಗರ ಮನಸ್ಸು ಹೇಳುವುದು ಇಷ್ಟೆ ಅಪ್ಪು. ಅಣ್ಣಾವ್ರ ಕುಟುಂಬದ ಉಸಿರು ಈ ಅಪ್ಪು. ರಾಜ್ ಕುಟುಂಬಕ್ಕೆ ತ್ರಿಮೂರ್ತಿಗಳು ಶಿವರಾಜ್ ಕುಮಾರ್, ರಾಘವೇಂದ್ರ ರಾಜ್ ಕುಮಾರ್, ಪುನೀತ್ ರಾಜ್ ಕುಮಾರ್. ಆದ್ರೆ ಒಂದು ಮೂರ್ತಿ ಕಣ್ಮರೆ ಆಗಿ 9 ತಿಂಗಳಾಯ್ತು. ಇಷ್ಟು ದಿನ ಆದ್ರು ಪ್ರತಿ ದಿನ ಪ್ರತಿ ಕ್ಷಣ ಅಪ್ಪುಗಾಗಿ ಹಂಬಲಿಸುತ್ತಿದೆ ಶಿವಣ್ಣನ ಮನ. ಪುನೀತ್ ಕೋಟಿ ಕನ್ನಡಿಗರಲ್ಲಿ ಬೆರೆತು ಬೆಸೆದು ಹೋಗಿದ್ದಾರೆ. ಅಪ್ಪುನನ್ನ ಮಗನಂತೆ ಕಂಡಿದ್ದ ಶಿವಣ್ಣ ಮಾತ್ರ ಪುನೀತ್ ನೆನೆದು ಕಣ್ಣೀರು ಹಾಕದ ದಿನಗಳೇ ಇಲ್ಲವಾಗಿದೆ. ಇದೀಗ ಡಾನ್ಸ್ ಕರ್ನಾಟಕ ಡ್ಯಾನ್ಸ್ ಕಾರ್ಯಕ್ರಮದಲ್ಲೂ ಶಿವಣ್ಣ ಪುನೀತ್ ನೆನೆದು ಬಿಕ್ಕಿ ಬಿಕ್ಕಿ ಅತ್ತಿದ್ದಾರೆ. ಅಪ್ಪಾಜಿ ಹೋದ್ರು, ಅಮ್ಮ ಇಲ್ಲವಾದ್ರು. ರಾಘುಗೆ ಆರೋಗ್ಯ ಹಾಳಾಯ್ತು, ಅಪ್ಪುನನ್ನೂ ಕಳೆದುಕೊಂಡೆ ಅಂತ ಶಿವಣ್ಣ ಜೋರಾಗಿ ಅತ್ತು ಬಿಟ್ಟಿದ್ದಾರೆ. ಶಿವಣ್ಣನ ಕಣ್ಣೀರು ಎಂಥವರಿಗಾದ್ರು ಹೃದಯ ಹಿಂಡುತ್ತೆ.

ಸಮಗ್ರ ಸುದ್ದಿ ಮೂಲವನ್ನಾಗಿ asianet suvarna news ಅನ್ನು ಆಯ್ಕೆ ಮಾಡಿಕೊಳ್ಳಿ