Asianet Suvarna News Asianet Suvarna News

ಬರ್ತಿದ್ದಾನೆ ಬಳ್ಳಾರಿ ಬೊಂಬಾಟ್ ಹುಡುಗ: ಕಿರೀಟಿ ಶ್ರಮಕ್ಕೆ ಬಹುಪರಾಕ್ ಎಂದ ರಾಜಮೌಳಿ!

ಸಿನಿಮಾರಂಗಾನೆ ಹಾಗೆ  ಆಕರ್ಷಣೆ, ಎಂಥವರನ್ನೂ ಸೆಳೆದುಬಿಡುತ್ತೆ. ಸದ್ಯ ರಾಜಕಾರಣಿ , ಬಳ್ಳಾರಿ ಗಣಿದಣಿ ಜನಾರ್ಧನರೆಡ್ಡಿ  ಪುತ್ರನಿಗೂ ಇದೇ ಸೆಳೆತ. ಸಿನಿಮಾ ಆಕರ್ಷಣೆಯಲ್ಲಿ ಅಪ್ಪ ದುಡ್ಡಾಕ್ತಾರೆ ನಾನೂ ಹೀರೋ ಅಂತ ಬರಲಿಲ್ಲ. ಬಂದು ಸಿನಿಮಾಗೆ ಬೇಕಾದ ಎಲ್ಲ ತಯಾರಿಯನ್ನೂ ಮಾಡಿಕೊಂಡಿದ್ದಾನೆ. 

ಸಿನಿಮಾರಂಗಾನೆ ಹಾಗೆ  ಆಕರ್ಷಣೆ, ಎಂಥವರನ್ನೂ ಸೆಳೆದುಬಿಡುತ್ತೆ. ಸದ್ಯ ರಾಜಕಾರಣಿ , ಬಳ್ಳಾರಿ ಗಣಿದಣಿ ಜನಾರ್ಧನರೆಡ್ಡಿ  ಪುತ್ರನಿಗೂ ಇದೇ ಸೆಳೆತ. ಸಿನಿಮಾ ಆಕರ್ಷಣೆಯಲ್ಲಿ ಅಪ್ಪ ದುಡ್ಡಾಕ್ತಾರೆ ನಾನೂ ಹೀರೋ ಅಂತ ಬರಲಿಲ್ಲ. ಬಂದು ಸಿನಿಮಾಗೆ ಬೇಕಾದ ಎಲ್ಲ ತಯಾರಿಯನ್ನೂ ಮಾಡಿಕೊಂಡಿದ್ದಾನೆ. ಕಿರೀಟಿ ರೆಡ್ಡಿ ತನ್ನ ಮೊದಲ ಸಿನಿಮಾಗಾಗಿ ಏನೆಲ್ಲ ಶ್ರಮಪಟ್ಟಿದ್ದಾನೆ ಅನ್ನೋದಕ್ಕೆ ಉದಾಹರಣೆ ಈ ವೀಡಿಯೋ.

ಶಿವಣ್ಣ, ಪ್ರಭುದೇವಾ, ಯೋಗರಾಜ್‌ ಭಟ್ ಬಿಗ್ ಪ್ಯಾನ್ ಇಂಡಿಯ ಸಿನಿಮಾ!

ಸಿನಿಮಾ ಇಂಟ್ರೋಡಕ್ಷನ್‌ಗಾಗಿಯೇ ಇಷ್ಟು ಕಷ್ಟ ಪಟ್ಟಿದ್ದಾರೆಂದರೆ ಇನ್ನು  ಇಡೀ ಸಿನಿಮಾಗಾಗಿ ಎಷ್ಟೆಲ್ಲಾ ಪರಿಶ್ರಮ ಹಾಕಿರಬಹುದು?  ಕಿರೀಟಿ ನಟನೆಯ ಮೊದಲ ಸಿನಿಮಾದ ಇಂಟ್ರಡಕ್ಷನ್ ಟೀಸರ್ ಯೂಟ್ಯೂಬ್ ನಲ್ಲಿ  ಈಗ ಸಿಕ್ಕಾಪಟ್ಟೆ ಸದ್ದು ಮಾಡುತ್ತಿದೆ.  ಕಿರೀಟಿ ಸ್ಟಂಟ್ಸ್, ಡ್ಯಾನ್ಸ್, ಆಕ್ಷನ್ ಸೀನ್ಸ್ ಕಂಡು ಚಿತ್ರರಸಿಕರು ಹುಬ್ಬೇರಿಸಿದ್ದರು. 

ಸ್ವತಃ  ಬಾಹುಬಲಿ ರಾಜಮೌಳಿಯೇ ಕಿರೀಟಿ ಆಕ್ಟಿಂಗ್ , ಸ್ಟಂಟ್ಸ್ ಗೆ ಬಹುಪರಾಕ್ ಅಂತಾ ಬೆನ್ನುತಟ್ಟಿದ್ದರು. ಇಷ್ಟೆಲ್ಲಾ ಮೆಚ್ಚುಗೆ ಪಡೆದಿರುವ ಕಿರೀಟಿ ಸಾಹಸದ ಹಿಂದೆ ಅಷ್ಟೇ ,ನೋವು, ಕಷ್ಟದ ಪರಿಶ್ರಮ  ಕೂಡ ಅಡಗಿದೆ ಅನ್ನೋದನ್ನ ದೃಶ್ಯಗಳು ಹೇಳುತ್ತಿವೆ.

ಜನಾರ್ದನ ರೆಡ್ಡಿ ಸುಪುತ್ರ ಕಿರೀಟಿ ಇಂಟ್ರಡಕ್ಷನ್ ಟೀಸರ್ ಹಿಂದಿನ ಪರಿಶ್ರಮ ಸಣ್ಣದೊಂದು ಝಲಕ್ ನ್ನು ಚಿತ್ರತಂಡ ರಿಲೀಸ್ ಮಾಡಿದೆ.  ಛಲ ಬಿಡದೇ ಕಿರೀಟಿ ಸ್ಟಂಟ್ಸ್ ಗಳನ್ನು ಅದ್ಭುತವಾಗಿ ಮಾಡಿದ್ದಾರೆ. ಖ್ಯಾತ ಸ್ಟಂಟ್ ಮಾಸ್ಟರ್ ಪೀಟರ್ ಹೇನ್ ಸಾರಥ್ಯದಲ್ಲಿ ಮೂಡಿ ಬಂದಿರುವ ಸ್ಟಂಟ್ಸ್ ಮೈ ಜುಮ್ ಎನಿಸುತ್ತವೆ. ತೆಲುಗಿನ ಖ್ಯಾತ ನಿರ್ಮಾಣ ಸಂಸ್ಥೆ ವಾರಾಹಿ ಫಿಲ್ಮಂ ಪ್ರೊಡಕ್ಷನ್ ನಡಿ ಅದ್ಧೂರಿ ಬಜೆಟ್ ನಲ್ಲಿ ತಯಾರಾಗ್ತಿರುವ 15ನೇ ಸಿನಿಮಾ ಇದಾಗಿದ್ದು, ಮಯಾಬಜಾರ್ ಖ್ಯಾತಿಯ ರಾಧಾಕೃಷ್ಣ ರೆಡ್ಡಿ ಓಂಕಾರ ಹಾಕಿರುವ, ಬಾಹುಬಲಿ ಛಾಯಾಗ್ರಾಹಕ ಕೆಕೆ ಸೆಂಥಿಲ್ ಕುಮಾರ್ ಕ್ಯಾಮೆರಾ ಕೈಚಳಕ ಹಾಗೂ ದೇವಿಶ್ರೀಪ್ರಸಾದ್ ಮ್ಯೂಸಿಕ್ ಪುಳಕ ಹಾಗೂ ರವೀಂದರ್ ಕಲಾ ನಿರ್ದೇಶನ ಕಿರೀಟಿ ಸಿನಿಮಾಗಿದೆ. ಕಿರೀಟಿ ತಂದೆ ಪಾತ್ರದಲ್ಲಿ ಕ್ರೇಜಿಸ್ಟಾರ್ ರವಿಚಂದ್ರನ್ ಬಣ್ಣ ಹಚ್ಚಿದ್ದು, ಶ್ರೀಲೀಲಾ ನಾಯಕಿಯಾಗಿ ನಟಿಸಿದ್ದು, ಜೆನಿಲಿಯಾ ಸೇರಿದಂತೆ ದೊಡ್ಡ ತಾರಾಬಳಗ ಸಿನಿಮಾದಲ್ಲಿದೆ. ಇದೊಂದು ಸ್ಯಾಂಪಲ್ ಅಷ್ಟೆ.. ಇನ್ನೂ ಮುಂದಿದೆ ಕಿರೀಟಿಯ ನಟನಾ ಚಾತುರ್ಯವನ್ನು ನೊಡಲು ಕಾಯುತ್ತಿರಿ ಎನ್ನುತ್ತಿದೆ ಚಿತ್ರತಂಡ..

 

Video Top Stories