ವಿಶ್ವ ಸುಂದರಿ ಮನೆಯಲ್ಲೂ ಇದೆ ಅತ್ತೆ-ಸೊಸೆ ಜಗಳ..! ಅತ್ತೆ ಮೇಲಿನ ಕೋಪಕ್ಕೆ ಗಂಡನ್ನೇ ದೂರ ಮಾಡ್ತಾರಾ ಐಶ್ವರ್ಯ..?

ಎಲ್ಲಾರ ಮನೆ ದೋಸೆಯೂ ತೂತೆ ಅಂತಾರಲ್ಲ ಅದು ನಿಜಾ ಕಂಡ್ರಿ. ಎಲ್ಲವೂ ಇದ್ರೂ ಏನೋ ಒಂದು ಇಲ್ಲ ಅಂತಾರಲ್ಲ ಅದು ಸತ್ಯ ಕಂಡ್ರಿ. ಯಾಕಂದ್ರೆ ಬಾಲಿವುಡ್ ಚಿತ್ರ ಜಗತ್ತಿನ ಶ್ರೀಮಂತ ಕುಟುಂಬ, ಕೈ ಕಾಲಿಗೆ ಆಳು ಕಾಳು ಎಲ್ಲವೂ ಇರೋ ಅಭಿಷೇಕ್ ಬಚ್ಚನ್ ಸಂಸಾರ ಒಡೆದು ಚೂರಾಗಿದೆ. ಈ ವಿಷಯ ಬಿಟೌನ್‌ನಲ್ಲಿ ಹಲವು ದಿನಗಳಿಂದ ಭಾರಿ ಚರ್ಚೆ ಆಗ್ತಿದೆ. ಆದ್ರೆ ಅದಕ್ಕೆ ಕಾರಣ ಏನು ಅನ್ನೋ ಹೊಗೆ ಈಗ ಹೊರ ಬರುತ್ತಿದೆ. ಅದೇ ಅತ್ತೆ ಸೊಸೆ ಜಗಳವಂತೆ. ಅತ್ತೆ ಮೇಲಿನ ಕೋಪಕ್ಕೆ ಗಂಡನ್ನೇ ದೂರ ಮಾಡ್ತಾರಾ ಐಶ್ವರ್ಯ(Aishwarya Rai) ಅನ್ನೋ ಡೌಟ್ ಈಗ ಎಲ್ಲರಲ್ಲೂ ಇದೆ. ಅಭಿಷೇಕ್ ಬಚ್ಚನ್ ಅಶ್ವರ್ಯ ರೈ ಮದುವೆ ಆಗಿದ್ದು 2007ರಲ್ಲಿ. 15 ವರ್ಷ ತುಂಬು ಸಂಸಾರ ಮಾಡಿದ್ದಾರೆ. ಆದ್ರೆ ಐಶ್ವರ್ಯ ರೈ ಹಾಗು ಅತ್ತೆ ಜಯಾ ಬಚ್ಚನ್(Jaya Bachchan) ಮಧ್ಯೆ ಹೂಯ್ದ ಅಕ್ಕಿ ಬೇಯುತ್ತಿರಲಿಲ್ಲವಂತೆ. ಇಬ್ಬರೂ ಹಾವು ಮುಂಗುಸಿಯಂತೆ ಕಿತ್ತಾಡುತ್ತಿದ್ರಂತೆ. ಇಬ್ಬರ ಮಧ್ಯೆ ಆಸ್ತಿ ವಿಚಾರಕ್ಕೂ ಮನಸ್ತಾಪ ಆಗಿದೆಯಂತೆ. ಅತ್ತೆ ಸೊಸೆ ಜಗಳ ತಾರಕಕ್ಕೇರಿ ಇಬ್ಬರೂ ಮಾತು ಬಿಟ್ಟಿದ್ರಂತೆ. ಹೀಗಾಗಿ ಅತ್ತೆ ಕಾಟಕ್ಕೆ ಬೇಸತ್ತ ಐಶ್ವರ್ಯ ರೈ, ನನಗೆ ಬಚ್ಚನ್ ಫ್ಯಾಮಿಲಿ ಬೇಡ ಅಂತ ಪತಿಯನ್ನ ಕರೆದುಕೊಂಡು ಮನೆ ಬಿಟ್ಟು ಹೋಗಿದ್ರಂತೆ. ಆದ್ರೆ ಅಭಿಷೇಕ್(Abhishek Bachchan) ಹಾಗು ಐಶ್ವರ್ಯ ಮಧ್ಯೆಯೂ ಜಗಳ ಆಗಿದ್ದು, ವಿಶ್ವಸುಂದರಿ ಐಶ್ವರ್ಯ ತಾಳಿ ಕಟ್ಟಿದ ಗಂಡನನ್ನೇ ಬಿಡೋದಕ್ಕೆ ನಿರ್ಧರಿಸಿದ್ದಾರೆ ಅಂತ ಈಗ ಬಿಟೌನ್ನಲ್ಲಿ ಸುದ್ದಿ ಹಬ್ಬಿದೆ. ಸುದ್ದಿ ಮಾತ್ರವಲ್ಲ ಅದಕ್ಕೆ ಪುರಾವೆಗಳು ಸಿಗ್ತಿವೆ. ಐಶ್ವರ್ಯ ರೈ ಕಳೆದ 16 ವರ್ಷದಲ್ಲಿ ಎಲ್ಲೇ ಹೋದ್ರು ಜೊತೆಯಲ್ಲಿ ಪತಿ ಅಭಿಷೇಕ್ ಇರ್ತಾ ಇದ್ರು. ಆದ್ರೆ ಈಗ ವಿಶ್ವಸುಂದರಿ ಸಿಂಗಲ್ ಆಗಿ ಓಡಾಡ್ತಿದ್ದಾರೆ. ಅದಕ್ಕೆ ಸಾಕ್ಷ್ಯ ಕೂಡ ಸಿಕ್ಕಿದೆ. ಐಶ್ ಮಗಳು ಆರಾಧ್ಯ ಅಂಬಾನಿ ಇಂಟರ್ನ್ಯಾಷನಲ್ ಸ್ಕೂಲ್ನಲ್ಲಿ ಓದುತ್ತಿದ್ದಾಳೆ. ಈ ಶಾಲಾ ವಾರ್ಷಿಕೋತ್ಸವದಲ್ಲಿ ಇಡೀ ಬಚ್ಚನ್ ಫ್ಯಾಮಿಲಿ ಭಾಗಿಯಾಗಿತ್ತು. ಅಮಿತಾಭ್, ಜಯಾ ಬಚ್ಚನ್, ಅಭಿಷೇಕ್ ಹಾಗೂ ಐಶ್ವರ್ಯ ಒಟ್ಟಿಗೆ ಕಾಣಿಸಿಕೊಂಡಿದ್ರು. ಆದ್ರೆ ಅಮಿತಾಭ್, ಜಯಾ ಬಚ್ಚನ್, ಅಭಿಷೇಕ್ ಒಂದು ಕಾರಲ್ಲಿ ಬಂದ್ರೆ, ಐಶ್ವರ್ಯ ರೈ ಮಾತ್ರ ಮತ್ತೊಂದು ಕಾರಿನಲ್ಲಿ ಬಂದಿಳಿದಿದ್ರು. ಇದನ್ನು ನೋಡಿದವರು ಇಲ್ಲಿ ಎಲ್ಲವೂ ಸರಿ ಇಲ್ಲ ಅಂತ ಫ್ರ್ಯೂಫ್ ಕೊಟ್ಟಿದ್ದಾರೆ.

ಇದನ್ನೂ ವೀಕ್ಷಿಸಿ:  ವರ್ಲ್ಡ್ ವೈಡ್ ಶುರುವಾಗಿದೆ ಪ್ರಭಾಸ್ ಮೇನಿಯಾ..! ಸಲಾರ್ ಕ್ರೇಜ್, ಟಿಕೆಟ್ ಬುಕ್ಕಿಂಗ್ ಸೂಪರ್..!