ಚೀನಾ ಲಾಕ್ಡೌನ್ ಎಫೆಕ್ಟ್ ಅಂಗಡಿಗಳ ಲೂಟಿಗಿಳಿದ ಜನ!
ಚೀನಾ ಲಾಕ್ಡೌನ್ ಎಫೆಕ್ಟ್ ಅಂಗಡಿಗಳ ಲೂಟಿಗಿಳಿದ ಜನ..! ಹಸಿವಿನ ವೈರಸ್.. ಅನ್ನ ನೀರಿಗೆ ಹಾಹಾಕಾರ.. ಒಂದೊಂದು ಅಗಳಿಗೂ ಶಾಂಘೈ ಜನರ ನಾಯಿ-ನರಿ ಕಿತ್ತಾಟ..!
ಶಾಂಘೈ(ಏ.12): ನೂರಾರು, ಸಾವಿರಾರು, ಲಕ್ಷಾಂತರ ಜನರ, ಒಂದೊಂತ್ತಿನ ಊಟಕ್ಕೂ ಹಾಹಾಕಾರ..! ಒಂದೊಂದು ಅಗುಳಿಗೂ ಒಂದೊಂದು ತುತ್ತಿಗೂ ಕಂಡು ಕೇಳರಿಯದ ಭೀಕರ ಹಾಹಾಕಾರ.. ಇಂಥಾ ಘೋರಾತಿ ಘೋರ ಹಾಹಾಕಾರ ಸೃಷ್ಟಿಯಾಗುವ ಹಾಗೆ ಮಾಡಿದ್ದು ಹಸಿವಿನ ವೈರಸ್.
ಜನರು ಕೊರೊನಾಘಾತದಿಂದ ಇನ್ನೂ ಹೊರ ಬಂದಿಲ್ಲ. ಆ ಸಮಯದಲ್ಲಿ ಕೊರೊನಾ ಅಟ್ಟಹಾಸಕ್ಕೆ ಇಡೀ ಮನುಕುಲವೇ ವಿಲವಿಲನೇ ಒದ್ದಾಡಿತ್ತು. ಆ ಕರಾಳ ದಿನಗಳು ಇನ್ನೂ ನಮ್ಮ ಮನಸ್ಸಿನಲ್ಲಿ ಅಚ್ಚಳಿಯದೇ ಉಳಿದಿದೆ. ಆಗಲೇ ಕೊರೊನಾ ಹೊಸ ಹೊಸ ರೂಪ ತಾಳಿಕೊಂಡು ವಕ್ಕರಿಸಿಕೊಳ್ತಾ ಇದೆ. ಈಗ ಕೊರೊನಾದ ಅಪ್ಡೇಟ್ ರೂಪಾಂತರದ ಎಫೆಕ್ಟ್ಗೆ ಚೀನಾದ ಶೆಂಘೈನಲ್ಲಿ ನರಕವೇ ಸೃಷ್ಟಿಯಾಗಿದೆ.