Russia Ukraine War: 100 ದಿನದ ಮಹಾಯುದ್ಧ ಗೆದ್ದಿದ್ಯಾರು? ಸೋತಿದ್ಯಾರು?
ರಷ್ಯಾ, ಉಕ್ರೇನ್ ಮೇಲೆ ಸಮರ ಸಾರಿ 100 ದಿನಗಳೇ ಕಳೆದು ಹೋಗಿದೆ. ಯುದ್ಧದ ಸಮಯದಲ್ಲಿ, ಈ 100 ದಿನದ ಯುದ್ಧದಲ್ಲಿ ರಷ್ಯಾ ಇಡೀ ಉಕ್ರೇನ್ನ ಚಿತ್ರಣವನ್ನೇ ಕಂಪ್ಲಿಟ್ ಆಗಿ ಬದಲಾಯಿಸಿದೆ.
ನವದೆಹಲಿ (ಜೂ. 05): ರಷ್ಯಾ, ಉಕ್ರೇನ್ (Russia Ukraine War) ಮೇಲೆ ಸಮರ ಸಾರಿ 100 ದಿನಗಳೇ ಕಳೆದು ಹೋಗಿದೆ. ಯುದ್ಧದ ಸಮಯದಲ್ಲಿ, ಈ 100 ದಿನದ ಯುದ್ಧದಲ್ಲಿ ರಷ್ಯಾ ಇಡೀ ಉಕ್ರೇನ್ನ ಚಿತ್ರಣವನ್ನೇ ಕಂಪ್ಲಿಟ್ ಆಗಿ ಬದಲಾಯಿಸಿದೆ. ಈಗ ಉಕ್ರೇನ್ನಲ್ಲಿ ಕಣ್ಣಾಡಿಸಿದ್ದಲ್ಲೆಲ್ಲ ಸುಟ್ಟು ಬೂದಿಯಾಗಿ ಬಿದ್ದಿರೋ ಕಟ್ಟಡಗಳು, ಸ್ಮಶಾನದಂತೆ ಬಣಗುಡ್ತಿರೋ ಊರು ಹಳ್ಳಿಗಳು ಮಾತ್ರ ಕಾಣಿಸುತ್ತಿವೆ. ಈ ಮಹಾಯುದ್ಧ ಎಲ್ಲರೂ ಅಂದುಕೊಂಡಿದ್ದಕ್ಕಿಂತಲೂ ಹೆಚ್ಚೇ ಘನಘೋರವಾಗಿ ನಡೆದಿತ್ತು. ಅಮಾಯಕರ ಕಿರಿಚಾಟ, ಒದ್ದಾಟ, ನರಳಾಟ.. ಅಬ್ಬಬ್ಬಾ ಒಂದಾ ಎರಡಾ.? ನರಕ, ಅಕ್ಷರಶಃ ನರಕದ ಚಿತ್ರಣವೇ ಇಲ್ಲಿ ಸೃಷ್ಟಿಯಾಗಿ ಹೋಗಿತ್ತು. ಆದರೂ ಕಲ್ಲು ಹೃದಯಿ ಪುಟಿನ್ ಮಾತ್ರ ಎಲ್ಲವನ್ನೂ ಸೈಲೆಂಟಾಗಿ ಕೂತು ನೋಡ್ತಿದ್ದನೇ ವಿನಃ ಯುದ್ಧ ನಿಲ್ಲಿಸಿ ಅಂತ ಒಂದೇ ಒಂದು ಮಾತನ್ನ ಹೇಳಿರ್ಲಿಲ್ಲ.
ಇದನ್ನೂ ನೋಡಿ: ಪುಟಿನ್ ಸಾವಿನ ಬಗ್ಗೆ ಉದ್ಭವವಾಗಿರೋ ರಹಸ್ಯಗಳೇನು? ಜಗತ್ತಿನ ಮುಂದೆ ಇಟ್ಟ MI6 ಏಜೆಂಟ್
ಹಾಗಂತ ಉಕ್ರೇನ್ ಏನೂ ರಷ್ಯಾ ಪವರ್ ಮುಂದೆ ತಲೆತಗ್ಗಿಸಿಕೊಂಡು ಕೂತಿರ್ಲಿಲ್ಲ. ಅದು ಕೂಡಾ ಪಕ್ಕಾ ಟಕ್ಕರ್ ಕೊಟ್ಟಿತ್ತು. ಉಕ್ರೇನ್ ನೋಡೋದಕ್ಕೆ ಗುಬ್ಬಿಗಾತ್ರದ ರಾಷ್ಟ್ರವಾಗಿದ್ದರೂ ರಷ್ಯಾ ಮುಂದೆ ತೊಡೆತಟ್ಟಿಕೊಂಡು ನಿಂತು ಹೋರಾಡಿತ್ತು. ಇದಕ್ಕೆ ಉಕ್ರೇನ್ ಜನರು ಕೂಡಾ ಸಾಥ್ ಕೊಟ್ಟರು. ನಮ್ಮ ದೇಶ, ನಮ್ಮ ನೆಲ ಅಂತ ಹೋರಾಡಿದ್ದರ ಪರಿಣಾಮವೇ 100 ದಿನವಾದರೂ ಈ ಯುದ್ಧ ಗೆಲ್ಲೊದಕ್ಕಾಗದೇ ರಷ್ಯಾ ಹೆಣಗಾಡ್ತಿದೆ. ಈ ಕುರಿತ ಒಂದು ಕಂಪ್ಲೀಟ್‌ ವರದಿ ಇಲ್ಲಿದೆ.
