Redmi 7A, Vivo Z1 Pro ಮಾರಾಟ ಶುರು! ಹೊಸ ಫೋನ್ ಹೇಗಿದೆ ಗುರು?

• Redmi 7A ಮಾರಾಟ ಇಂದಿನಿಂದ ಆರಂಭವಾಗಿದೆ.  5.45 ಇಂಚು HD+ ಡಿಸ್ಪ್ಲೇ, ಒಕ್ಟಾಕೋರ್ ಕ್ವಾಲ್‌ಕಾಂ ಸ್ನ್ಯಾಪ್‌ಡ್ರಾಗನ್ 439 ಚಿಪ್ ಸೆಟ್, 3GB RAM- 32GB ಸ್ಟೋರೆಜ್,  AI ಫೇಸ್ ಅನ್‌ಲಾಕ್,  12 ಮೆಗಾಪಿಕ್ಸೆಲ್ ಕ್ಯಾಮೆರಾ, 5 ಮೆಗಾಪಿಕ್ಸೆಲ್ ಸೆಲ್ಫೀ ಕ್ಯಾಮೆರಾ, ಮತ್ತು  4000 mAh ಬ್ಯಾಟರಿಯನ್ನು ಇದು ಹೊಂದಿದೆ. ಭಾರತದಲ್ಲಿ ಬೆಲೆ ₹5999 ಮಾತ್ರ! 
• ಭಾರತದಲ್ಲಿಂದು Vivo Z1 Pro ಮಾರಾಟ ಆರಂಭವಾಗಿದೆ. ಹೋಲ್ ಪಂಚ್ ಸೆಲ್ಫೀ ಕ್ಯಾಮೆರಾ, ಟ್ರಿಪಲ್ ಕ್ಯಾಮೆರಾ ಸೆಟಪ್, ಫುಲ್ HD+ ಪರದೆ, 5000 mAh ಬ್ಯಾಟರಿಯನ್ನು ಈ ಫೋನ್ ಹೊಂದಿದೆ. ಭಾರತದಲ್ಲಿ ಇದರ ಬೆಲೆ 14990 ರೂಪಾಯಿಯಾಗಿದೆ.
• ಜಪಾನಿನ Hayabusa2 ಯಶಸ್ವಿಯಾಗಿ ಕ್ಷುದ್ರಗ್ರಹದ ಮೇಲಿಳಿದಿದೆ. ಸೌರಮಂಡಲದ ಹುಟ್ಟು ಹಾಗೂ ಬೆಳವಣಿಗೆ ಕುರಿತ ಅಧ್ಯಯನಕ್ಕೆ ಇದು ಸಹಕಾರಿಯಾಗಲಿದೆ. ಭೂಮಿಯಿಂದ 300 ಮಿಲಿಯನ್ ಕಿಲೋ ಮೀಟರ್ ದೂರವಿರುವ Ryugu ಕ್ಷುದ್ರಗ್ರಹದ ಮೇಲೆ Hayabusa2  ತಲುಪುತ್ತಿರುವುದು ಇದು ಎರಡನೇ ಬಾರಿಯಾಗಿದೆ. 
• ಮನೆಯಲ್ಲಿ ನಡೆಯುವ ಸಂಭಾಷಣೆಯನ್ನುಅಮೆಜಾನ್ ಅಲೆಕ್ಸಾ ರೆಕಾರ್ಡ್ ಮಾಡುತ್ತಿದೆ ಎಂಬ ಆರೋಪ ಕೇಳಿಬಂದ ಬೆನ್ನಲ್ಲೇ, ಗೂಗಲ್ ಹೋಮ್ ಜೊತೆ ನಡೆಸುವ ಸಂಭಾಷಣೆಗಳನ್ನು ರೆಕಾರ್ಡ್ ಮಾಡಿ, ಆಡಿಯೋ ಕ್ಲಿಪ್‌ಗಳನ್ನು ಪರಿಶೀಲನೆಗಾಗಿ ಸಂಬಂಧಪಟ್ಟವರಿಗೆ ಕಳುಹಿಸುವುದಾಗಿ ಬೆಲ್ಜಿಯನ್ ಬ್ರಾಡ್‌ಕಾಸ್ಟರ್ ಹೇಳಿದೆ.
• ಏಜೆಂಟ್ ಸ್ಮಿತ್ ಎಂಬ ಮಾಲ್‌ವೇರ್ ಭಾರತದ ಸುಮಾರು 15 ಮಿಲಿಯನ್ ಸ್ಮಾರ್ಟ್‌ಫೋನ್ ಸೇರಿದಂತೆ ಜಗತ್ತಿನಾದ್ಯಂತ 25 ಮಿಲಿಯನ್ ಮೊಬೈಲ್‌ಗಳಿಗೆ ದಾಳಿ ಮಾಡಿದೆ.  ಗೂಗಲ್‌ಗೆ ಸಂಬಂಧಿಸಿದ ಅಪ್ಲಿಕೇಶನ್‌ನ ಸೋಗಿನಲ್ಲಿ ಮೊಬೈಲ್ ಒಳಗಡೆ ನುಸುಳುವ ಈ ಏಜೆಂಟ್ ಸ್ಮಿತ್ ಇತರೆಲ್ಲಾ ಅಪ್ಲಿಕೇಶನ್‌ಗಳನ್ನು ಹಾಳು ಮಾಡುತ್ತಿದೆ.