ಚೆಂಡೆ ನುಡಿಸಿ ಭೇಷ್‌ ಎನಿಸಿಕೊಂಡ ಬ್ರಾಡ್‌ ಹಾಗ್‌!
ಬೆಂಗಳೂರು[ಆ.20]: ಎಲ್ಲಿಯ ಕ್ರಿಕೆಟ್‌? ಎಲ್ಲಿಯ ಯಕ್ಷಗಾನದ ಚೆಂಡೆ? ಹೀಗೆಂದು ಪ್ರಶ್ನಿಸಬೇಡಿ. ಆಸ್ಪ್ರೇಲಿಯಾ ಕ್ರಿಕೆಟ್‌ ತಂಡದ ಮಾಜಿ ಲೆಗ್‌ಸ್ಪಿನರ್‌ ಬ್ರಾಡ್‌ ಹಾಗ್‌, ಬಾಲ್‌ ಹಿಡಿವ ಕೈಯಲ್ಲಿ ಕೋಲು ಹಿಡಿದು ಚೆಂಡೆವಾದನ ನಡೆಸುವ ಮೂಲಕ ಯಕ್ಷಗಾನ ಪ್ರೇಮಿಗಳಲ್ಲಿ ಅಚ್ಚರಿ ಮೂಡಿಸಿದರು. ಇದೇ ವೇಳೆ ಧೀಂಗಿಣ ತೆಗೆದು ಸೈ ಅನ್ನಿಸಿಕೊಂಡರು. ಈಗ ಈ ವಿಡಿಯೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿವೆ.
ವಿವಿ ಪುರಂ ಕಾಲೇಜಿನಲ್ಲಿ ಪ್ರತಿ ಭಾನುವಾರ ಸಂಕೃತಿ ಯಕ್ಷಾನುಭವ ತಂಡದಿಂದ ತೆಂಕು ಹಾಗೂ ಬಡಗು ತಿಟ್ಟಿನ ಯಕ್ಷಗಾನ ಹಿಮ್ಮೇಳ ಹಾಗೂ ಮುಮ್ಮೇಳದ ತರಬೇತಿ ನಡೆಯುತ್ತಿದೆ. ಕರ್ನಾಟಕ ಪ್ರೀಮಿಯರ್‌ ಲೀಗ್‌(ಕೆಪಿಎಲ್‌)ಟೂರ್ನಿಯಲ್ಲಿ ಕ್ರೀಡಾ ಚಾನೆಲ್‌ಗೆ ವೀಕ್ಷಕ ವಿವರಣೆಗೆ ಕಾರ್ಯನಿರ್ವಹಿಸಲು ಬೆಂಗಳೂರಿಗೆ ಆಗಮಿಸಿದ್ದ ಬ್ರಾಡ್‌ ಹಾಗ್‌ ಈ ಶಿಬಿರಕ್ಕೆ ಭಾನುವಾರ ಹಠಾತ್‌ ಭೇಟಿ ನೀಡಿದರು. ಈ ಸಂದರ್ಭದಲ್ಲಿ ಅವರು ತೆಂಕುತಿಟ್ಟಿನ ಹಿಮ್ಮೇಳ ಹಾಗೂ ಮುಮ್ಮೇಳವನ್ನು ವೀಕ್ಷಿಸಿ ಸಂತಸಪಟ್ಟರು. ಅಲ್ಲದೆ ಯಕ್ಷಗಾನದ ತಿಟ್ಟುಗಳು, ಪಾತ್ರ ಪ್ರಪಂಚ ಹಾಗೂ ಮಾತುಗಾರಿಕೆ, ಕುಣಿತ ಎಲ್ಲ ಮಗ್ಗುಲುಗಳ ಬಗ್ಗೆ ಮಾಹಿತಿ ಪಡೆದರು.
ಚೆಂಡೆ ಬಾರಿಸಿದರು, ಕುಣಿದರು: ತೆಂಕುತಿಟ್ಟಿನ ಹಿರಿಯ ಹಿಮ್ಮೇಳವಾದಕ ಅಡೂರು ಮೋಹನ ಸರಳಾಯ ಅವರು ಬಾರಿಸುತ್ತಿದ್ದ ಚೆಂಡೆ ವಾದನಕ್ಕೆ ತಲೆದೂಗಿದ ಹಾಗ್‌, ಬಳಿಕ ತಾನೂ ಚೆಂಡೆಯನ್ನು ಹೆಗಲಿಗೇರಿಸಿ ಎರಡೂ ಕೈಗಳಿಂದ ಕೋಲು ಹಿಡಿದು ವಾದನ ನಡೆಸಿ ಅಲ್ಲಿದ್ದವರಿಂದ ಭೇಷ್‌ ಎನಿಸಿಕೊಂಡರು.
‘ಓ ಮೈ ಗುಡ್‌ನೆಸ್‌’ ಎಂದು ಉದ್ಗರಿಸಿದ್ದಾರೆ. ಅಷ್ಟೇ ಅಲ್ಲ, ಬಳಿಕ ನಡೆಯುತ್ತಿದ್ದ ಯಕ್ಷಗಾನ ಹೆಜ್ಜೆಗಾರಿಕೆಯನ್ನು ಕಂಡು ಚಕಿತಗೊಂಡ ಬ್ರಾಡ್‌ ಹಾಗ್‌, ತಾನೂ ತ್ರಿವುಡೆ ತಾಳಕ್ಕೆ ಕುಣಿಯಲು ಪ್ರಯತ್ನಿಸಿದ್ದಾರೆ, ಮಾತ್ರವಲ್ಲ ಧಿಂಗಿಣ(ನಿಂತಲ್ಲೇ ಸುತ್ತು ಹೊಡೆಯುವುದು) ನಡೆಸಿದ್ದಾರೆ. ಇದಕ್ಕೆ ಗುರು ಪ್ರಸಾದ್‌ ಚೆರ್ಕಾಡು ನಿರ್ದೇಶನ ನೀಡಿದ್ದಾರೆ. ಬ್ರಾಡ್‌ ಹಾಗ್‌ನ ಈ ಎಲ್ಲ ಅವತಾರಗಳನ್ನು ಸ್ಟಾರ್‌ ಸ್ಪೋಟ್ಸ್‌ರ್‍ ಚಾನೆಲ್‌ ದಾಖಲೀಕರಿಸಿಕೊಂಡಿದೆ ಎಂದು ಯಕ್ಷಗಾನ ಸಂಘಟಕ ಸತೀಶ್‌ ತಿಳಿಸಿದ್ದಾರೆ.
Followಬೆಂಗಳೂರು[ಆ.20]: ಎಲ್ಲಿಯ ಕ್ರಿಕೆಟ್‌? ಎಲ್ಲಿಯ ಯಕ್ಷಗಾನದ ಚೆಂಡೆ? ಹೀಗೆಂದು ಪ್ರಶ್ನಿಸಬೇಡಿ. ಆಸ್ಪ್ರೇಲಿಯಾ ಕ್ರಿಕೆಟ್‌ ತಂಡದ ಮಾಜಿ ಲೆಗ್‌ಸ್ಪಿನರ್‌ ಬ್ರಾಡ್‌ ಹಾಗ್‌, ಬಾಲ್‌ ಹಿಡಿವ ಕೈಯಲ್ಲಿ ಕೋಲು ಹಿಡಿದು ಚೆಂಡೆವಾದನ ನಡೆಸುವ ಮೂಲಕ ಯಕ್ಷಗಾನ ಪ್ರೇಮಿಗಳಲ್ಲಿ ಅಚ್ಚರಿ ಮೂಡಿಸಿದರು. ಇದೇ ವೇಳೆ ಧೀಂಗಿಣ ತೆಗೆದು ಸೈ ಅನ್ನಿಸಿಕೊಂಡರು. ಈಗ ಈ ವಿಡಿಯೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿವೆ.
ವಿವಿ ಪುರಂ ಕಾಲೇಜಿನಲ್ಲಿ ಪ್ರತಿ ಭಾನುವಾರ ಸಂಕೃತಿ ಯಕ್ಷಾನುಭವ ತಂಡದಿಂದ ತೆಂಕು ಹಾಗೂ ಬಡಗು ತಿಟ್ಟಿನ ಯಕ್ಷಗಾನ ಹಿಮ್ಮೇಳ ಹಾಗೂ ಮುಮ್ಮೇಳದ ತರಬೇತಿ ನಡೆಯುತ್ತಿದೆ. ಕರ್ನಾಟಕ ಪ್ರೀಮಿಯರ್‌ ಲೀಗ್‌(ಕೆಪಿಎಲ್‌)ಟೂರ್ನಿಯಲ್ಲಿ ಕ್ರೀಡಾ ಚಾನೆಲ್‌ಗೆ ವೀಕ್ಷಕ ವಿವರಣೆಗೆ ಕಾರ್ಯನಿರ್ವಹಿಸಲು ಬೆಂಗಳೂರಿಗೆ ಆಗಮಿಸಿದ್ದ ಬ್ರಾಡ್‌ ಹಾಗ್‌ ಈ ಶಿಬಿರಕ್ಕೆ ಭಾನುವಾರ ಹಠಾತ್‌ ಭೇಟಿ ನೀಡಿದರು.
ಚೆಂಡೆ ಬಾರಿಸಿದರು, ಕುಣಿದರು: ತೆಂಕುತಿಟ್ಟಿನ ಹಿರಿಯ ಹಿಮ್ಮೇಳವಾದಕ ಅಡೂರು ಮೋಹನ ಸರಳಾಯ ಅವರು ಬಾರಿಸುತ್ತಿದ್ದ ಚೆಂಡೆ ವಾದನಕ್ಕೆ ತಲೆದೂಗಿದ ಹಾಗ್‌, ಬಳಿಕ ತಾನೂ ಚೆಂಡೆಯನ್ನು ಹೆಗಲಿಗೇರಿಸಿ ಎರಡೂ ಕೈಗಳಿಂದ ಕೋಲು ಹಿಡಿದು ವಾದನ ನಡೆಸಿ ಅಲ್ಲಿದ್ದವರಿಂದ ಭೇಷ್‌ ಎನಿಸಿಕೊಂಡರು.
