ರಕ್ಷಕನೂ ಹೌದು.. ರಕ್ಕಸನೂ ಹೌದು.. ಈ ಬಘೀರ: ಮಾಸ್ಕ್​ಮ್ಯಾನ್ ಹಿಂದಿರೋ ಸೀಕ್ರೆಟ್ ಏನು?

ರೋರಿಂಗ್ ಸ್ಟಾರ್ ಶ್ರೀಮುರಳಿ ನಟನೆಯ ಬಘೀರ ಸಿನಿಮಾ ಇನ್ನೇನು ದೀಪಾವಳಿಗೆ ತೆರೆಗೆ ಬರ್ತಾ ಇದೆ. ಬಘೀರನ ಟ್ರೈಲರ್ ನೋಡಿದವರು ಈ ಸಿನಿಮಾದ ಕಹಾನಿ ಏನಿರಬಹುದು ಅನ್ನೋದನ್ನ ಗೆಸ್ ಮಾಡಿದ್ದಾರೆ. ಅಷ್ಟೇ ಅಲ್ಲ ಈ ಸಿನಿಮಾಗೆ ಬಿಗ್ ಬಿ ಅಮಿತಾಭ್ ನಟನೆಯ ಸಿನಿಮಾ ಸ್ಪೂರ್ತಿ ಇರಬಹುದಾ ಅಂತ ಊಹೆ ಕೂಡ ಮಾಡ್ತಾ ಇದ್ದಾರೆ. ಇದೇ ದೀಪಾವಳಿಗೆ ರೋರಿಂಗ್ ಸ್ಟಾರ್ ಶ್ರೀಮರುಳಿ ನಟನೆಯ ಬಘೀರ ಸಿನಿಮಾ ತೆರೆಗೆ ಬರ್ತಾ ಇದೆ. ಹೊಂಬಾಳೆ ಫಿಲಂಸ್ ನಿರ್ಮಿಸಿರೋ ಈ ಬಿಗ್ ಬಜೆಟ್ ಌಕ್ಷನ್ ಡ್ರಾಮಾ ಕನ್ನಡ ಮತ್ತು ತೆಲುಗುನಲ್ಲಿ ಏಕಕಾಲದಲ್ಲಿ ರಿಲೀಸ್ ಆಗ್ತಾ ಇದೆ. ಬಘೀರ ಸಿನಿಮಾದ ಸ್ಪೆಷಾಲಿಟಿ ಅಂದ್ರೆ ಇದಕ್ಕೆ ಕೆಜಿಎಫ್ ಮಾಂತ್ರಿಕ ಪ್ರಶಾಂತ್ ನೀಲ್ ಕಥೆಯನ್ನ ಬರೆದಿದ್ದಾರೆ. ಉಗ್ರಂ ಬಳಿಕ ಶ್ರೀಮುರುಳಿಗೆ ಇಮೇಜ್ ಸೂಟ್ ಆಗುವಂಥಾ ಮಾಸ್ ಕಹಾನಿಯನ್ನ ರೆಡಿ ಮಾಡಿಕೊಟ್ಟಿದ್ದಾರೆ. 

Add Asianetnews Kannada as a Preferred Source

ಡಾ.ಸೂರಿ ಈ ಸಿನಿಮಾಗೆ ಆಕ್ಷನ್ ಕಟ್ ಹೇಳಿದ್ದಾರೆ. ಇನ್ನೂ ಈ ಸಿನಿಮಾ ಟ್ರೈಲರ್ ನೋಡಿದವರಿಗೆ ಇದ್ರಲ್ಲಿ ಶ್ರೀಮುರಳಿ ರಕ್ಷಕನೂ ಹೌದು ರಾಕ್ಷಸನೂ ಹೌದು ಅನ್ನೋದು ಗೊತ್ತಾಗಿದೆ. ಒಂದು ಕಡೆ ಖಾಕಿಧಾರಿ ರಕ್ಷಕನಾಗಿ ಮಿಂಚಿದ್ರೆ ಮತ್ತೊಂದೆಡೆ ಮಾಸ್ಕ್ ಧಾರಿ ಬಘೀರನಾಗಿ ರಕ್ಕಸನ ಅವತಾರದಲ್ಲಿ ಮಿಂಚಿದ್ದಾರೆ. ಇದನ್ನ ನೋಡ್ತಾ ಇದ್ರೆ ಬಿಗ್ ಬಿ ಅಮಿತಾಭ್ ನಟನೆಯ ಹಳೆಯ ಸಿನಿಮಾವೊಂದು ನೆನಪಾಗ್ತಾ ಇದೆ. 1990ರಲ್ಲಿ ಬಂದ ಅಜೂಬಾ ಸಿನಿಮಾದಲ್ಲಿ ಅಮಿತಾಭ್ ಇದೇ ರೀತಿ ಮಾಸ್ಕ್ ಮ್ಯಾನ್ ಸೂಪರ್ ಹೀರೋ ಆಗಿ ಬಂದು ದುಷ್ಟರನ್ನ ಶಿಕ್ಷಿಸ್ತಾ ಇರ್ತಾರೆ. ಇದೂ ಸೇರಿದಂತೆ ಅನೇಕ ಸೂಪರ್ ಹೀರೋ ಸಿನಿಮಾಗಳ ಜೊತೆಗೆ ಬಘೀರನನ್ನ ಹೋಲಿಕೆ ಮಾಡಲಾಗ್ತಾ ಇದೆ. ಸೋ ಬಘೀರ ಬಗ್ಗೆ ಫ್ಯಾನ್ಸ್ ನಡುವೆ ಇದೇ ಕಾರಣಕ್ಕೆ ದೊಡ್ಡ ಕುತೂಹಲವೂ ಸೃಷ್ಟಿಯಾಗ್ತಾ ಇದೆ. ಅಕ್ಟೋಬರ್ 31ಕ್ಕೆ ಬಘೀರ ತೆರೆಗೆ ಬರಲಿದ್ದು, ಈ ಕುರಿತ ಕುತೂಹಲಗಳಿಗೆಲ್ಲಾ ಉತ್ತರ ಸಿಗಲಿದೆ.