51ನೇ ಹುಟ್ಟುಹಬ್ಬ ಸಂಭ್ರಮದಲ್ಲಿ ಬಾದ್ ಷಾ ಸುದೀಪ್: ಹೊಸ ರಕ್ತ ಚರಿತ್ರೆ ಹೇಳಲು ಬರ್ತಾನೆ ಬಿಲ್ಲ ರಂಗ ಬಾಷಾ.!
ಕಿಚ್ಚ ಸುದೀಪ್...ಅಭಿನಯ ಚಕ್ರವರ್ತಿ... ಸ್ಯಾಂಡಲ್ವುಡ್ ಬಾದ್ಷಾ..ಕನ್ನಡಿಗರ ಪ್ರೀತಿಯ ಮಾಣಿಕ್ಯ.. ತಮ್ಮ ಆ್ಯಂಗ್ರಿ ಯಂಗ್ ಮ್ಯಾನ್ ಲುಕ್ನಿಂದಲ್ಲೇ ಹೆಬ್ಬುಲಿಯಾಗಿ ಘರ್ಜಿಸುವ ಮೂಲಕ, ಗಂಧದ ಗುಡಿ ರಸಿಕರನ್ನು ಸೆಳೆದಿರೋ ಕೋಟಿಗೊಬ್ಬ.
Followಅಭಿಮಾನಿಗಳ ಪಾಲಿಗೆ ತಮ್ಮ ನೆಚ್ಚಿನ ಹೀರೋಗಳು ದೇವರ ಸಮಾನ. ತಮ್ಮ ಫೇವರಿಟ್ ಹೀರೋ ಬರ್ತ್ಡೇ ಬಂದ್ರೆ ಅದ್ಧೂರಿಯಾಗಿ ಸೆಲಬ್ರೇಷನ್ ಮಾಡ್ತಾರೆ. ಕಿಚ್ಚ ಸುದೀಪ್ ಕೂಡ ಅದ್ಯಾವ ಜನ್ಮದಲ್ಲಿ ಅದೇನು ಪುಣ್ಯ ಮಾಡಿದ್ರೋ ಏನೋ. ಪ್ರತಿ ವರ್ಷ ಹುಟ್ಟುಹಬ್ಬದ ದಿನ ಅಪ್ಪಟ ಅಭಿಮಾನಿಗಳ ಅಭಿಮಾನದಲ್ಲಿ ತೇಲಿ ಬಿಡ್ತಾರೆ. ಇವತ್ತು ಸುದೀಪ್ ಹುಟ್ಟುಹಬ್ಬ. ಸಾವಿರಾರು ಫ್ಯಾನ್ಸ್ ಜೊತೆ ಕಿಚ್ಚ ಜನ್ಮದಿನ ಆಚರಿಸಿದ್ದಾರೆ. ಇದರ ಜೊತೆಗೆ ತನ್ನ ಅಭಿಮಾನಿಗಳಿಗಾಗೆ ಎರಡು ಸೂಪರ್ ಸರ್ಪ್ರೈಸ್ಅನ್ನೂ ಕೊಟ್ಟಿದ್ದಾರೆ. ಹಾಗಾದ್ರೆ ಕಿಚ್ಚನ ಬರ್ತ್ಡೇ ಹೇಗಿತ್ತು..? ನೋಡೋಣ ಬನ್ನಿ.
ಕಿಚ್ಚ ಸುದೀಪ್...ಅಭಿನಯ ಚಕ್ರವರ್ತಿ... ಸ್ಯಾಂಡಲ್ವುಡ್ ಬಾದ್ಷಾ..ಕನ್ನಡಿಗರ ಪ್ರೀತಿಯ ಮಾಣಿಕ್ಯ.. ತಮ್ಮ ಆ್ಯಂಗ್ರಿ ಯಂಗ್ ಮ್ಯಾನ್ ಲುಕ್ನಿಂದಲ್ಲೇ ಹೆಬ್ಬುಲಿಯಾಗಿ ಘರ್ಜಿಸುವ ಮೂಲಕ, ಗಂಧದ ಗುಡಿ ರಸಿಕರನ್ನು ಸೆಳೆದಿರೋ ಕೋಟಿಗೊಬ್ಬ..ಇಷ್ಟೇ ಯಾಕೆ ಗುರು ಸ್ಯಾಂಡಲ್ವುಡ್ ಟು ಬಾಲಿವುಡ್ ವರೆಗೂ ತನ್ನದೇ ಛಾಪು ಮೂಡಿಸಿರೋ ರನ್ನನಿಗೆ ಇಂದು 51ನೇ ಹುಟ್ಟುಹಬ್ಬ. ಇವತ್ತು ಬೆಂಗಳೂರಿನ ಜೆ ಪಿ ನಗರ ಹಾಗು ಜಯನಗರ ಜಾತ್ರೆಯಾಗಿತ್ತು. ಯಾಕಂದ್ರೆ ಇವತ್ತು ಸುದೀಪ್ ಹುಟ್ಟುಹಬ್ಬ. ಕಳೆದ ವರ್ಷ ಕಿಚ್ಚನ ಬರ್ತ್ಡೇಗೆ 38 ಸಾವಿರ ಜನ ಫ್ಯಾನ್ಸ್ ಸಾಕ್ಷಿಯಾಗಿದ್ರು. ಈ ವರ್ಷವೂ ಸೇಮ್ ಟು ಸೇಮ್.. ಎಲ್ಲೆಲ್ಲೂ ಸುದೀಪ್ ಅಭಿಮಾನಿಗಳೇ ಕಾಣಿಸುತ್ತಿದ್ರು. ಕಿಚ್ಚ ಅಭಿಮಾನಿಗಳ ಅಭಿಮಾನದ ತೇರಿನಲ್ಲಿ ತೇಲಾಡಿ ಬಿಟ್ರು.
ಜಯನಗರದ ಎಂಇಎಸ್ ಗ್ರೌಂಡ್ ನಲ್ಲಿ ಸುದೀಪ್ ಬೆಳಗ್ಗೆ 10 ಗಂಟೆಯಿಂದ ಮಧ್ಯಾಹ್ನ ಒಂದು ಗಂಟೆ ವರೆಗೆ ಫ್ಯಾನ್ಸ್ ಜತೆ ಹುಟ್ಟುಹಬ್ಬ ಮಾಡಿದ್ದಾರೆ. ಕೆಲ ಹೀರೋಗಳು ಫ್ಯಾನ್ಸ್ ಮಾಡಿದ್ದೆಲ್ಲಾ ಸರಿ ಅಂತಾರೆ. ಹೀರೋಗಳು ಕುಡ ಅವರ ಅಭಿಮಾನಿಗಳಂತೆ ನಡೆದುಕೊಳ್ತಾರೆ. ಆದ್ರೆ ಸುದೀಪ್ ವಿಷಯದಲ್ಲಿ ಹಾಗಲ್ಲ. ಕಿಚ್ಚ ಅಭಿಮಾನಿಗಳನ್ನ ಅತಿಯಾಗಿ ಪ್ರೀತಿಸ್ತಾರೆ. ಅವರ ಫ್ಯಾನ್ಸ್ ಕೂಡ ಕಿಚ್ಚನನ್ನ ಎಲ್ಲೂ ಬಿಟ್ ಕೊಡೋ ಮಾತೇ ಇಲ್ಲ. ಹೀಗಾಗೆ ತನ್ನ ಫ್ಯಾನ್ಸ್ ಬಗ್ಗೆ ಮಾತನಾಡಿದ ಸುದೀಪ್. ಅಭಿಮಾನಿಗಳು ತೋರಿಸೋ ಪ್ರೀತಿಯಿಂದ ನಾನು ಇವತ್ತು ಇಲ್ಲಿದ್ದೀನಿ. ಅಭಿಮಾನಿಗಳು ನಮ್ಮ ಪ್ರತಿಬಿಂಬ. ನಾನು ಹೋದಲೆಲ್ಲಾ ತಲೆ ಎತ್ಕೊಂಡು ಓಡಾಡ್ತೀನಿ ಅಂದ್ರೆ ಅದಕ್ಕೆ ಅಭಿಮಾನಿಗಳೇ ಕಾರಣ. ಅಭಿಮಾನಿಗಳಿಗೆ ಕಳಂಕ ತರೋ ಕೆಲಸ ಮಾಡಲ್ಲ ಅಂದ್ರು.
