ಕಿಚ್ಚನ 120 ಕೋಟಿಯ ಬಿಗ್ ಬಜೆಟ್ ಸಿನಿಮಾಗೆ ಸಿದ್ಧತೆ: ಯುಗಾದಿ ಹಬ್ಬಕ್ಕೆ ಅನೌನ್ಸ್
ಕಿಚ್ಚ ಸುದೀಪ್ ತಮ್ಮ ಮುಂದಿನ ಸಿನಿಮಾಗೆ ಮೆಗಾ ಪ್ಲಾನ್ ರೆಡಿ ಮಾಡಿದ್ದು, ಆ ಪ್ಲಾನ್ ಸಕ್ಸಸ್ ಆಗೋದಕ್ಕೆ ಬೇಕಾದ ಎಲ್ಲಾ ತಯಾರಿ ಮಾಡುತ್ತಿದ್ದಾರೆ.
ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್, ಈ ಬಾರಿ ದೊಡ್ಡದಕ್ಕೆ ಗುರಿ ಇಟ್ಟಿದ್ದಾರೆ. ವಿಕ್ರಾಂತ್ ರೋಣ ಎನ್ನುವ ಫ್ಯಾಂಟಸಿ ಧಮಾಕ ಕೊಟ್ಟ ಮೇಲೆ ಸಿನಿಮಾ ಸ್ಟೈಲ್ ಚೇಂಜ್ ಆಗಿದೆ. ಅಷ್ಟೆ ಅಲ್ಲ ಕಿಚ್ಚನ ಮೇಲೆ ನಿರೀಕ್ಷೆಗಳು ಹೆಚ್ಚಾಗಿದೆ. ಈ ಭಾರಿ ಕೂಡ ಕಿಚ್ಚ ಹೊಡೆದ್ರೆ ಆನೆಯನ್ನೇ ಹೊಡಿಬೇಕು ಅಂತ ರೆಡಿಯಾಗಿದ್ದಾರೆ. ಅದಕ್ಕಾಗಿ ಕಿಚ್ಚ ಮೀಸಲಿಡುತ್ತಿರೋ ಬಂಡವಾಳ ಬರೋಬ್ಬರಿ 120 ಕೋಟಿ ಅಂತೆ. ಆ ಸಿನಿಮಾ ಸುದೀಪ್ ಸಿನಿ ಕರಿಯರ್'ನಲ್ಲೇ ಬಹು ದೊಡ್ಡ ಬಜೆಟ್ ಸಿನಿಮಾ ಆಗಲಿದೆ. ಕಿಚ್ಚನ 120 ಕೋಟಿಯ ಬಿಗ್ ಬಜೆಟ್ ಸಿನಿಮಾ ಯುಗಾದಿ ಹಬ್ಬಕ್ಕೆ ಅನೌನ್ಸ್ ಆಗುತ್ತೆ ಅಂತ ಹೇಳಲಾಗ್ತಿದೆ. ಯಾಕಂದ್ರೆ ಸುದೀಪ್ ಸಧ್ಯ ಕೆಸಿಸಿ ಕ್ರೆಕೆಟ್ ಹಾಗೂ ಸಿಸಿಎಲ್ ಕ್ರೆಕೆಟ್'ನಲ್ಲಿ ಬ್ಯುಸಿಯಾಗಿದ್ದಾರೆ. ಅವುಗಳು ಮುಗಿದ ಬಳಿಕ ಸಿನಿಮಾ ಅನೌನ್ಸ್ ಆಗುತ್ತೆ ಅಂತ ಸುದೀಪ್ ಅವರೇ ಹೇಳಿದ್ದಾರೆ.
ಸಮಗ್ರ ಸುದ್ದಿ ಮೂಲವನ್ನಾಗಿ asianet suvarna news ಅನ್ನು ಆಯ್ಕೆ ಮಾಡಿಕೊಳ್ಳಿ
