ಅಮೆರಿಕಾಗೆ ಹೊರಟುನಿಂತ ಕ್ಷಣದಲ್ಲಿ ಶಿವಣ್ಣ ಫ್ಯಾನ್ಸ್‌ಗೆ ಕೊಟ್ಟಿದ್ದೇನು?

ಸೆಂಚ್ಯೂರಿ ಸ್ಟಾರ್ ಶಿವರಾಜ್​ ಕುಮಾರ್​ ಭೈರತಿ ರಣಗಲ್ ದರ್ಬಾರ್​ ನೋಡಿದ್ದಾಯ್ತು. ಶಿವಣ್ಣ ಹದಗೆಟ್ಟ ಹೆಲ್ತ್​​ ರಿಪೇರಿಗೆ ಫಾರಿನ್ ಹೊರಟು ನಿಂತಿದ್ದಾರೆ. ಈ ಟೈಮ್​ನಲ್ಲಿ ತನ್ನ ಫ್ಯಾನ್ಸ್​​ಅನ್ನ ಮತ್ತೊಮ್ಮೆ ಖುಷಿ ಪಡಿಸಿ ಹೋಗೋ ಧೈರ್ಯ ಮಾಡಿದ್ದಾರೆ. ಹಾಗಾದ್ರೆ ಏನದು ಖುಷಿ ವಿಷಯ.. ಜೆಸ್ಟ್ ಹ್ಯಾವ್ ಅ ಲುಕ್.. 

ಎನರ್ಜಿ ಕಿಂಗ್ ಶಿವರಾಜ್​ ಕುಮಾರ್ ವಯಸ್ಸು 60 ಆದ್ರು ಹತ್​ ಹದಿನೈದು ಸಿನಿಮಾಗಳ ಲೈನಪ್​ ಇದೆ. ಎಲ್ಲವೂ ಸರಿ ಇದ್ದಿದ್ರೆ ಶಿವಣ್ಣ ಶೂಟಿಂಗ್ ಅಂತ ಫುಲ್ ಬ್ಯುಸಿ ಆಗ್ತಿದ್ರು. ಆದ್ರೆ ಒಂದ್​ ದೊಡ್ಡ ಗಂಡಾಂತರ  ಹ್ಯಾಟ್ರಿಕ್ ಹೀರೋಗೆ ಎದುರಾಗಿದೆ. ಅದು ಆರೋಗ್ಯದ ಬೇನೆ. ಶಿವರಾಜ್ ಕುಮಾರ್ ಆರೋಗ್ಯ ಸ್ವಲ್ಪ ಹದಗೆಟ್ಟಿದೆ. ಟ್ರೀಟ್ಮೆಂಟ್​ಗೆ ಅಂತ ಸೆಂಚುರಿ ಸ್ಟಾರ್​ ಶಿವಣ್ಣ ಫಾರಿನ್​ಗೆ ಹೊರಟು ನಿಂತಿದ್ದಾರೆ.. 

ಶಿವಣ್ಣ ಡಿಸೆಂಬರ್​ 20ರಂದು ಅನಾರೋಗ್ಯದ ಟ್ರೀಟ್ಮೆಂಟ್​​ಗೆ ವಿದೇಶಕ್ಕೆ ಹೊರಟು ನಿಂತಿದ್ದಾರೆ. ಭೈರತಿ ರಣಗಲ್ ಸಿನಿಮಾ ಗೆದ್ದ ಖುಷಿಯಲ್ಲಿ ರಾಜ್ಯ ಸುತ್ತುತ್ತಿರೋ ಶಿವಣ್ಣ ಫ್ಯಾನ್ಸ್​ ಜತೆ ಸಮಯ ಕಳೆಯುತ್ತಿದ್ದಾರೆ. ಆದ್ರೆ ವಿದೇಶಕ್ಕೆ ಹೊರಡೋ ಮುನ್ನ ಶಿವಣ್ಣ, ತನ್ನ ಅಭಿಮಾನಿ ಬಳಗಕ್ಕೆ ಬಿಗ್​ ಸರ್​ಪ್ರೈಸ್​ ಒಂದನ್ನ ಕೊಡುತ್ತಿದ್ದಾರೆ. ಅದೇ ತಲೈವಾ ರಜನಿಕಾಂತ್-ಶಿವರಾಜ್ ಕುಮಾರ್ ಕಾಂಬಿನೇಷನ್​ನ ಸೂಪರ್ ಡೂಪರ್ ಸರ್​​ಪ್ರೈಸ್.. 

ಜೈಲರ್​.. ಈ ಸಿನಿಮಾ ನೋಡಿದವರು ಹೇಳಿದ್ದು ಒಂದೇ ಮಾತು. ವಾವ್ಹ್​ ಶಿವಣ್ಣ ರಜನಿಕಾಂತ್​ರದ್ದು ಎಂತಹಾ ಕಾಂಬಿನೇಷನ್​ ಅಂತ. ರಜನಿಕಾಂತ್ ನಟನೆಯ 'ಜೈಲರ್' ಚಿತ್ರದಲ್ಲಿ ನರಸಿಂಹ ಪಾತ್ರದಲ್ಲಿ ಶಿವಣ್ಣ ಅಬ್ಬರಿಸಿದ್ದರು. ಜೆಸ್ಟ್​ 11 ನಿಮಿಷ ಬಂದು ಹೋಗೋ ನರಸಿಂಹನ ಆ ರೋಲ್​ ಜೈಲರ್​​ನ ಖದರ್​ಗೆ ಮುಕುಟಮಣಿಯಾಗಿತ್ತು. ಜೈಲರ್​ನಲ್ಲಿ ರಜನಿಕಾಂತ್ ಎಷ್ಟು ಅಬ್ಬರಿಸಿದ್ರೋ, ಅದಕ್ಕೂ ಒಂದು ಕೈ ಹೆಚ್ಚೇ ಅನ್ನುವಂತೆ ಶಿವರಾಜ್​ ಕುಮಾರ್​ ಬೆಳಗಿದ್ರು. ಈಗ ಇದೇ ಜೈಲರ್ ಜೋಡಿ ಮತ್ತೆ ಒಂದಾಗಿ. ಡಿಸೆಂಬರ್ 12ಕ್ಕೆ ಈ ಜೈಲರ್ ಜೋಡಿಯ ಹೊಸ ಸಿನಿಮಾದ ಪ್ರೋಮ್ ರಿಲೀಸ್ ಆಗುತ್ತಿದೆ. 

ಇದೀಗ 'ಜೈಲರ್' ಸೀಕ್ವೆಲ್ಗೆ ವೇದಿಕೆ ಸಿದ್ಧವಾಗಿದೆ. ಮತ್ತೆ ಅದೇ ತಂಡ ಒಟ್ಟಿಗೆ ಕೆಲಸ ಮಾಡಲಿದೆ. ನೆಲ್ಸನ್ ನಿರ್ದೇಶನದಲ್ಲೇ ಸಿನಿಮಾ ಮೂಡಿ ಬರಲಿದೆ. ಇದೀಗ 'ಜೈಲರ್' ಸೀಕ್ವೆಲ್ ಪ್ರೋಮೊ ಶೂಟ್ ಆಗುತ್ತಿದೆ. ಈ ಶೂಟಿಂಗ್​ನಲ್ಲಿ ಶಿವಣ್ಣ ಕೂಡ ಇದ್ದಾರಂತೆ. ಅಲ್ಲಿಗೆ ಮತ್ತೆ ಶಿವಣ್ಣ ರಜನಿ ಕಾಂಬೋ ಕಮಾಲ್ ಮಾಡೋದು ಸತ್ಯ ಸತ್ಯ ಸತ್ಯ.. ಡೀಟೇಲ್ಸ್‌ಗೆ ವಿಡಿಯೋ ನೋಡಿ..