ಲೋಕಾಪರ್ಣೆಗೆ ಸಿದ್ಧವಾಯ್ತು ಯರಗೋಳ್ ಜಲಾಶಯ: ನ. 10ಕ್ಕೆ ಸಿಎಂ ಸಿದ್ದರಾಮಯ್ಯರಿಂದ ಚಾಲನೆ
ಅದು ಕೋಲಾರ ಜಿಲ್ಲೆಯ ಬಹು ನಿರೀಕ್ಷಿತ ಕುಡಿಯುವ ನೀರಿನ ಯೋಜನೆ.. ಮೂರು ತಾಲೂಕುಗಳಿಗೆ ನೀರಿನ ಸೌಲಭ್ಯ ಒದಗಿಸುವ ಜಲಾಶಯದ ಕಾಮಗಾರಿ ಆರಂಭವಾಗಿ ಬರೋಬ್ಬರಿ 17 ವರ್ಷವಾಗಿತ್ತು. ಇದೀಗ ಈ ಜಲಾಶಯಕ್ಕೆ ನವೆಂಬರ್ 10 ರಂದು ಸಿಎಂ ಸಿದ್ದರಾಮಯ್ಯ ಲೋಕಾರ್ಪಣೆ ಮಾಡಲಿದ್ದಾರೆ.
Followಯರಗೋಳ್ ಜಲಾಶಯ.. ಇದು ಕೋಲಾರದಲ್ಲೇ(Kolar) ನಿರ್ಮಾಣವಾದ ಮೊಟ್ಟ ಮೊದಲ ಜಲಾಶಯ.. ಕೆರೆ ನೀರು, ಮಳೆ ನೀರು, ಹಳ್ಳ ಕೊಳ್ಳದ ನೀರು ವ್ಯರ್ಥ್ಯವಾಗಿ ತಮಿಳುನಾಡಿಗೆ(Tamilnadu) ಹರಿದು ಹೋಗುತ್ತಿದ್ದಕ್ಕೆ ಅಡ್ಡಲಾಗಿ ನಿರ್ಮಾಣ ಮಾಡಲಾದ ಅಣೆಕಟ್ಟು. ಈ ಯೋಜನೆ ಕಾರ್ಯರೂಪಕ್ಕೆ ಬಂದು ಬರೋಬ್ಬರಿ 17 ವರ್ಷವಾಗಿತ್ತು. ಇದೀಗ 17 ವರ್ಷದ ಬಳಿಕ ಡ್ಯಾಂ ಕಾಮಗಾರಿ ಮುಗಿದಿದ್ದು, ಲೋಕಾಪರ್ಣೆಗೆ ಸಜ್ಜಾಗಿದೆ. ಕೋಲಾರದ ಬಂಗಾರಪೇಟೆ ತಾಲೂಕಿನ ಯರಗೋಳು ಗ್ರಾಮದ ಬಳಿ ಡ್ಯಾಂ(Yargol Dam) ನಿರ್ಮಾಣ ಮಾಡಿಲಾಗಿದೆ. ಕೋಲಾರ, ಬಂಗಾರಪೇಟೆ, ಮಾಲೂರು ಪಟ್ಟಣ ಸೇರಿ 45 ಗ್ರಾಮಗಳಿಗೆ ಕುಡಿಯುವ ನೀರು ಒದಗಿಸುವ ಯೋಜನೆ ಇದಾಗಿದೆ. 1 ಟಿಎಂಸಿಯಷ್ಟು ನೀರು ಶೇಖರಣೆ ಸಾಮರ್ಥ್ಯ ಹೊಂದಿರುವ ಡ್ಯಾಂಗೆ ಇದೇ ನವೆಂಬರ್-10 ರಂದು ಸಿಎಂ ಸಿದ್ದರಾಮಯ್ಯ ಲೋಕಾರ್ಪಣೆ ಮಾಡಲಿದ್ದಾರೆ. ಯರಾಗೋಳ್ ಡ್ಯಾಂ ನಿರ್ಮಾಣದಲ್ಲಿ ಬಿಜೆಪಿ ಜೆಡಿಎಸ್ ಮತ್ತು ಕಾಂಗ್ರೆಸ್ ನಡುವೆ ಕ್ರೆಡಿಟ್ ವಾರ್ ಶುರುವಾಗಿದೆ. 2006ರಲ್ಲಿ ಜಲಾಶಯಕ್ಕೆ 240 ಕೋಟಿ ವೆಚ್ಚಕ್ಕೆ ಡಿಪಿಆರ್ ಮಾಡಿ ಆಗಿನ ಸಿಎಂ ಕುಮಾರಸ್ವಾಮಿ ಶಂಕು ಸ್ಥಾಪನೆ ಮಾಡಿದ್ರು. ಆದರೆ 2013ರರವೆಗೂ ಯೋಜನೆ ಕಾಮಗಾರಿ ನಡೆಯದೇ ಸ್ಥಗಿತವಾಗಿತ್ತು. ನಂತರ 2013ರಲ್ಲಿ ಅಧಿಕಾರಕ್ಕೇರಿದ ಆಗಿನ ಸಿಎಂ ಸಿದ್ದರಾಮಯ್ಯಗೆ ಸ್ಥಳೀಯ ಶಾಸಕರ ಒತ್ತಾಯದ ಮೇರೆಗೆ ಯೋಜನೆಗೆ ಮರು ಅನುಮೋದನೆ ನೀಡಲಾಯ್ತು. ಆದರೆ ಸಂಸದ ಮುನಿಸ್ವಾಮಿ ಮತ್ತು ಮಾಜಿ ಸಚಿವ ಮುನಿರತ್ನ ವರಸೆಯೇ ಬೇರೆ ಇದೆ.. ಹಾಲಿ ಕೋಲಾರದ ಉಸ್ತುವಾರಿ ಬೈರತಿ ಸುರೇಶ್ ದಾಟಿಯೇ ಮತ್ತೊಂದಿದೆ.
ಇದನ್ನೂ ವೀಕ್ಷಿಸಿ: ಕೆಎಎಸ್‌ ಪರೀಕ್ಷೆಯಲ್ಲೂ ನಡೆದಿತ್ತಾ ಅಕ್ರಮ..? ಕೆಪಿಎಸ್‌ಸಿ ವಿರುದ್ಧವೇ ಸಿಡಿದೆದ್ದ ಪರೀಕ್ಷಾರ್ಥಿಗಳು..!
