ಕೋಳಿ ಕಳ್ಳರಿದ್ದಾರೆ ಎಚ್ಚರಿಕೆ, ಇವರು ಕೋಳಿ ಕದಿಯೋ ಸ್ಟೈಲೇ ಬೇರೆ..!
ಇಲ್ಲೊಂದು ಖತರ್ನಾಕ್ ಕಳ್ಳರ ಗ್ಯಾಂಗ್ ಕೋಳಿಯನ್ನು ಕ್ಷಣ ಮಾತ್ರದಲ್ಲಿ ಕದಿಯುತ್ತಾರೆ. ಇವರು ಕದಿಯುವ ಸ್ಟೈಲ್ ಇದೀಗ ವೈರಲ್ ಆಗುತ್ತಿದೆ.
Followಉಡುಪಿ (ಜ. 25): ವೃದ್ಧ ಜೋಡಿ ಮನೆಗೆ ಬಂದು, ಮನೆಯಲ್ಲಿ ಯಾರು ಇಲ್ಲ ಅನ್ನೋದನ್ನು ಖಾತ್ರಿ ಪಡಿಸಿಕೊಂಡ ಮೇಲೆ ಮನೆಯಂಗಳದಲ್ಲಿ ಹಾಯಾಗಿ ಕುಳಿತುಕೊಳ್ತಾರೆ. ಮೊದಲು ಕೋಳಿಗಳಿಗೆ ಕಾಳು ಹಾಕುತ್ತಾರೆ. ಒಮ್ಮೆ ಈ ಕೋಳಿಗಳು ಇವರಿಗೆ ಹೊಂದಿಕೊಂಡರೆ ಮುಗೀತು. ಕೆಲವೇ ಕ್ಷಣದಲ್ಲಿ ಕಾಳು ಹಾಕಿದ ಕೈಯಿಂದಲೇ ಕೋಳಿಯ ಕತ್ತು ಹಿಸುಕುತ್ತಾರೆ. ಕಣ್ಣು ಮುಚ್ಚಿ ತೆರೆಯುವುದರೊಳಗೆ ಕತ್ತು ಹಿಸುಕಿದ ಕೋಳಿಯನ್ನು ಜೋಳಿಗೆಯಲ್ಲಿ ತುಂಬಿಸಿಕೊಳ್ಳುತ್ತಾರೆ. ಈ ಕೋಳಿ ಕದಿಯುವ ಖತರ್ನಾಕ್ ಸ್ಟೈಲ್ ಸದ್ಯ ವೈರಲ್ ಆಗುತ್ತಿದೆ!!
ಉಡುಪಿ ಜಿಲ್ಲೆಯ ಕಾಪು ಸಮೀಪದ ಸಾಂತೂರ್ ಗ್ರಾಮದ ಮುದರಂಗಡಿ ಯಲ್ಲಿ ಕೋಳಿ ಕಳ್ಳತನ ನಡೆದಿದೆ. ಬೇಬಿ ಪೂಜಾರ್ತಿ ಎಂಬವರ ಮನೆಯಲ್ಲಿ ಈ ಚಾಲಕಿ ಕೃತ್ಯವನ್ನು ಮನೆಯ ಮಹಿಳೆಯೊಬ್ಬರು ಮೊಬೈಲ್ನಲ್ಲಿ ದಾಖಲಿಸಿಕೊಂಡಿದ್ದಾರೆ.
