ಕೇಂದ್ರ ಬಜೆಟ್'ಗೂ ಮುನ್ನ ಮೋದಿ ಸಚಿವ ಸಂಪುಟ ವಿಸ್ತರಣೆ?: ಕಾರ್ಯಕ್ಷಮತೆ ಆಧಾರದ ಮೇಲೆ ಬದಲಾವಣೆ
ಕೇಂದ್ರ ಬಜೆಟ್'ಗೂ ಮುನ್ನವೇ ಸಂಕ್ರಾಂತಿಯೊಳಗೆ ಕೇಂದ್ರ ಸಚಿವ ಸಂಪುಟ ವಿಸ್ತರಣೆ ಅಥವಾ ಪುನಾರಚನೆ ಸಾಧ್ಯತೆ ಇದೆ.
ಸಂಕ್ರಾಂತಿಯ ಬಳಿಕ ಕೇಂದ್ರ ಸಂಪುಟ ವಿಸ್ತರಣೆ ಸಾಧ್ಯತೆ ಇದ್ದು, ಮೋದಿ ಸಂಪುಟ ವಿಸ್ತರಣೆ ಅಥವಾ ಪುನಾರಚನೆ ಆಗಲಿದೆ ಎನ್ನಲಾಗುತ್ತಿದೆ. ಮಧ್ಯಪ್ರದೇಶ, ರಾಜಸ್ಥಾನ ಮತ್ತು ಛತ್ತೀಸ್‌ಗಢದಿಂದ ಕೆಲವು ಬಿಜೆಪಿ ನಾಯಕರು ಹೊಸ ಸಚಿವ ಸಂಪುಟದಲ್ಲಿ ಸ್ಥಾನ ಪಡೆಯುವ ನಿರೀಕ್ಷೆಯಿದೆ. ಕೆಲ ರಾಜ್ಯಗಳ ವಿಧಾನಸಭಾ ಹಾಗೂ ಲೋಕಸಭೆ ಚುನಾವಣೆ ಹಿನ್ನೆಲೆ ಈ ನಿರ್ಧಾರ ಕೈಗೊಳ್ಳಲಾಗಿದ್ದು, ನಾಯಕರ ಕಾರ್ಯಕ್ಷಮತೆ ಆಧಾರದ ಮೇಲೆ ಕೆಲವರ ಬದಲಾವಣೆ ಆಗಲಿದೆ. ಮೋದಿ 2.0 ಕ್ಯಾಬಿನೆಟ್‌ 2021ರ ಜುಲೈನಲ್ಲಿ ನಡೆದಿತ್ತು. ಕಳೆದ ಬಾರಿ 12 ಮಂತ್ರಿಗಳನ್ನು ಕೈಬಿಡಲಾಗಿತ್ತು. ಕೇಂದ್ರ ಸಂಪುಟಕ್ಕೆ ಕರ್ನಾಟಕದಿಂದ ಯಾರು ಸೇರುತ್ತಾರೆ?. ಕೇಂದ್ರದ ಸಂಪುಟದಲ್ಲಿ ರಾಜ್ಯದ ನಾಲ್ವರು ಸಚಿವರು ಇದ್ದಾರೆ. ಜನವರಿ 14ರ ಬಳಿಕ ಕೇಂದ್ರ ಸಂಪುಟ ವಿಸ್ತರಣೆ ಆಗಬಹುದು.
