ಇಂದು ಕಾಂತಾರದ ಕಮಲಕ್ಕ ಮಾನಸಿ ಸುಧೀರ್ ಬರ್ತ್‌ಡೇ

ಕಾಂತರ ಸಿನಿಮಾದಲ್ಲಿ ನಾಯಕ ನಟ ರಿಷಬ್ ಶೆಟ್ಟಿ ಅವರ ತಾಯಿಯ ಪಾತ್ರ ನಿರ್ವಹಿಸಿದ ಖ್ಯಾತ ನಟಿ ಹಾಗೂ ಗಾಯಕಿ ಮಾನಸಿ ಸುಧೀರ್ ತಮ್ಮ ಹುಟ್ಟುಹಬ್ಬ ಆಚರಿಸಿಕೊಂಡಿದ್ದಾರೆ. ಮೂಲತಃ ಭರತನಾಟ್ಯ ನೃತ್ಯಪಟು ಆಗಿರುವ ಮಾನಸಿ, ಕೊಡವೂರು ನೃತ್ಯ ನಿಕೇತನ ಸಂಸ್ಥೆಯ ಮುಖ್ಯಸ್ಥರಾಗಿದ್ದಾರೆ. ಈ ಸಂಸ್ಥೆಯ ಶಿಷ್ಯೆಯರು, ತಮ್ಮ ನೃತ್ಯಗುರು ಮಾನಸಿ ಅವರಿಗೆ ಸಸ್ಪೆನ್ಸ್ ಬರ್ತಡೇ ಕೇಕ್ ಕಟ್ಟಿಂಗ್ ಕಾರ್ಯಕ್ರಮ ಆಯೋಜಿಸಿದ್ದರು. ನಟಿ ಮಾನಸಿ ತಮ್ಮ ಕುಟುಂಬದ ಜೊತೆ ಸೇರಿ ವಿದ್ಯಾರ್ಥಿನಿಯರೊಂದಿಗೆ ಕೇಕ್ ಕಟಿಂಗ್ ಮಾಡಿ ಹುಟ್ಟುಹಬ್ಬ ಆಚರಿಸಿಕೊಂಡರು.ನಿರ್ದೇಶಕ ಸುನಿಲ್ ಕುಮಾರ್ ದೇಸಾಯಿ ಅವರ ರಮ್ಯ ಚೈತ್ರ ಕಾಲ ಸಿನಿಮಾದಲ್ಲಿ ನಾಯಕಿಯಾಗಿ ಅಭಿನಯಿಸಿದ್ದ ಮಾನಸಿ, ಬಳಿಕ ಅನೇಕ ಚಿತ್ರ ಹಾಗೂ ಕಿರು ಚಿತ್ರಗಳಲ್ಲಿ ನಟಿಸಿದ್ದಾರೆ. ಕೋವಿಡ್ ಸಂದರ್ಭದಲ್ಲಿ ಯೂಟ್ಯೂಬ್ ಕ್ಷೇತ್ರಕ್ಕೆ ಪಾದಾರ್ಪಣೆ ಮಾಡಿ, ನಾಡಿನ ಖ್ಯಾತ ಕನ್ನಡ ಕವಿಗಳ ಅಪರೂಪದ ಹಾಡುಗಳಿಗೆ ಧ್ವನಿಯಾಗಿ ಜನಪ್ರಿಯತೆ ಪಡೆದಿದ್ದರು. ಕಾಂತಾರ ಚಿತ್ರದಲ್ಲಿ ಇವರ ನಿರ್ವಹಿಸಿದ ಕಮಲ ಪಾತ್ರಕ್ಕೆ ಇದೀಗ ಪ್ರಪಂಚದಾದ್ಯಂತ ವ್ಯಾಪಕ ಪ್ರಶಂಸೆ ವ್ಯಕ್ತವಾಗುತ್ತಿದೆ.

ಹೆಚ್ಚಿನ ಸಿನಿಮಾ ವಿಡಿಯೋ ನೋಡಲು ಕ್ಲಿಕ್ಕಿಸಿ: Asianet Suvarna Entertainment