ಶೋಕಿ ನೋಡಿ ಪ್ರೀಸಿಸಿ ಮದುವೆಯಾಗು ಅಂದ ಸೀರಿಯಲ್ ನಟಿ: ಎಣ್ಣೆ ಪಾರ್ಟಿಯಲ್ಲಿ ಅವರಿಬ್ಬರ ನಡುವೆ ನಡೆದಿದ್ದೇನು?
ಒಟ್ಟಿಗೇ ಕೂತು ಎಣ್ಣೆ ಪಾರ್ಟಿ ಮಾಡಿದ್ದಾರೆ.. ಪಾರ್ಟಿ ನಂತರ ಇಬ್ಬರ ನಡುವೆ ಜೋರು ಜಗಳವಾಗಿದೆ.. ಆಕೆ ಮತ್ತೇ ಮದುವೆಯಾಗು ಅಂತ ಹಠ ಹಿಡಿದಿದ್ದಾಳೆ.. ಈ ವೇಳೆಯಲ್ಲಿ ನಾನಿದ್ರೇನೇ ತಾನೆ ಈವೆಲ್ಲಾ ಅಂತ ಹೇಳಿ ಸೀದಾ ಬಾಥ್ರೂಮ್ಗೆ ಹೋಗಿ ನೇಣಿಗೆ ಶರಣಾಗಿಬಿಟ್ಟಿದ್ದಾನೆ.
Followಬೆಂಗಳೂರು(ಅ.04): ಅವಳು ಸೀರಿಯಲ್ ನಟಿ, ಒಂದೆರಡು ಸೀರಿಯಲ್ನಲ್ಲಿ ನಟಿಸಿ ಸೈ ಅನ್ನಿಸಿಕೊಂಡಿದ್ಲು. ಇನ್ನೂ ಆತ ಶೋಕ್ದಾರ್.. ಪಾರಿವಾಳಗಳನ್ನ ಹಾರಿಸಿ ದುಡ್ಡು ಸಂಪಾದಿಸುತ್ತಿದ್ದ.. ಟೂರ್ನಾಮೆಂಟ್ಗಳಲ್ಲಿ ಕಪ್ಗಳನ್ನ ಗೆದ್ದು ಒಳ್ಳೆ ಹೆಸರು ಮಾಡಿದ್ದ. ಈ ಇಬ್ಬರೂ ಇನ್ಸ್ಟಾ ಮೂಲಕ ಸ್ನೇಹಿತರಾದ್ರು ನಂತರ ಒಂದು ವರ್ಷ ಲವ್ ಮಾಡಿದ್ರು.. ಆದ್ರೆ ಇವತ್ತು ಆ ಶೋಕ್ದಾರ್ ಅದೇ ಪ್ರೀತಿಯಿಂದ ಹೆಣವಾಗಿದ್ದಾನೆ. ಅವಳದ್ದೇ ಮನೆಯಲ್ಲಿ ರಾತ್ರಿ ಪಾರ್ಟಿ ಮಾಡಿದ್ದಾರೆ ಆದ್ರೆ ಪಾರ್ಟಿ ನಂತರ ಆಕೆ ನಿದ್ರೆಗೆ ಜಾರಿದ್ರೆ ಆತ ಸೀದಾ ಬಾತ್ರೂಮ್ಗೆ ಹೋಗಿ ನೇಣುಗಿದುಕೊಂಡಿದ್ದ.. ಅಷ್ಟಕ್ಕೂ ಆ ಹುಡುಗನ ಸಾವಿಗೆ ಕಾರಣವೇನು..? ಆ ಮನೆಯಲ್ಲಿ ನೆನ್ನೆ ರಾತ್ರಿ ನಡೆದಿದ್ದಾದ್ರೂ ಏನು..? ದುರಂತ ಅಂತ್ಯ ಕಂಡ ಒಂದು ಲವ್ ಸ್ಟೋರಿಯೇ ಇವತ್ತಿನ ಎಫ್‌ಐಆರ್.
ಪಾರ್ಟಿ ಮಾಡಿದ ಮೇಲೆ ಬಾಥ್ರೂಮ್ಗೆ ಹೋದ ಮದನ್ ನೇಣಿಗೆ ಶರಣಾಗಿದ್ದ.. ಆದ್ರೆ ಆತ ಸಾಯುತ್ತಿದ್ರೆ ವೀಣಾ ಹೆಡ್ ಫೋನ್ ಹಾಕೊಂಡು ರೂಮ್ನಲ್ಲಿ ಮಲಗಿದ್ದಳು.. ಅಷ್ಟಕ್ಕೂ ಮದನ್ ಇದ್ದಕ್ಕಿದ್ದ ಹಾಗೆ ಹೋಗಿ ನೇಣುಬಿಗಿದುಕೊಂಡಿದ್ದೇಕೆ..? ನಿನ್ನೆ ಆ ಪಾರ್ಟಿಯಲ್ಲಿ ಇಬ್ಬರ ನಡುವೆ ಏನಾಯ್ತು..?
ಒಟ್ಟಿಗೆ ಆಡಿ ಬೆಳೆದವರು ಹೆಣ್ಣಿಗಾಗಿ ಕಾದಾಟ: ಅವಳಿಗಾಗಿ ಪ್ರಾಣ ಸ್ನೇಹಿತನನ್ನೇ ಕೊಂದು ಮುಗಿಸಿದ್ದ
ಆಕೆಗೆ ಮೊದಲೇ ಒಂದು ಲವ್ ಬ್ರೇಕ್ಅಪ್ ಆಗಿತ್ತು. ಮೊದಲ ಹುಡುಗ ಕೈಕೊಟ್ಟಾಗ ಡಿಪ್ರೆಷನ್ನಲ್ಲಿದ್ದವಳಿಗೆ ಸಿಕ್ಕಿದ್ದೇ ಈ ಮದನ್.. ಆದ್ರೆ ಮದನ್ ಜೊತೆಗೆ ಪ್ರೀತಿಯಲ್ಲಿ ಬಿದ್ದಾಗಲೂ ಆಕೆ ಬೇರೆ ಹುಡುಗರ ಜೊತೆ ಓಡಾಡುತ್ತಿದ್ದಳಂತೆ.. ಇದನ್ನ ತಿಳಿದ ಮದನ್ ಆಕೆಯ ಜೊತೆಗೆ ಬ್ರೇಕ್ ಅಪ್ ಮಾಡಿಕೊಳ್ಳೋದಿಕ್ಕೆ ನಿರ್ಧರಿಸಿದ್ದ.. ಆದ್ರೆ ಅವಳು ಮಾತ್ರ ನೀನೇ ಬೇಕು ಅಂತ ಅವನ ಹಿಂದೆ ಬಿದ್ದಿದ್ದಳು.. ಇನ್ನೂ ಒಮ್ಮೆ ಅವನ ಮನೆ ಮುಂದೆಯೇ ಹೋಗಿ ಜಗಳ ಕೂಡ ಮಾಡಿದ್ದಳು.. ಪರಿಸ್ಥಿತಿ ಹೀಗಿರುವಾಗ್ಲೇ ಆವತ್ತು ಇಬ್ಬರೂ ಅವಳದ್ದೇ ಮನೆಯಲ್ಲಿ ಮೀಟ್ ಮಾಡಿದ್ದಾರೆ.. ಒಟ್ಟಿಗೇ ಕೂತು ಎಣ್ಣೆ ಪಾರ್ಟಿ ಮಾಡಿದ್ದಾರೆ.. ಪಾರ್ಟಿ ನಂತರ ಇಬ್ಬರ ನಡುವೆ ಜೋರು ಜಗಳವಾಗಿದೆ.. ಆಕೆ ಮತ್ತೇ ಮದುವೆಯಾಗು ಅಂತ ಹಠ ಹಿಡಿದಿದ್ದಾಳೆ.. ಈ ವೇಳೆಯಲ್ಲಿ ನಾನಿದ್ರೇನೇ ತಾನೆ ಈವೆಲ್ಲಾ ಅಂತ ಹೇಳಿ ಸೀದಾ ಬಾಥ್ರೂಮ್ಗೆ ಹೋಗಿ ನೇಣಿಗೆ ಶರಣಾಗಿಬಿಟ್ಟಿದ್ದಾನೆ.
ಪ್ರೀತಿ ಮಾಡಿದ ತಪ್ಪಿಗೆ ಇವತ್ತು ಮದನ್ ಮಸಣ ಸೇರಿದ್ದಾನೆ. ಅವನನ್ನೇ ನಂಬಿದ್ದ ಆತನ ಹೆತ್ತವರು ಕಣ್ಣೀರಲ್ಲಿ ಕೈ ತೊಳೆಯುತ್ತಿದ್ದಾರೆ.. ವಯಸ್ಸಲ್ಲದ ವಯಸಲ್ಲಿ ಲವ್ ಬಲೆಗೆ ಬಿದ್ದು ನಂತರ ಪ್ರೀತಿಯಲ್ಲಿ ಮೋಸ ಹೋದ್ವಿ ಅನ್ನೋ ಕಾರಣಕ್ಕೆ ತಮ್ಮ ಜೀವನವನ್ನೇ ಅಂತ್ಯ ಮಾಡಿಕೊಳ್ಳುವವರಿಗೆ ಈ ಎಪಿಸೋಡ್ ಪಾಠವಾಗಲಿ.
