ಕ್ರಿಕೆಟ್‌ ಆಡಿದ್ದು ಸಾರ್ಥಕವಾಯಿತು, ಸಚಿನ್ ಟ್ವೀಟ್‌ಗೆ ಕಿರಣ್ ತಾರಲೇಕರ್ ಪ್ರತಿಕ್ರಿಯೆ!
ಟೆನಿಸ್‌ ಬಾಲ್‌ ಕ್ರಿಕೆಟ್‌ ಟೂರ್ನಿಯಲ್ಲಿ ಕಿರಣ್ ತಾರಲೇಕರ್ ಹಿಡಿದ ಕ್ಯಾಚ್‌ ಸೋಶಿಯಲ್‌ ಮೀಡಿಯಾದಲ್ಲಿ ಸಾಕಷ್ಟು ಸದ್ದು ಮಾಡಿದೆ. ಸ್ವತಃ ಕ್ರಿಕೆಟ್‌ ದಿಗ್ಗಜ ಸಚಿನ್ ತೆಂಡುಲ್ಕರ್‌ ಈ ವಿಡಿಯೋವನ್ನು ರೀ ಟ್ವೀಟ್‌ ಮಾಡಿದ್ದರು.
ಬೆಳಗಾವಿ (ಫೆ.14): ಲೋಕಲ್‌ ಟೆನಿಸ್‌ ಟೂರ್ನಿಯ ಪಂದ್ಯದಲ್ಲಿ ಕಿರಣ್ ತಾರಲೇಕರ್ ಹಿಡಿದ ಕ್ಯಾಚ್‌ ಸೋಶಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗಿದೆ. ಸ್ವತಃ ಸಚಿನ್ ತೆಂಡುಲ್ಕರ್‌ ಈ ವಿಡಿಯೋವನ್ನು ರೀ ಟ್ವೀಟ್‌ ಮಾಡಿ, ಫುಟ್‌ಬಾಲ್‌ ಆಟವನ್ನು ಗೊತ್ತಿರುವ ಕ್ರಿಕೆಟ್‌ ಆಟಗಾರ ಮಾತ್ರ ಇಂಥ ಕ್ಯಾಚ್‌ ಹಿಡಿಯಬಲ್ಲ ಎಂದು ಬರೆದುಕೊಂಡಿದ್ದರು. ಅದರೊಂದಿಗೆ ಇಂಗ್ಲೆಂಡ್‌ನ ಮಾಜಿ ನಾಯಕ ಮೈಕೆಲ್‌ ವಾನ್‌, ನ್ಯೂಜಿಲೆಂಡ್‌ ಆಟಗಾರ ಜಿಮ್ಮಿ ನೀಶಾಮ್‌ ಕೂಡ ಈ ಕ್ಯಾಚ್‌ಅನ್ನು ಮೆಚ್ಚಿಕೊಂಡಿದ್ದರು. ಆರ್‌ಸಿಬಿ ತಂಡದ ಸ್ಟಾರ್‌ ಆಲ್ರೌಂಡರ್‌ ಗ್ಲೆನ್‌ ಮ್ಯಾಕ್ಸ್‌ವೆಲ್‌ ಕೂಡ ಈ ವಿಡಿಯೋವನ್ನು ರೀಟ್ವೀಟ್‌ ಮಾಡಿ ಮೆಚ್ಚಿದ್ದರು.
ಇದನ್ನೂ ಓದಿ: ಫೀಲ್ಡಿಂಗ್‌ಗಾಗಿ ಸಚಿನ್, ಮೈಕಲ್‌ ವಾನ್‌ರಿಂದ ಭೇಷ್‌ ಎನಿಸಿಕೊಂಡ ಬೆಳಗಾವಿಯ ಕಿರಣ್ ತಾರಲೇಕರ್!
