RRR: ಪ್ರತಿ ನಿಮಿಷವೂ ರೋಚಕ, ಮೈನವಿರೇಳಿಸುವ ದೃಶ್ಯ ವೈಭವ.!
RRR ನಲ್ಲಿ ಜ್ಯೂ, ಎನ್ಟಿಆರ್ ಕೋಮರಂ ಭೀಮ್ ಪಾತ್ರ ಮಾಡಿದ್ದಾರೆ. ರಾಮ್ ಚರಣ್ ಅಲ್ಲೂರಿ ಸೀತರಾಮ ರಾಜು ರೋಲ್ನಲ್ಲಿ ವಿಜೃಂಭಿಸಿದ್ದಾರೆ. ಇಬ್ಬರು ಸೌತ್ ಸೂಪರ್ ಸ್ಟಾರ್ಸ್.
RRR ಸ್ಟೋರಿ ತುಂಬಾ ಸಿಂಪಲ್, ಆದ್ರೆ ಅದನ್ನ ಮೌಳಿ ತೋರಿಸಿದ ರೀತಿ ವಾವ್ಹ್ ಅನ್ನಿಸುತ್ತೆ. ಸಿನಿಮಾದ ಕತೆ ಕೋಮರಂ ಭೀಮ್ ಮತ್ತು ಅಲ್ಲೂರಿ ಸೀತಾರಾಮ ರಾಜು ಅವರದ್ದು. ಸೀತಾರಾಮ ರಾಜು ಬ್ರಿಟೀಷರ ಸರ್ಕಾರದಲ್ಲಿ ನಿಷ್ಠಾವಂತ ಪೊಲೀಸ್ ಅಧಿಕಾರಿ, ಕೋಮರಂ ಭೀಮ್ ಕಾಡಿನಲ್ಲಿರೋ ಕೊಂಡ ಸಮುದಾಯದ ಕಾವಲುಗಾರ. ಕೋಮರಂ ಭೀಮ್ ಕಾಡಿನಿಂದ ನಗರಕ್ಕೆ ಬರುತ್ತಾನೆ. ಅದಕ್ಕೊಂದು ಉದ್ದೇಶ ಇದೆ. ಮತ್ತೊಂದು ಕಡೆ ಅಲ್ಲೂರಿ ಸೀತ ರಾಮ ರಾಜು ಆಂಗ್ಲರಿಗೆ ತೋರುತ್ತಿರುವ ನಿಷ್ಠೆಯ ಹಿಂದೆಯೂ ಒಂದು ಉದ್ದೇಶ ಇದೆ. ಈ ಎರಡೂ ಉದ್ದೇಶಗಳು ಒಂದು ಕಡೆ ಸೇರುತ್ತವೆ. ರಾಮ್ ಬೆಂಕಿ, ಭೀಮ್ ನೀರು. ಇವೆರಡೂ ಒಂದಾಗುತ್ತದೆ. ಆ ಬಳಿಕ RRR ನಲ್ಲಿ ಕಾಡ್ಗಿಚ್ಚು, ಪ್ರಳಯ ಸುನಾಮಿ ಎದ್ದು ಬಿಡುತ್ತೆ.
RRR ನಲ್ಲಿ ಜ್ಯೂ, ಎನ್ಟಿಆರ್ ಕೋಮರಂ ಭೀಮ್ ಪಾತ್ರ ಮಾಡಿದ್ದಾರೆ. ರಾಮ್ ಚರಣ್ ಅಲ್ಲೂರಿ ಸೀತರಾಮ ರಾಜು ರೋಲ್ನಲ್ಲಿ ವಿಜೃಂಭಿಸಿದ್ದಾರೆ. ಇಬ್ಬರು ಸೌತ್ ಸೂಪರ್ ಸ್ಟಾರ್ಸ್. ಇಬ್ಬರನ್ನು ಒಂದೇ ಫ್ರೇಮ್ನಲ್ಲಿ ತೋರಿಸೋದು ತುಂಬಾ ಕಷ್ಟ. ಬಟ್, ಜಕ್ಕಣ್ಣ ರಾಜಮೌಳಿ ಮಿಸ್ಟರ್ ಪರ್ಫೆಕ್ಟ್ ಅನ್ನೋದು ಇಲ್ಲೂ ಸಾಭೀತಾಗಿದೆ. ಒಂದು ದೃಶ್ಯದಲ್ಲಿ ಜೂ ಎನ್ಟಿಆರ್ ಪಾತ್ರ ಮೇಳೈಸಿದ್ರೆ, ಮತ್ತೊಂದು ದೃಶ್ಯದಲ್ಲಿ ರಾಮ್ ಚರಣ್ ಘರ್ಜಿಸುತ್ತಾರೆ. ಈ ಎರಡೂ ಪಾತ್ರಗಳು ಒಟ್ಟಿಗೆ ಕಾಣಿಸಿಕೊಂಡಾಗ ಇಬ್ಬರ ಅಭಿಮಾನಿಗಳು ಒಟ್ಟಿಗೆ ಸಂಭ್ರಮಿಸುವಂತೆ ಮಾಡಿದ್ದಾರೆ.
RRR ಫಸ್ಟ್ ಶೋ ನೋಡಿ ಅಭಿಮಾನಿಗಳು ಏನ್ ಹೇಳ್ತಿದ್ದಾರೆ ನೋಡಿ!
ರಾಜಮೌಳಿ, ಸಿನಿಮಾದ ಕತೆಯಲ್ಲಿ ಅದೆಷ್ಟು ಗಟ್ಟಿಯಾಗಿದ್ದಾರೋ ಸಿನಿಮಾದ ಹಾಡುಗಳು ಕಣ್ಣಲ್ಲಿ ಕೂತುಬಿಡುತ್ತೆ. ನಾಟು-ನಾಟು ಹಾಡಿನಲ್ಲಿ ರಾಮ್ ಚರಣ್ ಜ್ಯೂ, ಎನ್ಟಿಆರ್ ಡಾನ್ಸ್ ಇಡೀ ಚಿತ್ರಮಂದಿರವೇ ಶಿಳ್ಳೆಯಲ್ಲಿ ಮುಳುಗುಂತೆ ಮಾಡುತ್ತೆ. ಸಿನಿಮಾದ ಕೊನೆಯಲ್ಲಿ ಬರೋ ಮತ್ತೊಂದು ಹಾಡು ದೇಶಪ್ರೇಮವನ್ನ ಮತ್ತಷ್ಟು ಉಕ್ಕಿ ಬರುವಂತೆ ಮಾಡುತ್ತೆ.
