ಐದು ಕಥೆಗಳ 'ಪೆಂಟಗನ್ ' ಸಿನಿಮಾ ಏಪ್ರಿಲ್ 7ಕ್ಕೆ ರಿಲೀಸ್..!
ಹಾಡುಗಳು ಮತ್ತು ಟೀಸರ್ ಮೂಲಕ ಪೆಂಟಗನ್ ಸಿನಿಮಾ ಗಮನ ಸೆಳೆಯುತ್ತಿದ್ದು, ಏಪ್ರಿಲ್ 7ರಂದು ಬಿಡುಗಡೆ ಆಗಲಿದೆ.
ಹಾಡುಗಳು ಮತ್ತು ಟೀಸರ್ ಮೂಲಕ ಪೆಂಟಗನ್ ಸಿನಿಮಾ ಗಮನ ಸೆಳೆಯುತ್ತಿದ್ದು, ಏಪ್ರಿಲ್ 7ರಂದು ಬಿಡುಗಡೆ ಆಗಲಿದೆ. 5 ಭಿನ್ನವಾದ ಕಥೆಗಳ ಸಂಕಲನದ ರೀತಿಯಲ್ಲಿ ಪೆಂಟಗನ್ ಮೂಡಿಬಂದಿದೆ. ಇನ್ನು ಈ ಸಿನಿಮಾವನ್ನು ಗುರು ದೇಶಪಾಂಡೆ ಅವರು ನಿರ್ಮಾಣದ ಜೊತೆಗೆ ಒಂದು ಕಥೆಯನ್ನು ನಿರ್ದೇಶಿಸಿದ್ದಾರೆ. 5 ಬೇರೆ ಬೇರೆ ಕಥೆಗಳಿಗೆ ಐವರು ನಿರ್ದೇಶಕರು ಆ್ಯಕ್ಷನ್-ಕಟ್ ಹೇಳಿದ್ದು,ಗುರು ದೇಶಪಾಂಡೆ, ‘ಶಿವಾಜಿ ಸುರತ್ಕಲ್’ ಸಿನಿಮಾ ಖ್ಯಾತಿಯ ಆಕಾಶ್ ಶ್ರೀವತ್ಸ, ‘ಚೂರಿಕಟ್ಟೆ’ ಖ್ಯಾತಿಯ ರಾಘು ಶಿವಮೊಗ್ಗ, ‘ಬ್ರಹ್ಮಚಾರಿ’ ಚಿತ್ರದ ಚಂದ್ರಮೋಹನ್ ಹಾಗೂ ಹೊಸ ನಿರ್ದೇಶಕ ಕಿರಣ್ ಕುಮಾರ್ ಅವರು ತಲಾ ಒಂದು ಕಥೆಗೆ ನಿರ್ದೇಶನ ಮಾಡಿದ್ದಾರೆ. ಪ್ರೀತಿಕಾ ದೇಶಪಾಂಡೆ, ರವಿ ನಾಯಕ್, ಶ್ರುತಿ ನಾಯಕ್, ವಂಶಿ ಕೃಷ್ಣ ಸೇರಿದಂತೆ ದೊಡ್ಡ ತಾರಾಗಣ ಈ ಸಿನಿಮಾದಲ್ಲಿದೆ.