ಈ ವೀಕೆಂಡ್​ಗೆ ಸರಿಗಮಪ ವೇದಿಕೆಯಲ್ಲಿ ಕಿಚ್ಚೋತ್ಸವ: ಅಮ್ಮನನ್ನ ನೆನೆದು ಕಣ್ಣೀರು ಹಾಕಿದ ಕಿಚ್ಚ ಸುದೀಪ್

ಕಿಚ್ಚ ಸುದೀಪ್ ಸದ್ಯ ಮ್ಯಾಕ್ಸ್ ಗೆಲುವಿನ ಖುಷಿಯಲ್ಲಿದ್ದಾರೆ. ಈ ನಡುವೆ ಸರಿಗಮಪ ಶೋನಲ್ಲಿ ಭಾಗಿಯಾಗಿರೋ ಕಿಚ್ಚನಿಗೆ ಸರ್​ಪ್ರೈಸ್ ಗಿಫ್ಟ್ ಕೊಡಲಾಗಿದೆ. ಸರಿಗಮಪ ಟೀಂ ಕಿಚ್ಚನಿಗೆ ತಾಯಿಯ ಮೂರ್ತಿಯನ್ನ ಗಿಫ್ಟ್ ಕೊಟ್ರೆ, ಸುದೀಪ್ ಪುತ್ರಿ ಸಾನ್ವಿ ಹಾಡು ಹಾಡಿ ಅಪ್ಪನಿಗೆ ಸರ್​ಪ್ರೈಸ್ ಕೊಟ್ಟಿದ್ದಾಳೆ. ಕಿಚ್ಚ ಸುದೀಪ್ ಸದ್ಯ ಮ್ಯಾಕ್ಸ್ ಗೆಲುವಿನ ಸಂಭ್ರಮದಲ್ಲಿದ್ದಾರೆ. ಮೊದಲ ವಾರ ಭರ್ಜರಿ ಕಮಾಯಿ ಮಾಡಿರೋ ಮ್ಯಾಕ್ಸ್ ಈಗಲೂ ಯಶಸ್ವಿ ಪ್ರದರ್ಶನ ಕಾಣ್ತಾ ಇದೆ. ಸಿನಿಮಾಗೆ ರಿಪೀಟ್ ಆಡಿಯನ್ಸ್ ಬರ್ತಾ ಇದ್ದು, ಕಿಚ್ಚ ಫುಲ್ ಖುಷ್ ಆಗಿದ್ದಾರೆ. ಇನ್ನೂ ಈ ವಾರದ ಸರಿಗಮಪ ಶೋನಲ್ಲಿ ಸುದೀಪ್ ಭಾಗಿಯಾಗಿದ್ದಾರೆ. ಈಗಾಗ್ಲೇ ಅದರ ಚಿತ್ರೀಕರಣ ಮುಗಿಸಿದ್ದು, ಎಪಿಸೋಡ್​ನಲ್ಲಿ ಸ್ಪರ್ಧಿಗಳು ಸುದೀಪ್ ಹಾಡುಗಳನ್ನ ಹಾಡಿ ರಂಜಿಸಿದ್ದಾರೆ. ಇನ್ನೂ ಸರಿಗಮಪ ಟೀಂ ಸುದೀಪ್​ಗೆ ಅಮ್ಮನ ಮೂರ್ತಿಯನ್ನ ಗಿಫ್ಟ್ ಕೊಟ್ಟಿದ್ದು, ಅದನ್ನ ಕಂಡು ಸುದೀಪ್ ಭಾವುಕರಾಗಿದ್ದಾರೆ. ಜೊತೆಗೆ ಸುದೀಪ್ ಪುತ್ರಿ ವೇದಿಕೆಯಲ್ಲಿ ಹಾಡನ್ನ ಹಾಡಿ ಅಪ್ಪನಿಗೆ ಸರ್​ಪ್ರೈಸ್ ಗಿಫ್ಟ್ ಕೊಟ್ಟಿದ್ದಾಳೆ. ಒಟ್ಟಾರೆ ಈ ವಾರ ಸರಿಗಮಪ ಶೋನಲ್ಲಿ ಕಿಚ್ಚೋತ್ಸವ ನಡೆಯಲಿದೆ.