ಭದ್ರಾವತಿಯಲ್ಲಿ ರೌಡಿಗಳ ಮಚ್ಚಿನ ಆರ್ಭಟ: ದೇವಾಲಯದಲ್ಲಿ ಮಚ್ಚಿಗೆ ಪೂಜೆ ಮಾಡಿಸಿ ಕೊಲೆಗೆ ಸ್ಕೆಚ್!

ಭದ್ರಾವತಿ (ಮೇ 5): ಉಕ್ಕಿನ ನಗರಿ ಎಂದೇ ಹೆಸರಾಗಿರುವ ಭದ್ರಾವತಿಯಲ್ಲೀಗ ರೌಡಿಗಳ ಗ್ಯಾಂಗ್ ವಾರ್ ಖುಲ್ಲಾ ಪ್ರಕಾರಕ್ಕೆ ತಿರುಗಿದೆ. ಕಾನೂನು ಮತ್ತು ಸರಕಾರದ ನಿಯಮಾವಳಿಗಳನ್ನು ಗಾಳಿಗೆ ತೂರಿ, ನಡು ರಸ್ತೆಯಲ್ಲಿ ಮಚ್ಚು ಬೀಸುವ ದೃಶ್ಯಗಳು ಅಲ್ಲಿನ ಜನರಲ್ಲಿ ಭಯದ ವಾತಾವರಣ ಸೃಷ್ಟಿಸಿವೆ.

ಇತ್ತೀಚಿಗೆ ನಡೆದ ಬೆಳವಣಿಗೆಯು ಎಲ್ಲರಿಗೂ ಬೆಚ್ಚಿ ಬೀಳಿಸುವಂತಹದ್ದು. ಭದ್ರಾವತಿಯ ಚೌಡೇಶ್ವರಿ ದೇವಸ್ಥಾನದಲ್ಲಿ ಮಚ್ಚಿಗೆ ಪೂಜೆ ನೆರವೇರಿದ ಘಟನೆ ಗಂಭೀರ ಚರ್ಚೆಗೆ ಕಾರಣವಾಗಿದೆ. ಕಾನೂನು ಸುವ್ಯವಸ್ಥೆಗೆ ಧಕ್ಕೆ ತರುವ ಈ ಘಟನೆ 'ಮರ್ಡರ್ ಸ್ಕೆಚ್' ಗೆ ಪೂಜೆಯಂತೆ ಕಾಣುತ್ತಿದೆ.

ಗಾಂಧಿ ಆಲಿಯಾಸ್ ಪ್ರಮೋದ್ ವಿರುದ್ದ ಮುದ್ದೆ ಆಲಿಯಾಸ್ ವಿಶ್ವ: ಗ್ಯಾಂಗ್ ವಾರ್ ಆರಂಭ..?
ಪ್ರಚಲಿತ ಗ್ಯಾಂಗ್ ವರದಿಗಳ ಪ್ರಕಾರ, ಗಾಂಧಿ ಮತ್ತು ಮುದ್ದೆ ನಡುವಿನ ದ್ವೇಷ ತೀವ್ರವಾಗಿದ್ದು, ಪ್ರತೀ ಘಟನೆಯ ಹಿಂದೆ ಪ್ರತಿಕಾರದ ಚಿಹ್ನೆಗಳಿವೆ. ಕೆಲವು ದಿನಗಳ ಹಿಂದೆ ಭದ್ರಾವತಿಯ ಕಂಚಿಬಾಗಿಲು ಬಳಿ ನಡು ರಸ್ತೆಯಲ್ಲೇ ಮಚ್ಚು ಹಿಡಿದ ಗ್ಯಾಂಗ್‌ನಿಂದ ಮುದ್ದೆ ಮೇಲೆ ದಾಳಿ ನಡೆದಿದೆ. ಅವರು ಕೂದಲೊಂದು ಬಿಚ್ಚಿ ಪ್ರಾಣ ಉಳಿಸಿಕೊಂಡು ಓಡಿದ್ದಾರೆ ಎಂಬ ವರದಿಯಿದೆ. ಇದೀಗ ತನ್ನ ಮೇಲಿನ ದಾಳಿಗೆ ಪ್ರತಿಕಾರ ತೀರಿಸಲು ಮುದ್ದೆ ಸ್ಕೆಚ್ ಹಾಕಿರುವ ಶಂಕೆ ವ್ಯಕ್ತವಾಗಿದೆ. ಅದಕ್ಕೆ ಸಾಕ್ಷಿಯಾಗಿ ಚೌಡೇಶ್ವರಿ ದೇವಾಲಯದಲ್ಲಿ ಮಚ್ಚಿಗೆ ಪೂಜೆ ನಡೆಯುವ ದೃಶ್ಯ ಸಿಸಿಟಿವಿಯಲ್ಲಿ ಕಂಡುಬಂದಿದೆ.

ಪೊಲೀಸರು ಎಚ್ಚರವಾಗದಿದ್ದರೆ ಮಾರಕ ಪರಿಣಾಮ :ಭದ್ರಾವತಿಯಲ್ಲಿನ ಸಾರ್ವಜನಿಕರು ಗಂಭೀರ ಆತಂಕದಲ್ಲಿದ್ದಾರೆ. ದಿನದ ಬೆಳಗ್ಗೆ, ಸಾರ್ವಜನಿಕ ಸ್ಥಳಗಳಲ್ಲಿ ಈ ರೀತಿಯ ಮಾರಕ ಸ್ಕೆಚ್ ಗಳ ನಿರ್ವಹಣೆಯಲ್ಲಿ ಪೊಲೀಸ್ ಇಲಾಖೆ ಮೌನ ವಹಿಸುತ್ತಿದ್ದರೆ, ಅದು ಮುಂದಿನ ಹಂತದಲ್ಲಿ ದಾಳಿಗಳಾಗಬಹುದು ಎಂಬ ಭೀತಿ ವ್ಯಕ್ತವಾಗಿದೆ. ಸ್ಥಳೀಯ ರಾಜಕಾರಣಿಗಳು ಈ ಪ್ರಕರಣಗಳಲ್ಲಿ ನಿಷ್ಕ್ರಿಯರಾಗಿದ್ದರೆ ಅಥವಾ ರೌಡಿಗಳಿಗೆ ನೇರ ಅಥವಾ ಪರೋಕ್ಷ ಬೆಂಬಲ ನೀಡುತ್ತಿದ್ದಾರೆ ಎಂಬ ಅನುಮಾನ ಮೂಡಿದೆ. ಇದರಿಂದ ಇಡೀ ನಗರದಲ್ಲಿಯೇ ಭದ್ರತೆಯ ಬಿಕ್ಕಟ್ಟು ಉಂಟಾಗುವುದು ಖಚಿತ.

ಸಿಎಂ ಮತ್ತು ಗೃಹ ಸಚಿವರ ಗಮನಹರಿಸಿ: 

ಈ ಗಂಭೀರ ಪರಿಸ್ಥಿತಿಯತ್ತ ಮುಖ್ಯಮಂತ್ರಿ ಸಿದ್ದರಾಮಯ್ಯ ಮತ್ತು ಗೃಹ ಸಚಿವ ಡಾ. ಜಿ. ಪರಮೇಶ್ವರ್ ತಕ್ಷಣ ಗಮನ ಹರಿಸಬೇಕು. ಭದ್ರಾವತಿಯಂತಹ ಪ್ರಮುಖ ನಗರದಲ್ಲಿ ಮಚ್ಚಿಗೆ ದೇವಾಲಯದಲ್ಲಿ ಪೂಜೆ ಸಲ್ಲಿಸಿ, ಹೊಂಚು ಹಾಕಿ ಪ್ರತಿಕಾರದ ಆಟ ನಡೆಯುವುದನ್ನು ತಡೆಗಟ್ಟಬೇಕಿದೆ.