ಚಿನ್ನಸ್ವಾಮಿ ದುರ್ಘಟನೆ: ಸರ್ಕಾರ ತಪ್ಪೇ ಮಾಡಿಲ್ಲ, ಸರ್ಕಾರಕ್ಕೇಕೆ ಮುಜುಗರ? ಸಿಎಂ ಸಿದ್ದರಾಮಯ್ಯ ಸಮರ್ಥನೆ

ಬೆಂಗಳೂರು (ಜೂ.10): ರಾಯಲ್ ಚಾಲೆಂಜರ್ಸ್ ಬೆಂಗಳೂರು (ಆರ್‌ಸಿಬಿ) ತಂಡದ ಐಪಿಎಲ್ ವಿಜಯೋತ್ಸವದ ವೇಳೆ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಸಂಭವಿಸಿದ ಕಾಲ್ತುಳಿತ ದುರ್ಘಟನೆ ಕುರಿತು ಪ್ರತಿಕ್ರಿಯಿಸಿದ ಮುಖ್ಯಮಂತ್ರಿ ಸಿದ್ದರಾಮಯ್ಯ, ಈ ಕುರಿತು ತಮ್ಮ ಮೇಲಿರುವ ಆರೋಪಗಳನ್ನು ತಳ್ಳಿ ಹಾಕಿದ್ದಾರೆ. 'ಈ ಘಟನೆಗೆ ಸರ್ಕಾರ ಹೊಣೆ ಅಲ್ಲ. ನಾವು ತಪ್ಪೇ ಮಾಡಿಲ್ಲ, ಸರ್ಕಾರಕ್ಕೆ ಮುಜುಗರ ಯಾಕೆ ಆಗಬೇಕು?' ಎಂದು ಸಿಎಂ ಪ್ರಶ್ನಿಸಿದ್ದಾರೆ.

Add Asianetnews Kannada as a Preferred Source

ಸರ್ಕಾರದ ಹೊಣೆದಾರಿ ಇಲ್ಲ - ಸಿಎಂ ಸ್ಪಷ್ಟನೆ
ಸಿದ್ದರಾಮಯ್ಯನವರು ನೀಡಿರುವ ಸ್ಪಷ್ಟನೆಗಳ ವಿವರಗಳು ಹೀಗಿವೆ:
ಕ್ರೀಡಾಂಗಣದಲ್ಲಿ ಕಾರ್ಯಕ್ರಮ ಆಯೋಜಿಸಿದ್ದು ನಾವು ಅಲ್ಲ, ಕ್ರಿಕೆಟ್ ಅಸೋಸಿಯೇಷನ್ ಮತ್ತು ಸಂಬಂಧಿತ ಸಂಸ್ಥೆಗಳೇ ಮುಂದಾಗಿದ್ದವು.
ಚಿನ್ನಸ್ವಾಮಿ ಸ್ಟೇಡಿಯಂಗೆ ನನಗೂ ಸರ್ಕಾರಕ್ಕೂ ಯಾವುದೇ ನೇರ ಸಂಬಂಧವಿಲ್ಲ.
ವಿಧಾನಸೌಧದಲ್ಲಿ ಯಾವುದೇ ಘಟನೆ ಸಂಭವಿಸಿಲ್ಲ. ಹಾಗಿರುವಾಗ ಸಚಿವಾಲಯದ ಅಧಿಕಾರಿಗಳ ಮೇಲೆ ಕ್ರಮ ತೆಗೆದುಕೊಳ್ಳುವುದು ಎಂಥ ನ್ಯಾಯ?

ಪೊಲೀಸ್ ಆಯುಕ್ತರ ವಿರುದ್ಧ ಗಂಭೀರ ಆರೋಪ
ಸಿಎಂ ಅವರ ಪ್ರಕಾರ, ಅವರು ಅಪಾಯದ ಬಗ್ಗೆ ತಡವಾಗಿ ಮಾಹಿತಿ ಪಡೆದಿದ್ದಾರೆ:
ಕಾಲ್ತುಳಿತ 3:30ಕ್ಕೆ ನಡೆದಿದೆ. ಆದರೆ ನನಗೆ ಸಂಜೆ 5:45ಕ್ಕೆ ಮಾತ್ರ ಮಾಹಿತಿ ಲಭಿಸಿತು.
ಭದ್ರತೆ ವಿಷಯವಾಗಿ ಪೊಲೀಸ್ ಆಯುಕ್ತರು ಯಾವುದೇ ಮಾಹಿತಿ ನೀಡಿಲ್ಲ.
ಅವರ ಕರ್ತವ್ಯ ಲೋಪಕ್ಕಾಗಿ ಈಗಾಗಲೇ 5 ಮಂದಿ ಅಧಿಕಾರಿಗಳನ್ನು ಅಮಾನತುಗೊಳಿಸಲಾಗಿದೆ.

ವಿರೋಧ ಪಕ್ಷಗಳ ಮೇಲೆ ಟೀಕೆ
ಸಿದ್ದರಾಮಯ್ಯ, ಈ ಘಟನೆಗೆ ಸಂಬಂಧಿಸಿದಂತೆ ವಿರೋಧ ಪಕ್ಷಗಳ ತೀವ್ರ ಟೀಕೆಯನ್ನು 'ರಾಜಕೀಯ ಪ್ರೇರಿತ' ಎನ್ನುತ್ತಾರೆ. ಬಿಜೆಪಿ ಮತ್ತು ಜೆಡಿಎಸ್ ನ್ಯಾಯಾಂಗ ತನಿಖೆ ಒತ್ತಾಯಿಸಿದ್ದವು. ನಾವು ತನಿಖೆಗೆ ಆದೇಶಿಸಿದ್ದೇವೆ. ಕೇಂದ್ರ ಸಚಿವ ಹೆಚ್.ಡಿ.ಕುಮಾರಸ್ವಾಮಿಗೆ ಇದ್ದಕ್ಕಿದ್ದಂತೆ ಪೊಲೀಸರ ಮೇಲಿನ ಪ್ರೀತಿ ಹೇಗೆ ಬಂದಿತು? ಅವರು ಆರೋಪಿಸುತ್ತಿರುವಂತೆ ನಾನು ಯಾರನ್ನೂ ಬೆದರಿಸಲಿಲ್ಲ. ಇನ್ನು ಸಿಎಂ ಕಾರ್ಯದರ್ಶಿ ಗೋವಿಂದರಾಜ್ ಅವರನ್ನು ತೆಗೆದುಹಾಕಲಾಗಿದೆ. ತಪ್ಪು ನಮ್ಮಿಂದ ಆಗಿದ್ದರೆ ಅದು ಬ್ಲ್ಯಾಕ್ ಮಾರ್ಕ್ ಆಗುತ್ತಿತ್ತು. ಆದರೆ ನಾವು ತಪ್ಪೇ ಮಾಡಿಲ್ಲ. ಸಿಎಂ ಸಿದ್ದರಾಮಯ್ಯ ಈ ವಿಷಯದ ಬಗ್ಗೆ ಹೈಕಮಾಂಡ್ ಯಾವುದೇ ರೀತಿಯ ವರದಿ ಕೇಳಿಲ್ಲ ಎಂದೂ ಸ್ಪಷ್ಟಪಡಿಸಿದ್ದಾರೆ.