ವೇದ ಸಿನಿಮಾ ಸಕ್ಸಸ್: ಫ್ಯಾನ್ಸ್ ಮಧ್ಯೆ ಶಿವಣ್ಣ ಸೆಲೆಬ್ರೇಶನ್
ವೇದ ಸಿನಿಮಾ ನೋಡೋಕೆ ಪ್ರೇಕ್ಷಕರು ಚಿತ್ರಮಂದಿರಕ್ಕೆ ನುಗ್ಗುತ್ತಿದ್ದು, ಈ ಖುಷಿಯನ್ನು ಸೆಂಚುರಿ ಸ್ಟಾರ್ ಅಭಿಮಾನಿಗಳ ಮಧ್ಯೆ ಸೆಲೆಬ್ರೇಟ್ ಮಾಡಿದ್ದಾರೆ.
ಸೆಂಚುರಿ ಸ್ಟಾರ್ ಹ್ಯಾಟ್ರಿಕ್ ಹೀರೋ ಡಾಕ್ಟರ್ ಶಿವರಾಜ್ ಕುಮಾರ್ ವೇದ ಸಿನಿಮಾ ಬೆಳ್ಳಿತೆರೆ ಮೇಲೆ ವಿಜೃಂಭಿಸುತ್ತಿದೆ. ವೇದ ನೋಡಿದ ಸಿನಿ ಪ್ರೇಕ್ಷಕರು ಕುಣಿದು ಕುಪ್ಪಳ್ಳಿಸುತ್ತಿದ್ದಾರೆ. ಅಪ್ಪ-ಮಗಳ ಸಂಬಂಧಕ್ಕೆ ಈ ವೇದ ಸಾಕ್ಷಿ. ಇಂತಹ ಸಿನಿಮಾಗಳು ಇತ್ತೀಚೆಗೆ ಬಂದೇ ಇಲ್ಲ. ಶಿವಣ್ಣ ಅಪ್ಪ ಮಗಳ ಕಥೆಯನ್ನ ಹೊತ್ತು ತಂದಿದ್ದು ತುಂಬಾ ಖುಷಿ ಆಯ್ತು. ಒಳ್ಳೆ ಫ್ಯಾಮಿಲಿ ಸಿನಿಮಾ ವೇದ ಅಂತ ಕೊಂಡಾಡುತ್ತಿದ್ದಾರೆ. ವೇದ ಇರೋ ಚಿತ್ರಮಂದಿರಗಳು ಹೌಸ್ ಫುಲ್ ಆಗಿವೆ. ಹೀಗಾಗಿ ವೇದನ ಸೂಪರ್ ಸಕ್ಸಸ್ ಅನ್ನು ಶಿವಣ್ಣ ಫ್ಯಾನ್ಸ್ ಮಧ್ಯೆ ಸೆಲೆಬ್ರೇಟ್ ಮಾಡಿದ್ದಾರೆ. ಅಭಿಮಾನಿಗಳ ಸಮ್ಮುಖದಲ್ಲಿ ಬೆಂಗಳೂರಿನ ರಾಜಾಜಿನಗರದ ರಾಮಮಂದಿರದಲ್ಲಿ ಶಿವಣ್ಣ ಪೂಜೆ ಸಲ್ಲಿಸಿದ್ದಾರೆ. ರಾಜಾಜಿನಗರದ ರಾಮಮಂದಿರದಿಂದ ಮಾಗಡಿ ರಸ್ತೆಯ ಪ್ರಸನ್ನ ಚಿತ್ರಮಂದಿರದವರೆಗೆ ಶಿವಣ್ಣ ರಥವೇರಿ ಮೆರವಣಿಗೆ ಹೋಗಿದ್ದಾರೆ.
