ಮತ್ತೆ ಜೈಲು ಸೇರ್ತಾರಾ ಅಲ್ಲು ಅರ್ಜುನ್? ಫುಲ್‌ ಟೆನ್ಷನ್‌ನಲ್ಲಿ 'ಪುಷ್ಪಾ 2' ಸ್ಟಾರ್ ನಟ!
ಹೈದ್ರಾಬಾದ್ನ ಸಂಧ್ಯಾ ಥಿಯೇಟರ್ನಲ್ಲಾದ ಕಾಲ್ತುಳಿತ ಮತ್ತು ಮಹಿಳೆಯ ಬಲಿ ಪ್ರಕರಣಕ್ಕೆ ಸಂಬಂಧಿಸಿದಂತೆ ಅಲ್ಲು ಅರ್ಜುನ್ ವಿಚಾರಣೆ ಎದುರಿಸಿದ್ದಾರೆ. ಚಿಕ್ಕಡಪಲ್ಲಿ ಪೊಲೀಸರು ವಿಚಾರಣೆಗೆ ಹಾಜರಾಗುವಂತೆ ಅಲ್ಲು ಅರ್ಜುನ್ಗೆ ನೋಟೀಸ್ ಕೊಟ್ಟಿದ್ರು. ಅಂತೆಯೇ ತನ್ನ ವಕೀಲರ ಜೊತೆಗೆ ಅಲ್ಲು ಅರ್ಜುನ್ ಠಾಣೆಗೆ ಬಂದು ವಿಚಾರಣೆ ಎದುರಿಸಿದ್ದಾರೆ...
Followಅಲ್ಲು ಅರ್ಜುನ್ಗೆ (Allu Arjun) ಮಧ್ಯಂತರ ಬೇಲ್ ಸಿಕ್ಕರೂ ಖಾಕಿ ವಿಚಾರಣೆಯಿಂದ ಮುಕ್ತಿ ಸಿಕ್ಕಿಲ್ಲ. ಇವತ್ತು ಚಿಕ್ಕಡಪಲ್ಲಿ ಠಾಣೆಗೆ ಅಲ್ಲು ಅರ್ಜುನ್ನ ಕರೆಸಿ ಬರೊಬ್ಬರಿ 4 ಗಂಟೆಗಳ ಕಾಲ ಡ್ರಿಲ್ ಮಾಡಲಾಗಿದೆ. ಸಿಸಿಟಿವಿ ವಿಡಿಯೋವನ್ನ ಎದುರಿಗಿಟ್ಟು ಖಾಕಿಪಡೆ ಕೇಳಿದ ಪ್ರಶ್ನೆಗಳ ಮುಂದೆ ಪುಷ್ಪರಾಜ್ ತತ್ತರಿಸಿ ಹೋಗಿದ್ದಾನೆ.
ಹೌದು, ಹೈದ್ರಾಬಾದ್ನ ಸಂಧ್ಯಾ ಥಿಯೇಟರ್ನಲ್ಲಾದ ಕಾಲ್ತುಳಿತ ಮತ್ತು ಮಹಿಳೆಯ ಬಲಿ ಪ್ರಕರಣಕ್ಕೆ ಸಂಬಂಧಿಸಿದಂತೆ ಅಲ್ಲು ಅರ್ಜುನ್ ಇವತ್ತು ವಿಚಾರಣೆ ಎದುರಿಸಿದ್ದಾರೆ. ಚಿಕ್ಕಡಪಲ್ಲಿ ಪೊಲೀಸರು ಬೆಳಿಗ್ಗೆ 11ಗಂಟೆಗೆ ವಿಚಾರಣೆಗೆ ಹಾಜರಾಗುವಂತೆ ಅಲ್ಲು ಅರ್ಜುನ್ಗೆ ನೋಟೀಸ್ ಕೊಟ್ಟಿದ್ರು. ಅಂತೆಯೇ ತನ್ನ ವಕೀಲರ ಜೊತೆಗೆ ಅಲ್ಲು ಅರ್ಜುನ್ ಠಾಣೆಗೆ ಬಂದು ವಿಚಾರಣೆ ಎದುರಿಸಿದ್ದಾರೆ.
ಹೈದ್ರಾಬಾದ್ ಸೆಂಟ್ರಲ್ ಎಸಿಪಿ, ಡಿಸಿಪಿ ಮತ್ತು ಸಬ್ ಇನ್ಪೆಕ್ಟರ್ ಅಲ್ಲು ಅರ್ಜುನ್ ಎದುರು 50ಕ್ಕೂ ಹೆಚ್ಚು ಪ್ರಶ್ನೆಗಳನ್ನ ಕೇಳಿದ್ದಾರೆ. ಅದ್ರಲ್ಲೂ ಸಂಧ್ಯಾ ಥಿಯೇಟರ್ನ ಸಿಸಿಟಿವಿ ಫೂಟೇಜ್ ಇಟ್ಟು ಅಲ್ಲು ಅರ್ಜುನ್ನ ಪ್ರಶ್ನಿಸಿದ್ದು ಖಾಕಿ ಖಡಕ್ ಪ್ರಶ್ನೆಗಳನ್ನ ಎದುರಿಸೋಕೋಗಾದೇ ಐಕಾನ್ ಸ್ಟಾರ್ ತತ್ತಿರಿಸಿ ಹೋಗಿದ್ದಾರೆ.
ಅಲ್ಲು ಅರ್ಜುನ್ಗೆ ಖಾಕಿ ಪ್ರಶ್ನೆ :
⦁ ಥಿಯೇಟರ್ಗೆ ಬರುವ ಬಗ್ಗೆ ನೀವು ಯಾರಿಗೆ ತಿಳಿಸಿದ್ದಿರಿ?
⦁ ನೀವು ರೋಡ್ ಶೋಗೆ ಅನುಮತಿ ತೆಗೆದುಕೊಂಡಿದ್ದೀರಾ ಅಥವಾ ಇಲ್ಲವೇ?
⦁ ಅನುಮತಿ ನಿರಾಕರಿಸಲಾಗಿದೆ ಎಂದು ಯಾರೂ ಹೇಳಲಿಲ್ಲವೇ?
⦁ ನಿಮ್ಮ ಕುಟುಂಬದ ಯಾವ ಸದಸ್ಯರು ಥಿಯೇಟರ್ಗೆ ಬಂದಿದ್ದರು?
⦁ ನೀವು ಥಿಯೇಟರ್ನಲ್ಲಿ ಇದ್ದಾಗ ರೇವತಿ ಸತ್ತಿದ್ದು ಗೊತ್ತಿರಲಿಲ್ಲವೇ?
⦁ ಎಸಿಪಿ ಮತ್ತು ಸಿಐ ನಿಮ್ಮನ್ನು ಭೇಟಿ ಮಾಡಿದ್ದು ನಿಜವಲ್ಲವೇ?
⦁ ನಿಮ್ಮೊಂದಿಗೆ ಎಷ್ಟು ಬೌನ್ಸರ್ಗಳು ಬಂದರು?
⦁ ಅಭಿಮಾನಿಗಳ ಮೇಲೆ ದಾಳಿ ಮಾಡಿದ ಬೌನ್ಸರ್ಗಳ ವಿವರಗಳೇನು?
⦁ ಮಹಿಳೆಯ ಸಾವಿನ ಬಗ್ಗೆ ನಿಮಗೆ ಯಾವಾಗ ಗೊತ್ತಾಯಿತು?
⦁ ನೀವು 2:45 ಕ್ಕೆ ಥಿಯೇಟರ್ನಲ್ಲಿದ್ದೀರಿ ಎಂಬುದು ನಿಜವಲ್ಲವೇ?
⦁ 850 ಮೀಟರ್ ರೋಡ್ ಶೋ ಮಾಡಿದ್ದು ಏಕೆ?
⦁ ಹೊರಡುವಾಗ ಮತ್ತೇಕೆ ಅಭಿಮಾನಿಗಳತ್ತ ಕೈ ಬೀಸಬೇಕಿತ್ತು?
==
ಯೆಸ್ ಅಲ್ಲು ಅರ್ಜುನ್ಗೆ ಇಷ್ಟೆಲ್ಲಾ ಪ್ರಶ್ನೆಗಳನ್ನ ಕೇಳಿರೋ ಪೊಲೀಸರು ಅವರ ಉತ್ತರವನ್ನ ವಿಡಿಯೋ ರೆಕಾರ್ಡಿಂಗ್ ಮಾಡಿಕೊಂಡಿದ್ದಾರೆ. ಸತತ ನಾಲ್ಕು ಗಂಟೆ ವಿಚಾರಣೆ ನಡೆಸಿ ಮುಂದಿನ ಬಾರಿ ನೋಟೀಸ್ ಕೊಟ್ಟಾಗ ವಿಚಾರಣೆಗೆ ಬರಬೇಕು ಅಂತ ಹೇಳಿ ಕಳಿಸಿದ್ದಾರೆ. ಹೆಚ್ಚಿನ ಮಾಹಿತಿಗೆ ವಿಡಿಯೋ ನೋಡಿ..
