ಅಲ್ಲು ಅರ್ಜುನ್ ಪುಷ್ಪ ಸಿನಿಮಾ ಸೃಷ್ಟಿಯಾಗಿದ್ದು ಹೇಗೆ? ಇಂಟ್ರಸ್ಟಿಂಗ್ ವಿಚಾರ ರಿವೀಲ್

ಪುಷ್ಪ, ಟಿಟೌನ್ ಸ್ಟೈಲೀಶ್ ಸ್ಟಾರ್ ಅಲ್ಲು ಅರ್ಜುನ್ ಅವರನ್ನು ಪ್ಯಾನ್ ಇಂಡಿಯಾ ಸ್ಟಾರ್ ಮಾಡಿದ ಸಿನಿಮಾ. ರಾಜಮೌಳಿ, ಪ್ರಶಾಂತ್ ನೀಲ್ ಅಂತಹ ನಿರ್ದೇಶಕರ ಮಧ್ಯೆ ಮತ್ತೊಬ್ಬ ಸ್ಟಾರ್ ಡೈರೆಕ್ಟರ್ ಸುಕುಮಾರ್ ಟ್ಯಾಲೆಂಟ್ ಎಷ್ಟಿದೆ ಅಂತ ಸಾಭೀತು ಮಾಡಿದ ಚಿತ್ರ. ಪುಷ್ಪ ಸಿನಿಮಾದಲ್ಲಿ ಅಲ್ಲು ಅರ್ಜುನ್ ಪಕ್ಕಾ ರಾ ಲುಕ್ನಲ್ಲಿ ಕಾಣಿಸಿದ್ರು. ಅವರ ಕ್ಯಾರೆಕ್ಟರ್ಗೆ ಸೂಟ್ ಆಗೋ ಹಾಗೆ ಸಿನಿಮಾದ ಆಕ್ಷನ್ ದೃಶ್ಯಗಳ ಚಿತ್ರೀಕರಣವೂ ಆಗಿತ್ತು. ಪುಷ್ಪ ಸಿನಿಮಾದಲ್ಲಿ ಅಲ್ಲು ಅರ್ಜುನ್ ರಕ್ತ ಚಂದನ ತುಂಬಿರೋ ಲಾರಿಯನ್ನ ಕಾಡಿನ ಮಧ್ಯೆ ಓಡಿಸುತ್ತಾರೆ. ಈ ದೃಶ್ಯ ನೋಡಿ ವಾರೆ ವ್ಹಾ ಎಂದಿದ್ದರು. ಅಲ್ಲು ಅರ್ಜುನ್ ಹೆಂಗೆಲ್ಲಾ ಸಾಹಸ ಮಾಡಿದ್ದಾರೆ ಅಂತ ಥ್ರಿಲ್ ಆಗುತ್ತೆ. ಆದ್ರೆ ಈ ದೃಶ್ಯ ಕ್ರಿಯೆಟ್ ಆಗಿದ್ದು ಹೇಗೆ ಗೊತ್ತಾ.? ನಿರ್ದೇಶಕ ಸುಕುಮಾರ್ ಬ್ಲೂ ಮ್ಯಾಟ್ ಬಳಸಿ ಚಿತ್ರೀರಿಸಿದ್ದಾರೆ. ಅಷ್ಟೆ ಅಲ್ಲ ಈ ಲಾರಿಯನ್ನ ಗಾಳಿಯಲ್ಲಿ ಹಾರಿಸಿದ್ದು ಅಲ್ಲು ಅರ್ಜುನ್ ಅಲ್ಲ, ಸ್ಟಂಟ್ ಆರ್ಟಿಸ್ಟ್ ಒಬ್ರು ತಲೆಗೆ ಹೆಲ್ಮೆಟ್ ಹಾಕಿಕೊಂಡು ಲಾರಿಯನ್ನ ಡ್ರೈವ್ ಮಾಡಿದ್ದಾರೆ. ಲಾರಿಯಲ್ಲಿ ಅಲ್ಲು ಕಾಣಿಸಿಕೊಳ್ಳೋ ದೃಶ್ಯಗಳಿಗಾಗಿ ಡಮ್ಮಿ ಲಾರಿಯೊಂದನ್ನ ಕ್ರಿಯೆಟ್ ಮಾಡಲಾಗಿತ್ತು. ಅಲ್ಲು ಅರ್ಜುನ್ ಲಾರಿ ಡ್ರೈವ್ ಮಾಡೋ ಹಾಗೆ ಆ್ಯಕ್ಟ್ ಮಾಡಿದ್ರು. ಬಳಿಕ ಈ ಕತರ್ನಾಕ್ ಸ್ಟಂಟ್ಅನ್ನ ವಿಎಕ್ಸ್ಎಫ್ ಬಳಸಿ ನ್ಯಾಚ್ಯೂರಲ್ ಆಗಿ ತೋರಿಸಿದ್ದರು.