ಇವರೇ ನೋಡಿ ಸೆಂಚುರಿ ಸ್ಟಾರ್ ಶಿವಣ್ಣನ ಫೇವರಿಟ್ ವಿಲನ್!
ಏಷ್ಯಾನೆಟ್ ಸುವರ್ಣ ನ್ಯೂಸ್ ನ ರಾಪಿಡ್ ಫೈರ್‌ನಲ್ಲಿ ಶಿವರಾಜ್ ಕುಮಾರ್ ಪ್ರಶ್ನೆಗಳಿಗೆ ಪಟಾಪಟ್ ಎಂದು ಉತ್ತರ ನೀಡಿದರು. ಕೆಲವೊಂದು ಎಕ್ಸ್ ಕ್ಲೂಸಿವ್ ಎನಿಸುವ ಸಂಗತಿಗಳನ್ನೂ ಶಿವಣ್ಣ ಹಂಚಿಕೊಂಡಿದ್ದಾರೆ.
ಬೆಂಗಳೂರು (ಜೂನ್ 18): ಬೈರಾಗಿ ಚಿತ್ರದ ಪ್ರಮೋಷನ್‌ನಲ್ಲಿ ನಿರತರಾಗಿರುವ ಶಿವರಾಜ್ ಕುಮಾರ್ (Shivarajkumar), ಏಷ್ಯಾನೆಟ್ ಸುವರ್ಣ ನ್ಯೂಸ್ ನ ರಾಪಿಡ್ ಫೈರ್‌ನಲ್ಲಿ ಎಕ್ಸ್ ಕ್ಲೂಸಿವ್ ಅನಿಸುವಂಥ ಸಂಗತಿಗಳನ್ನು ಹಂಚಿಕೊಂಡರು. ಬೈರಾಗಿ (Bairagi) ಚಿತ್ರದಲ್ಲಿ ತಾವು ಹೇಳಿದ ಸೂಪರ್ ಡೈಲಾಗ್ ಅನ್ನೂ ಶಿವಣ್ಣ ಈ ವೇಳೆ ಹೇಳಿದರು. ಓಂ ಚಿತ್ರದಲ್ಲಿ ಶಿವರಾಜ್ ಕುಮಾರ್ ಅವರ ಇಂಟ್ರೋಡಕ್ಷನ್ ಸೀನ್ ಅನ್ನು ಮತ್ತೆ ಅದೇ ರೀತಿ ಮಾಡಿ ತೋರಿಸುವ ಮೂಲಕ ಡಾಲಿ ಧನಂಜಯ ಶಿವಣ್ಣ ಅವರ ಮೆಚ್ಚುಗೆಗೆ ಪಾತ್ರರಾದರು. ಪುನೀತ್ ರಾಜ್ ಕುಮಾರ್, ಕೊರಳಲ್ಲಿರೋ ತಾಯ್ತ, ಮುಂದಿನ ಕನಸುಗಳು ಎಲ್ಲವನ್ನೂ ಶಿವಣ್ಣ ಹೇಳಿಕೊಂಡರು. ಶಿವರಾಜ್ ಕುಮಾರ್ ಅವರೊಂದಿಗೆ ಬೈರಾಗಿ ಚಿತ್ರದಲ್ಲಿ ನಟಿಸಿರುವ ಡಾಲಿ ಧನಂಜಯ ಹಾಗೂ ಪೃಥ್ವಿ ಅಂಬರ್ ಕೂಡ ಇದ್ದರು.
ಜುಲೈ 1ಕ್ಕೆ ಬೈರಾಗಿ ಸಿನಿಮಾ ಬಿಡುಗಡೆ: ವಿಭಿನ್ನ ಅವತಾರದಲ್ಲಿ ಶಿವರಾಜ್ ಕುಮಾರ್!
