Asianet Suvarna News Asianet Suvarna News

ಪಿಎಫ್ಐ ಉಗ್ರ ಸಂಘಟನೆ ಜೊತೆ ಕೇರಳ ಪೊಲೀಸ್ ಶಾಮೀಲು, ಸರ್ಕಾರದ ಶಸ್ತ್ರಾಸ್ತ್ರ ಪೂರೈಕೆ!

ಪಿಎಫ್ಐ ಉಗ್ರ  ಸಂಘಟನೆ ಜೊತೆ ಕೇರಳ ಪೊಲೀಸ್ ಶಾಮೀಲಾಗಿರುವ ಕರಿತು ರಾಷ್ಟ್ರೀಯ ತನಿಖಾ ದಳ ಮಹತ್ವದ ವರದಿ ನೀಡಿದೆ. ಈ ಕುರಿತು ಕೇರಳ ಪೊಲೀಸ್ ಇಲಾಖೆಗೆ ಉತ್ತರಿಸಲು ಸೂಚಿಸಿದೆ. ಇದನ್ನು ಮೀರಿಸುವ ಹಾಗೂ ದೇಶಕ್ಕೆ ಮಾರಕವಾಗಿ ನಡೆದುಕೊಂಡ ಕೇರಳ ಪೊಲೀಸರ ವರ್ತನೆ ಕುರಿತು ಮತ್ತೊಂದು ವರದಿ ಬಹಿರಂಗವಾಗಿದೆ.

Oct 4, 2022, 11:38 PM IST

ಪಿಎಫ್ಐ ಬ್ಯಾನ್ ಬಳಿಕ ಇದೀಗ ರಾಷ್ಟ್ರೀಯ ತನಿಖಾ ದಳ ಮಹತ್ವದ ವರದಿಯನ್ನು ನೀಡಿದೆ. ಈ ವರದಿಯಲ್ಲಿ ಕೇರಳ ಪೊಲೀಸ್ ಅಧಿಕಾರಿಗಳು ಹಾಗೂ ಪಿಎಫ್ಐ ಜೊತೆಗಿನ ಸಂಪರ್ಕ ಹಾಗೂ ನೆರವು ನೀಡಿದ ಮಾಹಿತಿಯನ್ನು NIA ವರದಿ ನೀಡಿದೆ. ಪಿಎಫ್ಐ ಜೊತೆ ಶಾಮೀಲಾಗಿದ್ದ ಕೇರಳ ಪೊಲೀಸರ ಪಟ್ಟಿಯನ್ನು NIA ನೀಡಿದೆ. ಈ ವರದಿಗೆ ಭಾರತ ಬೆಚ್ಚಿ ಬಿದ್ದಿದೆ. ಆದರೆ ಇದನ್ನೂ ಮೀರಿಸುವ ಮತ್ತೊಂದು ವರದಿ ಇದೆ. ಕೇರಳ ಪೊಲೀಸರಿಗೆ ನೀಡಿರುವ ಅತ್ಯಾಧುನಿಕ ರೈಫಲ್ಸ್, ಜೀವಂತ ಗುಂಡುಗಳು ಕಾಣೆಯಾಗಿದೆ. ಈ ಶಸ್ತಾಸ್ತ್ರಗಳನ್ನು ಕೇರಳ ಪೊಲೀಸರು ಪಿಎಫ್ಐ ಸಂಘಟನೆಗೆ ನೀಡಿರುವ ಆರೋಪಕ್ಕೆ ಬಲವಾದ ಸಾಕ್ಷ್ಯಗಳು ಲಭ್ಯವಾಗಿದೆ. ದೇವರ ನಾಡಿನಲ್ಲಿ ಪ್ರಜೆಗಳ ರಕ್ಷಣೆಗೆ ಇರುವ ಕೇರಳ ಪೊಲೀಸರೆ ಇದೀಗ ಉಗ್ರ ಸಂಘಟನೆ ಜೊತೆ ಶಾಮೀಲಾಗಿರುವ ಮೂಲಕ ಭಾರತವೇ ತಲೆ ತಗ್ಗಿಸುವ ಕೆಲಸ ಮಾಡಿದ್ದಾರೆ.