ಕಳ್ಳತನಕ್ಕೆ ಯತ್ನಿಸಿದ ಖದೀಮರಿಗೆ ಶಾಕ್, ಪಿಸ್ತೂಲ್ ಬೆದರಿಕೆಗೆ ಜಗ್ಗದೆ ಕಳ್ಳರ ಹಿಮ್ಮೆಟ್ಟಿಸಿದ ಅಜ್ಜಿ!
ಬಿಜೆಪಿ ನಾಯಕ ಪ್ರಕಾಶ್ ಮನೆಯಲ್ಲಿ ಕಳ್ಳತನಕ್ಕೆ ಯತ್ನಿಸಿದ ಕಳ್ಳರಿಗೆ ಅಜ್ಜಿ ಶಾಕ್ ನೀಡಿದ್ದರೆ. ಏಕಾಂಗಿಯಾಗಿ ಕಳ್ಳರನ್ನು ಹಿಮ್ಮೆಟ್ಟಿಸಿದ್ದಾರೆ.
Followಹಾಸನ(ಆ.23): ಮನೆಯಲ್ಲಿ ವೃದ್ಧೆ ಮಾತ್ರ ಇದ್ದಾಗ ಕಳ್ಳತನಕ್ಕೆ ಯತ್ನಿಸಿದ ಕಳ್ಳರನ್ನು ಏಕಾಂಗಿಯಾಗಿ ಹಿಮ್ಮೆಟ್ಟಿಸಿದ ಘಟನೆ ಹಾಸನದ ಕೆ.ಆರ್.ಪುರಂ ಸಂಪಿಗೆ ರಸ್ತೆಯಲ್ಲಿ ನಡೆದಿದೆ. ಬಿಜೆಪಿ ಮುಖಂಡ ಪ್ರಕಾಶ್ ಮನೆಯಲ್ಲಿ ಕಳ್ಳರು ಪ್ಲಾನ್ ಮಾಡಿ ನುಗ್ಗಿದ್ದಾರೆ. ಸೋಮವಾರ ಮಧ್ಯಾಹ್ನ 12 ಗಂಟೆ ಸುಮಾರಿಗೆ ವೃದ್ದೆ ರಂಗಮ್ಮ ಒಬ್ಬರೇ ಇದ್ದಾಗ ಮನೆಗೆ ನುಗ್ಗಿದ್ದಾರೆ. ಪ್ರಕಾಶ್ ಅವರಿಗೆ ಪಾರ್ಸೆಲ್ ಬಂದಿದೆ ಎಂಬ ನೆಪ ಹಿಡಿದುಕೊಂಡು ಮನೆಯ ಒಳ ಪ್ರವೇಶಿಸಲು ಯತ್ನಿಸಿದ್ದಾರೆ. ಅಜ್ಜಿಯ ಕುತ್ತಿಗೆಗೆ ಕೈಹಾಕಿ ಸರಗಳ್ಳತನಕ್ಕೆ ಯತ್ನಿಸಿದ್ದಾರೆ. ಆದರೆ ಧೈರ್ಯವಂತ ಅಜ್ಜಿ ಕಳ್ಳರನ್ನು ತಳ್ಳಿದ್ದಾರೆ. ಹಣೆಗೆ ಪಿಸ್ತೂಲ್ ಇಟ್ಟು ಬೆದರಿಸಿದರೂ ಜಗ್ಗದ ಅಜ್ಜಿ, ಕಳ್ಳರನ್ನು ತಳ್ಳಿ ಹಿಮ್ಮೆಟ್ಟಿಸಿದ್ದಾರೆ. ಅಜ್ಜಿಯ ಪ್ರತಿರೋಧಕ್ಕೆ ಬೆಚ್ಚಿದ ಕಳ್ಳರು ಕಂಪೌಂಡ್ ನೆಗೆದು ಎಸ್ಕೇಪ್ ಆಗಿದ್ದಾರೆ.
