ಭೈರತಿ ರಣಗಲ್‌ ಮೀರಿಸುವಂತಿದೆ ವೆಟ್ರಿ ಸ್ವ್ಯಾಗ್: ಸ್ಟಾರ್ ನಟ ಮಮ್ಮುಟ್ಟಿಯೊಂದಿಗೆ ರಾಜ್ ಬಿ ಶೆಟ್ಟಿ!
ಪರಭಾಷಿಗ ಸ್ಟಾರ್ ನಟರು ಕೂಡ ರಾಜ್ ಬಿ ಶೆಟ್ಟಿ ನಟನೆ ನಿರ್ದೇಶನ ನೋಡಿ ಹೊಗಳಿ ಕೊಂಡಾಡುತ್ತಾರೆ. ಹೀಗಾಗಿ ರಾಜ್ ಬಿ ಶೆಟ್ಟಿಗೆ ಪಕ್ಕದ ಕೇರಳದಲ್ಲೂ ಬೇಡಿಕೆ ಇದ್ದು, ಇದೀಗ ಮಲೆಯಾಳಂ ಸೂಪರ್ ಸ್ಟಾರ್ ಮಮ್ಮುಟ್ಟಿ ಸಿನಿಮಾದಲ್ಲಿ ರಾಜ್ ಬಿ ಶೆಟ್ಟಿ ಮಿಂಚುತ್ತಿದ್ದಾರೆ.
ಕನ್ನಡದ ಖ್ಯಾತ ನಟ ಕಮ್ ನಿರ್ದೇಶಕ ರಾಜ್ ಬಿ ಶೆಟ್ಟಿ ಸಿನಿಮಾಗಳಿಗೆ ಸೌತ್ನಲ್ಲಿ ಭಾರಿ ಬೇಡಿಕೆ ಇದೆ. ರಾಜ್ ಬಿ ಶೆಟ್ಟಿ ನಟನೆ ನಿರ್ದೇಶನದ ಟ್ಯಾಲೆಂಟ್ಗೆ ಕನ್ನಡ ಸಿನಿ ಪ್ರೇಕ್ಷಕರು ಯಾವಾಗ್ಲು ಫುಲ್ ಮಾರ್ಕ್ಸ್ ಕೊಡುತ್ತಾರೆ. ಅಷ್ಟೆ ಅಲ್ಲ ಪರಭಾಷಿಗ ಸ್ಟಾರ್ ನಟರು ಕೂಡ ರಾಜ್ ಬಿ ಶೆಟ್ಟಿ ನಟನೆ ನಿರ್ದೇಶನ ನೋಡಿ ಹೊಗಳಿ ಕೊಂಡಾಡುತ್ತಾರೆ. ಹೀಗಾಗಿ ರಾಜ್ ಬಿ ಶೆಟ್ಟಿಗೆ ಪಕ್ಕದ ಕೇರಳದಲ್ಲೂ ಬೇಡಿಕೆ ಇದ್ದು, ಇದೀಗ ಮಲೆಯಾಳಂ ಸೂಪರ್ ಸ್ಟಾರ್ ಮಮ್ಮುಟ್ಟಿ ಸಿನಿಮಾದಲ್ಲಿ ರಾಜ್ ಬಿ ಶೆಟ್ಟಿ ಮಿಂಚುತ್ತಿದ್ದಾರೆ. ಮಮ್ಮುಟ್ಟಿ ಅವಏ ಸ್ವತಃ ನಿರ್ಮಿಸಿ ಮುಖ್ಯ ಪಾತ್ರದಲ್ಲಿ ನಟಿಸುತ್ತಿರುವ 'ಟರ್ಬೋ' ಸಿನಿಮಾದಲ್ಲಿ ರಾಜ್ ಬಿ ಶೆಟ್ಟಿ ಅಭಿನಯಿಸಿದ್ದು, ಈ ಸಿನಿಮಾದ ಟ್ರೈಲರ್ ರಿಲೀಸ್ ಆಗಿದೆ. ವೈಶಾಕ್ ನಿರ್ದೇಶನದ ಈ ಸಿನಿಮಾದಲ್ಲಿ ರಾಜ್ ಬಿ ಶೆಟ್ಟಿ ಜೊತೆಗೆ ಅಂಜನ ಜಯಪ್ರಕಾಶ್, ತೆಲುಗಿನ ಸುನಿಲ್, ಶಬರೀಶ್ ವರ್ಮಾ, ದಿಲೀಶ್ ಪೋತನ್ ಸೇರಿದಂತೆ ದೊಡ್ಡ ಸ್ಟಾರ್ಗಳು ಬಣ್ಣ ಹಚ್ಚಿದ್ದಾರೆ. ಈ ಸಿನಿಮಾವನ್ನ ಕನ್ನಡದಲ್ಲಿ ರಾಜ್ ಬಿ ಶೆಟ್ಟಿ ಅವರ ನಿರ್ಮಾಣ ಸಂಸ್ಥೆಯಾದ ' ಲೈಟರ್ ಬುದ್ಧ ಫಿಲಂಸ್' ವಿತರಣೆ ಮಾಡುತ್ತಿದ್ದು ಸಧ್ಯದಲ್ಲೇ ಬಿಡುಗಡೆ ದಿನಾಂಕ ಅನೌನ್ಸ್ ಆಗಲಿದೆ.
