ಒಬ್ಬ ಸೂಪರ್ ಸ್ಟಾರ್.. ಒಂದು ಮರ್ಡರ್, ಏನಿದು ಕಾಂತ ಸಿನಿಮಾ ಹಿಂದಿನ ಕಹಾನಿ..?

ಕಾಂತಾ ಎಂಬ ಪ್ಯಾನ್ ಇಂಡಿಯಾ ಸಿನಿಮಾ ದುಲ್ಕರ್ ಸಲ್ಮಾನ್ ಮತ್ತು ರಾಣಾ ದಗ್ಗುಬಾಟಿ ಅಭಿನಯದ ನೈಜ ಘಟನೆ ಆಧಾರಿತ ಚಿತ್ರವಾಗಿದೆ. ಈ ಚಿತ್ರದ ಕಥೆ 1950ರ ದಶಕದ ತಮಿಳು ಸಿನಿರಂಗದ ಮೊದಲ ಸೂಪರ್ ಸ್ಟಾರ್ ಎಂ.ಕೆ.ಟಿ ಭಾಗವತರ್ ಅವರ ಜೀವನಾಧಾರಿತವಾಗಿದೆ. ಭಾಗವತರ್ ಕೊಲೆ ಆರೋಪದಿಂದ ಜೈಲಿಗೆ ಹೋಗಿದ್ದರು, ಆದರೆ ಅವರ ಸಿನಿಮಾಗಳು ಜೈಲಿನ ಪಕ್ಕದ ಥಿಯೇಟರ್‌ಗಳಲ್ಲಿ ಪ್ರದರ್ಶನವಾಗುತ್ತಿದ್ದವು. ಈ ಹಿನ್ನೆಲೆ ಕೇಳಿದಾಗ, ಕೆಲವರಲ್ಲಿ ಇದು ಸ್ಯಾಂಡಲ್‌ವುಡ್ ನಟ ದರ್ಶನ್ ಮೇಲಿನ ಪ್ರಕರಣದಾದರೂ ಎಂಬ ಅನುಮಾನ ಮೂಡಿದೆ. ಆದರೆ ಈ ಸಿನಿಮಾ ದರ್ಶನ್ ಕುರಿತಲ್ಲ, ಅದು ಭಾಗವತರ್ ಅವರ ಕುರಿತಾದ ನೈಜ ಘಟನೆಯನ್ನಾಧರಿಸಿದೆ. ಸೆಲ್ವಮಣಿ ಸೆಲ್ವರಾಜ್ ನಿರ್ದೇಶನದ ಈ ಚಿತ್ರವು ಕನ್ನಡದ ಜೊತೆಗೆ ಮಲೆಯಾಲಂ, ತೆಲುಗು, ತಮಿಳು ಮತ್ತು ಹಿಂದಿ ಭಾಷೆಗಳಲ್ಲಿ ಬಿಡುಗಡೆಯಾಗಲಿದೆ. ಈ ಚಿತ್ರದಲ್ಲಿ ಭಾಗ್ಯಶ್ರೀ ಕೂಡ ಪ್ರಮುಖ ಪಾತ್ರದಲ್ಲಿದ್ದಾರೆ.