23 ವರ್ಷವಾದ್ರೂ ಯೋನಿ ಬೆಳವಣಿಗೆಯಾಗದ ಯುವತಿಗೆ ಯಶಸ್ವಿ ಶಸ್ತ್ರಚಿಕಿತ್ಸೆ ಮಾಡಿದ ಬೆಂಗಳೂರಿನ ವೈದ್ಯರು
ಇತ್ತೀಚೆಗೆ ಅಂದರೆ 17 ವರ್ಷಗಳ ನಂತರ, 23 ನೇ ವಯಸ್ಸಿನಲ್ಲಿ, ಆಕೆ ಶಸ್ತ್ರಚಿಕಿತ್ಸೆ ಮೂಲಕ ಯೋನಿಯನ್ನು ಪಡೆದುಕೊಂಡಿದ್ದಾಳೆ. ಇನ್ನೊಂದೆಡೆ, 17 ವರ್ಷ ವಯಸ್ಸಿನಿಂದಲೂ ಮುಟ್ಟಿನ ಅವಧಿಗಳ ಅನುಪಸ್ಥಿತಿಯನ್ನು ಈಕೆ ಅನುಭವಿಸಿದ್ದಳು.
 )
Followಬೆಂಗಳೂರು (ಮೇ 11, 2023): ಬೆಂಗಳೂರಿನ ನಿವಾಸಿಯಾದ ಹುಡುಗಿಯೊಬ್ಬಳಿಗೆ 6 ನೇ ವಯಸ್ಸಿನಲ್ಲಿ, ತನಗೆ ಅಪರೂಪದ ಅನುವಂಶಿಕ ಅಸ್ವಸ್ಥತೆ ಇದೆ ಎಂದು ತಿಳಿದುಬಂದಿದೆ. ಅದು, ಆಕೆಯ ಸಂತಾನೋತ್ಪತ್ತಿ ಅಂಗಗಳ ಬೆಳವಣಿಗೆಯ ಮೇಲೆ ಪರಿಣಾಮ ಬೀರಿದೆ. ಇದರಿಂದಾಗಿ ಆಕೆಯ ಹೊಟ್ಟೆಯಲ್ಲಿ ಒಂದು ಜೋಡಿ ವೃಷಣಗಳು ಬೆಳೆದಿದ್ದರೂ ಯೋನಿ ಬೆಳವಣಿಗೆಯಾಗಿರಲಿಲ್ಲ.
ಇನ್ನು, ಇತ್ತೀಚೆಗೆ ಅಂದರೆ 17 ವರ್ಷಗಳ ನಂತರ, 23 ನೇ ವಯಸ್ಸಿನಲ್ಲಿ, ಆಕೆ ಶಸ್ತ್ರಚಿಕಿತ್ಸೆ ಮೂಲಕ ಯೋನಿಯನ್ನು ಪಡೆದುಕೊಂಡಿದ್ದಾಳೆ. ಇನ್ನೊಂದೆಡೆ, 17 ವರ್ಷ ವಯಸ್ಸಿನಿಂದಲೂ ಮುಟ್ಟಿನ ಅವಧಿಗಳ ಅನುಪಸ್ಥಿತಿಯನ್ನು ಈಕೆ ಅನುಭವಿಸಿದ್ದಳು. ಬಳಿಕ, ಸಂಪೂರ್ಣ ತನಿಖೆಯಲ್ಲಿ ಆಕೆಯ ಹೊಟ್ಟೆಯಲ್ಲಿ ವೃಷಣಗಳು ಕಂಡುಬಂದಿವೆ ಎಂದೂ ತಿಳಿದುಬಂದಿದೆ.
ಇದನ್ನು ಓದಿ: ಯೋನಿ ಸೋಂಕಿದ್ದಾಗ ಸೆಕ್ಸ್ ಮಾಡೋದು ಎಷ್ಟು ಸೇಫ್‌?
ಜೆನೆಟಿಕಲಿ ಪುರುಷವಾಗಿದ್ದರೂ, ಆಕೆಯ ದೇಹವು ಪುರುಷ ಹಾರ್ಮೋನುಗಳಿಗೆ ಪ್ರತಿಕ್ರಿಯಿಸುವುದಿಲ್ಲ. ಇದು ಬಾಹ್ಯ ಜನನಾಂಗಗಳ ಬೆಳವಣಿಗೆಗೆ ಕಾರಣವಾಗುತ್ತದೆ. ಅದೂ, ಆಂತರಿಕ ಪುರುಷ ಸಂತಾನೋತ್ಪತ್ತಿ ಅಂಗಗಳೊಂದಿಗೆ ಎಂದು ತಿಳಿದುಬಂದಿದೆ.
ಏಪ್ರಿಲ್‌ನಲ್ಲಿ, ಈ ಯುವತಿ ತನ್ನ ಯೋನಿಯ ಪುನರ್‌ನಿರ್ಮಾಣಕ್ಕಾಗಿ ರೋಬೋಟ್‌ನ ಸಹಾಯದಿಂದ ಸಂಕೀರ್ಣವಾದ ಶಸ್ತ್ರಚಿಕಿತ್ಸೆಗೆ ಒಳಗಾಯಿತು. ರೋಬೋಟಿಕ್ ಲ್ಯಾಪರೊಸ್ಕೋಪಿಕ್ ಯೋನಿ ಪುನರ್ನಿರ್ಮಾಣವು ಇಲಿಯಲ್ ಲೂಪ್ ಅನ್ನು ಬಳಸಿದೆ. ಇಲಿಯಲ್ ಲೂಪ್ ಅಂದರೆ ಮೂತ್ರಪಿಂಡಗಳು ದೇಹದಿಂದ ಹೊರಬರಲು ಮತ್ತು ಮೂತ್ರವನ್ನು ಹೊರಹಾಕಲು ಅನುಮತಿಸುವ ಒಂದು ಸಣ್ಣ ಓಪನಿಂಗ್ ಆಗಿದೆ. ಅವಳ ಕರುಳಿನಿಂದ ಒಂದು ಸಣ್ಣ ತುಂಡು ಅಂಗಾಂಶವನ್ನು ತೆಗೆದುಕೊಂಡು ಯೋನಿ ಒಳಪದರವನ್ನು ರಚಿಸಲಾಗಿದೆ.
ಇದನ್ನೂ ಓದಿ: ವಜೈನಾ ಕ್ಲೀನ್ ಮಾಡಲು ಸಾಬೂನ್ ಬಳಸುವಾಗ ಹುಷಾರ್ !
ರೋಬೋಟಿಕ್ ಹಸ್ತಕ್ಷೇಪದ ಕಾರ್ಯವಿಧಾನವು ಕನಿಷ್ಠ ಆಕ್ರಮಣಕಾರಿ ಮತ್ತು ಚೇತರಿಕೆಯ ಸಮಯ ಕಡಿಮೆಯಾಗಿದೆ ಎಂದು ಖಚಿತಪಡಿಸಿದೆ ಎಂದು ಚಿಕಿತ್ಸೆಯನ್ನು ನಡೆಸಿದ ವೈದ್ಯರು ಹೇಳಿದರು. ಇದು ಉತ್ತಮವಾಗಿ ಕಾರ್ಯನಿರ್ವಹಿಸುತ್ತಿದ್ದರೂ, ಆಕೆ ಜೀವನಪರ್ಯಂತ ಹಾರ್ಮೋನ್ ರೀಪ್ಲೇಸ್ಮೆಂಟ್ ಥೆರಪಿಯನ್ನು ತೆಗೆದುಕೊಳ್ಳುತ್ತಿದ್ದಾರೆ.
ಆಂಡ್ರೋಜೆನ್‌ ಇನ್ಸೆನ್ಸಿಟಿವಿಟಿ ಸಿಂಡ್ರೋಮ್ (AIS) ಎಂದೂ ಕರೆಯಲ್ಪಡುವ ವೃಷಣ ಫೆಮಿನೈಸೇಶನ್ ಸಿಂಡ್ರೋಮ್ ಅಪರೂಪದ, ಅನುವಂಶಿಕ, ಲೈಂಗಿಕ ಬೆಳವಣಿಗೆಯ ಅಸ್ವಸ್ಥತೆಯಾಗಿದ್ದು, ಇದು 10,000 ಜನರಲ್ಲಿ 1 ಜನರ ಮೇಲೆ ಪರಿಣಾಮ ಬೀರುತ್ತದೆ ಎಂದು ಫೋರ್ಟಿಸ್ ಆಸ್ಪತ್ರೆಗಳ ವೈದ್ಯರು ಹೇಳಿದ್ದಾರೆ. ಕಾಯಿಲೆಯಿಂದ ಆಕೆಯು ಹೆಣ್ಣಾಗಿದ್ದರೂ, ಗಂಡಿನ ಚಹರೆ ಹಾಗೂ ಲಕ್ಷಣಗಳನ್ನು ಒಳಗೊಂಡಿರುತ್ತದೆ. ಆದರೆ, ಲೈಂಗಿಕ ಭಾವದಲ್ಲಿ ಪುರುಷರ ಲೈಂಗಿಕ ಆಸಕ್ತಿಯನ್ನು ಒಳಗೊಂಡಿರುವುದಿಲ್ಲ. ಇಂತಹ ಸಮಸ್ಯೆ ಹೊಂದಿರುವ ಮಹಿಳೆಯರು ಚಿಕ್ಕದಾದ ಅಥವಾ ಮುಚ್ಚಿದ ಯೋನಿಯನ್ನು ಹೊಂದಿರುತ್ತಾರೆ.
ಇದನ್ನೂ ಓದಿ: Women Health : ಯಾಕೆ ಕೆಲ ಮಹಿಳೆಯರಿಗೆ ಬೇಗ ಮುಟ್ಟು ನಿಲ್ಲುತ್ತೆ?
XY ಕ್ರೋಮೋಸೋಮ್ ಹೊಂದಿರುವ ವ್ಯಕ್ತಿಗಳಲ್ಲಿ ಈ ಅಸ್ವಸ್ಥತೆ ಕಂಡುಬಂದಿದೆ ಎಂದು ಬೆಂಗಳೂರಿನ ಫೋರ್ಟಿಸ್ ಆಸ್ಪತ್ರೆಗಳ ಹಿರಿಯ ನಿರ್ದೇಶಕ ಡಾ. ಮೋಹನ್ ಕೇಶವಮೂರ್ತಿ ಹೇಳಿದ್ದಾರೆ. AIS ಅನ್ನು ಸಾಮಾನ್ಯವಾಗಿ ಪ್ರೌಢಾವಸ್ಥೆಯಲ್ಲಿ ಪತ್ತೆಮಾಡಲಾಗುತ್ತದೆ, ಒಂದು ಹುಡುಗಿ ಋತುಚಕ್ರವನ್ನು ಪ್ರಾರಂಭಿಸದಾಗ ಇದು ಪತ್ತೆಯಾಗುತ್ತದೆ ಎಂದು ಅವರು ಹೇಳಿದರು. ಮತ್ತು AIS ಹೊಂದಿರುವ ಅನೇಕ ಹುಡುಗಿಯರು ಪ್ಯೂಬಿಕ್‌ ಅಥವಾ ಆರ್ಮ್‌ಪಿಟ್‌ ಕೂದಲನ್ನು ಹೊಂದಿಲ್ಲ, ಮಕ್ಕಳನ್ನು ಹೆರಲು ಸಾಧ್ಯವಿಲ್ಲ ಮತ್ತು ಹಾರ್ಮೋನ್ ರೀಪ್ಲೇಸ್ಮೆಂಟ್ ಥೆರಪಿ ಇಲ್ಲದೆ ಆಸ್ಟಿಯೋಪೋರೋಸಿಸ್‌ಗೆ ಹೆಚ್ಚಿನ ಅಪಾಯವನ್ನು ಹೊಂದಿರುತ್ತಾರೆ ಎಂದೂ ಅವರು ಹೇಳಿದ್ದಾರೆ.
ಇದನ್ನೂ ಓದಿ: Women Health : ಹೆರಿಗೆ ನಂತ್ರ ಮಮ್ಮಿ ಮೇಕ್ ಓವರ್ ಸರ್ಜರಿ ಮಾಡಿಸಿಕೊಳ್ಳೋದೇಕೆ?
